2 SAMUEL 22:9 - Icamanal Toteco

⁹ Elqui quej pocti quisayaya ipan iyacatzol. Huan icamaco quisayaya tilelemecti cati tetzontamiltiyaya. Quena, elqui quej lemeniyaya miyac ticuahuit, pampa tahuel cualantoc.

2 SAMUEL 22:9 Iomraidhean Croise

2 SAMUEL 22:13

Cahuaniyaya itatanex TOTECO huan elqui quej tapetaniyaya iixpa. Huan itatanex lemeniyaya quej ticuahuit.

2 SAMUEL 22:16

Quema yaya tailpitzqui ica cualanti, quixejxelo nopa hueyi at cati tahuel huejcata, huan nopa ojme cati eltoc atatzinta monexti. Huan nesqui tanemijya nochi itzinpehualtil ni taltipacti, pampa TOTECO teajhuac chicahuac.

JOB 4:9

Pampa quema Toteco Dios cualani, yaya quintzontamiltía ica iijyoyo.

SALMOS 18:15

Quema TOTECO tailpitzqui, nochi nopa at ipan hueyi at san sejco momanqui hasta nesqui nochi nopa tali cati mocahua atatzinta campa más tahuejcata. Ica icamanal TOTECO mopanexti itzinpehualtil taltipacti, pampa yaya cualanqui.

SALMOS 18:8

Elqui quej quisayaya pocti ipan iyacatzol, huan ipan icamac quisayaya se tit cati nochi quitamitatiyaya, huan nochi quisosolohuayaya. Quena, quimajcahuayaya ticoli xaxahuacatoc pampa nelcualanqui.

ÉXODO 19:18

Huan nochi nopa tepet Sinaí popocayaya pampa TOTECO hualtemotoya ipan se tit. Nopa pocti tejcoyaya quej campa tacacatzohuaj, huan nochi nopa tepet mojmoliniyaya tahuel chicahuac.

ÉXODO 24:17

Huan nopa israelitame cati itztoyaj tatzinta quiajcotachilijque huan quiitaque itatanex TOTECO, huan para inijuanti elqui quej se tilelemecti cati nochi quitatiyayaj tepeixco.

ISAÍAS 30:27

Xiquitaca, ya huala TOTECO ten huejca ica nochi ichicahualis huan yaya tahuel cualani. Yahualtic ten ya tejco miyac pocti. Icamac temitoc ica miyac cualanti huan icamanal tetzontamiltía quej tit.

ISAÍAS 30:33

Hasta huejcajquiya TOTECO quisencajqui se lugar para se hueyi tilelemecti cati quitatis nopa tanahuatijquet ten Asiria. Nopa ostot eltoc tahuel huejcata huan patahuac huan ya quipiya tahuel miyac cuahuit para nopa tit. Huan TOTECO iijyoyo quipehualtis nopa tit cati tatas tahuel totonic quej tata se hueyi tepet.

JEREMÍAS 15:14

Huan nijchihuas inincualancaitacahua ma quinhuicaca para tetequipanotij ipan se tali cati amo quiixmatij huan campa amo quema itztoyaj, pampa tahuel nicualani. Huan nocualancayo eltoc quej se tit cati temachti quintamitatis.”

JEREMÍAS 5:14

“Huajca nimoTECO Cati Niquinyacana Noilhuicac Ejcahua Ma Tatanitij, quej ni nimitzilhuía, tiJeremías: ‘Pampa quiijtojque ya nopa ten notajtolpanextijcahua, na nijtalis nocamanal ipan mocamac. Huan nocamanal elis quej tit huan nopa masehualme elise quej cuahuit. Huan nopa tit quintamitatis.’ ”

HABACUC 3:5

Iixpa tayacanaj cocolisme cati temictíaj. Huan campa iicxihua panotiyahuij mocahua ticoli xaxahuacatoc.

DEUTERONOMIO 32:22

Nocualancayo tejcos quej se tit, huan lemenis hasta ajsis campa más huejcata ipan micta. Quitamitatis nochi taltipacti huan itajca. Hasta campa pehua tepeme quitatis nopa tit.

HEBREOS 12:29

pampa Toteco yaya temajmati quej se tit cati quitamitatía nochi cati onca.