2 SAMUEL 22:4 - Icamanal Toteco

⁴ Nijnotzas, TOTECO, cati quinamiqui tijhueyichihuase. Huan yaya techmaquixtis ten nocualancaitacahua.

2 SAMUEL 22:4 Iomraidhean Croise

SALMOS 18:3

San monequi nijnotzas TOTECO cati quinamiqui para nijhueyichihuas, huan yaya nechmanahuis inimaco nochi nocualancaitacahua.

APOCALIPSIS 5:12

Huan nochi nopa ilhuicac ehuani huicayayaj chicahuac huan quiijtohuayayaj: “Senquisa cuali ni Pilborregojtzi cati masehualme quimictijque. Huan quinamiqui para nochi masehualme ma quinextilica nochi tatepanitacayot, huan ma quihueyichihuaca huan ma quipaquilismacaca. Yaya quipiya nochi chicahualisti huan nochi talnamiquilisti. Huan quinamiqui para nochi cati ipati elis san ya iaxca.”

ROMANOS 10:13

Pampa nochi cati quinojnotzase Tohueyiteco, yaya quinmaquixtis ten inintajtacolhua.

SALMOS 116:2

Huan pampa mohuijtzoma huan nechnanquilía, nimotatajtis ica ya nochi tonali quema niyoltos.

SALMOS 96:4

Pampa TOTECO nelía tahuel hueyi huan quinamiqui ma tijhueyimatica. San yaya nelía temajmati huan ne sequinoc cati masehualme quintocaxtíaj dioses, amo.

SALMOS 48:1

¡Tahuel hueyi TOTECO! Quena, quinamiqui para tijpaquilismacase Toteco Dios cati itztoc ipan ialtepe huan ipan itepe cati tatzejtzeloltic.

APOCALIPSIS 4:11

“Ta tiToteco Dios cati nelpano tihueyi. Nochi chicahualisti tijpiya. Quinamiqui ma timitznextilica nochi tatepanitacayot. Quinamiqui para san ta ma timitzhueyichihuaca. Ta tijchijchijqui nochi cati onca. Quena, nochi cati onca eltoc pampa elqui mopaquilis para ma onca, huan yeca tijchijchijqui.”

SALMOS 116:17

Nimitzpaquilismacas huan nimitztascamatis huan ta tiquitas quej elisquía se tacajcahualisti.

SALMOS 116:13

Nijhualiquilis xocomecat iayo quej se tacajcahualisti, huan nijhueyimatis TOTECO pampa nechmaquixtijtoc.

SALMOS 116:4

Huajca nijtzajtzili TOTECO huan niquilhui: “TOTECO, techmanahui.”

SALMOS 106:2

¿Ajquiya huelis quitamiijcuilos nopa cuajcualtzitzi tiochicahualnescayot cati TOTECO quichihua? ¿Ajquiya huelis tepohuilis nochi cati quichijtoc Toteco?

SALMOS 66:2

¡Xihuicaca tiohuicat cati tepohuilía para tahuel hueyi ya! ¡Xijhueyimatica por nochi cati quichijtoc!

SALMOS 56:9

NoTeco Dios, quema nimitztzajtzilía para techpalehui, nochi nocualancaitacahua nimantzi cholohuaj. Quej nopa eli pampa cuali nijmati para ta tiitztoc nohuaya para techpalehuis.

SALMOS 55:16

Pero na san nijtzajtzilis Toteco Dios para ma nechmaquixti. Huan quena, temachti yaya nechmaquixtis.

SALMOS 50:15

Huan technojnotzaca quema anmotequipachohuaj, huan na nimechmanahuis huan amojuanti antechnextilise miyac tatepanitacayot.”

SALMOS 34:6

Masque nipilteicneltzi, nijtzajtzili TOTECO, huan yaya nechmaquixti ten nochi tamanti cati nechtequipachohuayaya.

NEHEMÍAS 9:5

Huan teipa nopa tayacanca levitame, Jesúa, Cadmiel, Bani, Hasabnías, Serebías, Hodías, Sebanías huan Petaías quinilhuijque nopa masehualme: “Ximoquetzaca huan xijhueyichihuaca TOTECO Dios cati ipa itztoya para nochipa huan para nochipa itztos.” Huan quiijtojque: “Nochi ma timitzhueyichihuaca huan ma timitzpaquilismacaca, TOTECO Dios, pampa ta tahuel tihueyi huan tahuel ticuajcualtzi.

2 CRÓNICAS 20:22

Huan ipan nopa talojtzi quema inijuanti pejque huicaj ica paquilisti para quihueyichihuase TOTECO, TOTECO pejqui quintehuía nopa soldados ten tali Moab, Amón huan tepet Seir cati hualayayaj para quinmictise nopa tali Judá ehuani, huan quinchijqui san inijuanti ma mocualanica se ica seyoc.