2 SAMUEL 22:3 - Icamanal Toteco

³ NoTeco Dios, ta techyahualohua para amo huelis techajsise nocualancaitacahua. San ipan ta nimotemachis. Ta cati techyahualohua para techmanahuis ten mosisinijca tacame. NoTeco Dios, ipan ta nijmati nitemachti. Tinotemaquixtijca. Techmanahuía ten cati techmictisquía.

2 SAMUEL 22:3 Iomraidhean Croise

GÉNESIS 15:1

Teipa TOTECO quinotzqui Abram ipan se tanextili cati elqui quej se temicti huan quiilhui: “Amo ximajmahui, Abram, pampa na nimitzmocuitahuis. Motaxtahuil elis nelhueyi.”

2 SAMUEL 22:31

Xitahuac nochi iojhui Toteco Dios. Nochipa quisa melahuac cati quiijtohua icamanal TOTECO. Yaya quinmanahuía nochi cati motemachíaj ipan ya.

2 SAMUEL 22:47

TOTECO itztoc. Ma tijpaquilismacaca yaya ipan cati nimotatía. Ma tijhueyichihuaca Toteco Dios, pampa yaya cati techmaquixtía.

2 SAMUEL 22:49

Quena, TOTECO techmanahuijtoc ten nocualancaitacahua. Techtalijtoc más huejcapa que nopa tacame cati techajsisnequiyayaj. Techmaquixtijtoc ten nopa tacame cati mosisiníaj ica na.

2 SAMUEL 22:51

TOTECO, ta techmanahuijtoc huan techtalijtoc nimotanahuatijca. Techtasojtatoc na, niDavid, cati ta techtapejpenijtoc. Ta tiquintasojtas nochi noteipan ixhuihua para nochipa.”

2 SAMUEL 23:3

Yaya Toteco toDios tiisraelitame nechcamanalhuijtoc. Yaya cati ipan tiisraelitame timochiyaj techilhui: ‘Hualas se cati tanahuatis xitahuac campa masehualme. Yaya techimacasis huan tanahuatis quej monequi.

SALMOS 14:6

TOTECO quinmanahuía teicneltzitzi pampa motemachíaj ipan ya quema tajtacolchijca masehualme quintaijyohuiltíaj.

SALMOS 140:1

TOTECO, techmanahui inimaco nopa taixpanoca masehualme. Techmocuitahui para tatehuijca tacame amo huelis nechcocose.

SALMOS 140:11

Amo xiquincahuili ma tatanica ipan total nopa masehualme cati quinpactía istacatise. Más cuali nimantzi xiquintatzacuilti.

SALMOS 140:4

TOTECO, techmocuitahui para amo nihuetzis inimaco masehualme cati amo cuajcualme, huan cati tetaijilhuíaj, pampa inijuanti moilhuijtoque quenicatza nechhuihuiitase.

SALMOS 142:4

Nijtachili campa hueli huan niquitac. Amo aqui moyolilhuía ten na. Amo aqui quinequi nechpalehuis. Amo aqui nechmocuitahuía, yon amo aqui quichihuilía cuenta nonemilis.

SALMOS 144:2

Yaya nechtasojta huan yaya nechpixtoc campa temachti. Yaya nechpixtoc imaco huan nechchololtis ten nocualancaitacahua. Yaya notamanahuijca huan ipan ya nimotemachijtoc. Yaya quintalijtoc nomaco miyac talme ica inimasehualhua para ma niquinnahuati.

SALMOS 18:2

TOTECO, ipan ta nimotatía pampa temachti techmaquixtis. Techyahualojtoc para amo huelis nechajsise nocualancaitacahua. Ta tinotamanahuijca. Ipan ta, noTeco Dios, nimotatía, pampa na niitztoc momaco. Quena, san ipan ta nimotemachía. Ta techyahualojtoc para techmocuitahuía. Ta tieli quej se huejcapantic tepancali cati cuali huan temachti. Ica ta mochicahualis nitatanis.

SALMOS 27:5

Quema ajsis tonali cati amo cuali, TOTECO nechmocuitahuis. Nechtatis ipan itiopa campa más tatzejtzeloltic, huan teipa nechquetzas ipan se hueyi tet para nechhueyitalis.

SALMOS 28:7

TOTECO, yaya nochicahualis huan notamanahuijca ten nochi cati mahuilili. Ipan ya nimoneltemachijtoc huan nechpalehuijtoc, yeca ipan noyolo nijpiya miyac paquilisti. Nihuicas huan nimitztascamatis, TOTECO.

SALMOS 3:3

Pero TOTECO, ta techyahualohua para techmanahuis. Ta cati techhueyitalía huan san ta cati tihueli techyolchicahua.

SALMOS 32:7

TOTECO, ipan ta nimotemachía quema onca tequipacholi, huan ta techmocuitahuía. Tijchijtoc para sequinoc ma nechyahualoca, huan inijuanti huicaj chicahuac para mitzhueyichihuase pampa techmanahuijtoc.

SALMOS 46:1

Toteco Dios ya totamanahuijca huan tochicahualis. Nimantzi techpalehuía quema onca taohuijcayot.

SALMOS 46:11

Itztoc tohuaya TOTECO cati quinyacana nopa miyac millones iilhuicac ejcahua para tatehuitij. Yaya cati iTeco tohuejcapan tata Jacob cati huejcajquiya itztoya, yaya cati techmocuitahuía ama.

SALMOS 46:2

Yeca amo timajmahuise masque ni taltipacti tamisosolihuis, huan masque misahuise tepeme hasta tatzinta ten nopa hueyi at.

SALMOS 46:7

Toteco Dios cati quinyacana nopa miyac millones iilhuicac ejcahua para tatehuitij itztoc tohuaya. Yaya cati techmocuitahuía ama, yaya iTeco tohuejcapan tata Jacob cati huejcajquiya itztoya.

SALMOS 5:12

Pampa ta, TOTECO, tiquintiochihua cati quichihuaj cati xitahuac moixpa. Motaicnelijcayo quinyahualohua quej se tepos tzajcayot cati quinmocuitahuía.

SALMOS 55:9

Toteco, xiquintzontamilti nocualancaitacahua. Xijchihua ma mocuapoloca inijuanti iniselti quema camanaltij. Na niquitztoc para nochi tatehuíaj campa hueli ipan ni moaltepe.

SALMOS 59:16

Pero na sese ijnaloc nihuicas ica nopa chicahualisti cati techmaca. Huan nimitzhueyimatis pampa techtasojta miyac. San ta techmanahuía huan san ipan ta nimotemachía, quema huala taohuijcayot.

SALMOS 61:3

Pampa san ipan ta nimotemachía para amo teno nopantis. Ta tiitztoc quej se huejcapantic cali cati nechmanahuía, para amo huelis nechajsise nocualancaitacahua.

SALMOS 71:7

Miyac san nechtachilíaj pampa quiitaj quenicatza techmocuitahuía.

SALMOS 72:14

Quinmanahuis para amo quintaijyohuiltise huan para amo quintehuise. Pampa quiitas para ininemilis tahuel miyac ipati iixpa.

SALMOS 84:11

Pampa ta, Toteco Dios, techtaahuilía huan techmanahuía. Ta techicnelía huan techhueyitalía. Huan nochi cati monejnemiltíaj xitahuac ipan moojhui, ta tiquinmacas nochi tamanti cuajcuali cati inijuanti quinequij.

SALMOS 84:9

Toteco, ta cati techmanahuía. Xijcualita huan xijtiochihua nopa tanahuatijquet cati ticaltijtoc para tanahuatis ipan Israel.

SALMOS 86:14

Toteco Dios, miyac masehualme cati mohueyimatij huan cati mosisiníaj motanantoque para nechtehuise. Huan miyac tatehuijca masehualme huan taixpanoni quinequij nechmictise, huan amo moyolilhuíaj ten ta.

SALMOS 9:10

Quena, TOTECO, nochi cati mitzixmatij motemachise ipan ta para tiquinpalehuis, pampa amo quema tiquintahuelcahuas cati mitztemohuaj.

SALMOS 9:9

Nochi cati pilteicneltzitzi huelis motemachise ipan TOTECO huan yaya quinmocuitahuis. Huelis motatise ipan ya quema taijyohuíaj.

ÉXODO 15:2

TOTECO techchijtoc ma nihuica ica paquilisti. Yaya Notemaquixtijca cati techmaca tetili. Yaya Dios noTeco cati nijtepanita, huan nijpaquilismacas. Yaya nopa Dios cati notata quihueyichijqui, huan nijhueyitalis.

PROVERBIOS 18:10

TOTECO eltoc quej se huejcapantic tepancali campa masehualme hueli momanahuise. Cuajcualme yahuij campa TOTECO huan ayecmo aqui hueli quincocos.

PROVERBIOS 30:5

Nochi cati TOTECO quiijtojtoc para quichihuas, mochihuas pampa temachti nochi icamanal. Yaya quinmanahuía nochi cati motemachíaj ipan ya.

ISAÍAS 12:2

Xiquitaca anmasehualme, Toteco Dios yaya notemaquixtijca. Huajca nimotemachis ipan ya huan ayecmo nimajmahuis. TOTECO itztoc cati techmaca nochicahualis huan yeca san para ya nihuicas. San yaya notemaquixtijca.

ISAÍAS 32:2

Huan nopa tanahuatijquet quimanahuis tali Israel ten nopa taohuijcayot cati hualas quej se hueyi ajacat o quej at cati huetzi nelchicahuac. Huan quinseseltis israelitame quej se atajti teseseltía ipan se huactoc tali. Quinpalehuis quej iecahuilo se hueyi tet ipan se huactoc tali cati tahuel totonic.

ISAÍAS 45:21

Ximocualtalica huan xiquixnextica taya tamanti cuali huelis anquiijtose ten amoteteyohua. Technextilica taya tamanti quichijtoque nopa teteyome para melahuac quinamiqui ma xiquinhueyichihuaca. Huan ximoilhuica sinta amechilhuijtoque tamanti achtohuiya cati panos teipa quej na nijchijtoc. San na niDIOS nitayolmelahua tamanti achtohui cati teipa panos. Amo aqui seyoc Dios iyoca ten na. San na niDios huan nixitahuac huan nitemaquixtía. Amo aqui seyoc.

JEREMÍAS 16:19

TOTECO, ta tinochicahualis huan tinotamanahuijca. Techpalehuía quema niitztoc ipan taijyohuilisti. Hualase masehualme ten miyac talme huan quiijtose: “Totatahua elque tahuel huihuitique pampa quinhueyichijque teteyome cati amo teno ininpati.

JEREMÍAS 16:9

Pampa na, nimoTECO Cati Niquinyacana Noilhuicac Ejcahua Ma Tatanitij huan na cati niiniDios israelitame niquijtohua: Xiquita, ipan monemilis na nijtamiltis campa amojuanti nochi huetzquisti cati onca ipan ni tali huan nochi yejyectzi huicat. Ayecmo aqui quicaquis itoscac se mosihuajtijquet, yon amo quicaquise nopa ichpocat cati quichiya para yas ihuaya ipan se nenamictili.

LUCAS 1:47

Quena, nipaqui miyac ipan Toteco Dios, yaya cati notemaquixtijca.

LUCAS 1:69

Techtitanilía se Temaquixtijquet cati quipiya hueyi chicahualisti. Yaya elis se iteipan ixhui Tanahuatijquet David cati huejcajquiya eliyaya itequipanojca.

LUCAS 1:71

ama yaya techmaquixtis ten tocualancaitacahua huan ten inijuanti cati amo quinequij techitase.

DEUTERONOMIO 32:37

Huan TOTECO quinilhuis: ‘¿Canque itztoque amoteteyohua, nopa tamanahuiani cati ipan anmotemachiyayaj?

DEUTERONOMIO 32:4

Yaya cati techmanahuía. Nochi itequi eltoc cuali. Xitahuac nochi cati quichihua. Yaya nopa Toteco Dios cati temachti. Amo quema quichihua cati amo ijqui. Yaya quichihua cati melahuac huan xitahuac.

DEUTERONOMIO 33:29

Tahuel antatiochihualme anisraelitame. Amo aquijme sequinoc masehualme quej amojuanti cati amechmaquixtijtoc TOTECO. Yaya cati amechmanahuía huan amechpalehuía. Yaya quej amomacheta cati ica antatanise. Por ya nochi amocualancaitacahua motancuaquetzase amoixpa, huan ininpa anmoquetzase.”

TITO 3:4

Pero teipa Toteco Totemaquixtijca technextili quenicatza yaya quintasojta huan quinicnelía nochi masehualme,

TITO 3:6

Huan Toteco techmacatoc Itonal ica nochi ichicahualis por cati Jesucristo, Totemaquixtijca, quichijqui.

HEBREOS 2:13

Huan nojquiya quiijtohua: “Na nimotemachis ipan Toteco Dios ihuaya noicnihua.” Huan nojquiya Jesús quiijto: “Nica niitztoc inihuaya iconehua Toteco cati yaya nechmacatoc.”

1 SAMUEL 2:1

Huan Ana motatajti ica TOTECO huan quiijto: “TOTECO, nelía niyolpaqui ipan ta. Miyac techtiochijtoc huan techmacatoc yancuic chicahualisti. Huan ama huelis niquinanquilis nocualancaitacahua, pampa ta, TOTECO, techmaquixtijtoc ten notequipachol. Huan yeca nelía niyolpaqui.

1 SAMUEL 2:2

Amo aqui seyoc cati tatzejtzeloltic quej ta, TOTECO. Amo aqui seyoc Dios. Amo aqui seyoc cati hueli temanahuía quej ta, san Toteco Dios tiiyojtzi.