2 SAMUEL 2:6 - Icamanal Toteco

⁶ Huajca ama ma TOTECO amechtasojta. Ma amechita ica cuali huan ma amechnextili cati xitahuac. Huan na nojquiya nimechchihuilis cati cuali por cati anquichijtoque.

2 SAMUEL 2:6 Iomraidhean Croise

2 SAMUEL 10:2

Huan David quiijto: “Na nijchihuas cati cuali ica Hanún, icone Nahas, quej itata quichijqui cati cuali ica na”. Huan David quintitanqui tacame para ma quiyoltalitij pampa mijqui itata. Huan quema ajsitoj ipan inintal amonitame,

2 SAMUEL 15:20

San tionajsico huan amo quinamiqui para nimitzchihualtis ticalaquis ica tojuanti. Yon amo nijmati canque tiajsitij. Más cuali para xitacuepili huan nojquiya nochi inijuanti cati hualajtoque mohuaya. Huan ma TOTECO mitztiochihua huan ma itzto mohuaya nochipa.

2 SAMUEL 2:7

Huajca ama masque ya mictoc Saúl, amotanahuatijca, ximoyolchicahuaca, huan ximosemacaca huan ximotalica tohuaya pampa nopa tayacanani ipan tali Judá techchijtoque niinintanahuatijca.”

2 SAMUEL 9:3

Huajca David quiilhui: ―¿Amo mocajtoc yoltoc se acajya ten ifamilia Saúl cati huelis nijnextilis itaicnelijcayo Toteco Dios? Huan Siba quinanquili: ―Mocajtoc se icone Jonatán cati amo hueli nejnemi pampa metzcuachotic ipan nochi ome iicxi.

2 SAMUEL 9:7

Huan David quiilhui: ―Amo ximajmahui. Na nelía nijnequi nimitzpalehuis huan nimitzchihuilis cati cuali pampa tahuel niquicneli motata Jonatán. Na nimitzcuepilis nochi nopa tali cati eliyaya iaxca mohueyi tata Saúl huan ta tiitztos nica ipan nochaj huan nochipa titacuas nohuaya.

SALMOS 57:3

Ten ilhuicac nechtitanilía itapalehuil para nechmaquixtis. Yaya nechchololtis inimaco nocualancaitacahua cati ica miyac cualanti nechtepotztocatinemij, huan quinequij nechtzontamiltise. Pampa yaya Toteco Dios temachti huan tahuel nechicnelía.

ÉXODO 34:6

Huan TOTECO panoc iixpa Moisés huan quiijtojtiyajqui: ―Na niDIOS, moTECO. Na cati nitetasojta huan nijpiya hueyi noyolo ica masehualme. Ohui para nicualani, pampa tahuel niteicnelía. Huelis timotemachis ipan na pampa senquisa nitemachti.

PROVERBIOS 14:22

Cati moyolilhuíaj para quichihuase san cati amo cuali, mocuapolose; pero cati moyolilhuíaj para quichihuase san cati cuali quipantise teicnelijcayot huan cati melahuac.

MATEO 10:16

“Nimechtitani campa masehualme cati amo cuajcualme. Huan quej mahuilili para borregojme mopantise inihuaya tepechichime, nojquiya elis mahuilili para amojuanti. Huajca ximochihuaca antalnamiquini quej cohuame, pero nojquiya xiitztoca quej palomajme cati amo quichihuaj cati amo cuali.

MATEO 5:44

Na nimechilhuía, xiquinicnelica amocualancaitacahua huan xijtajtanica Toteco ma quintiochihua cati amechtaijyohuiltíaj.

MATEO 5:7

Xipaquica amojuanti cati antetasojtaj huan antepalehuíaj, pampa Toteco nojquiya amechtasojtas huan amechpalehuis.

JOSUÉ 2:14

Huan tananquilijque: ―Timechmanahuise sinta techmanahuis huan amo aqui tiquilhuis ten tojuanti. Quena, sinta amo techcajcayahuas, timitzchihuilise cati cuali huan cati xitahuac quema TOTECO techmacas ni tali.

Rut 1:8

Pero ipan ojti Noemí moyolcuetqui huan quinilhui: ―Más cuali sempa xiyaca amochajchaj campa amonanahua. Ma TOTECO amechtaxtahui pampa cuali anitztoyaj ica notelpocahua huan ica na nojquiya.