2 JUAN 1:11 - Icamanal Toteco

¹¹ Pampa sinta se quiyolchicahuas, quipalehuis ica nopa cati amo cuali quichihua.

2 JUAN 1:11 Iomraidhean Croise

SALMOS 50:18

Quema anquiitaj se tachtejquet, anmohuampochihuaj ihuaya, huan nojquiya anmohuicaj inihuaya cati quichijtinemij ten hueli ica cati amo inintahuical.

EFESIOS 5:11

Ximoiyocatalica ten nochi nopa tamanti cati sequinoc quichihuaj ipan tzintayohuilot pampa nopa tamanti amo quipiyaj inintajca. Pero quena, xiquintalnamictica cati quej nopa quichihuaj huan xiquinhuicaca campa taahuili.

1 TIMOTEO 5:22

Amo xijtali momax ipan se tacat nimantzi para tijtequimacas quej se huehue taneltocaquet cati tayacanas. Pampa sinta tijtalis momax ipan itzonteco para tijtequitalis se tacat huan teipa tajtacolchihuas, huajca motajtacol nojquiya pampa amo tijpixqui tamocuitahuili achtohui ajquiya tijtequitali. Huajca ximotachili para tijchihuas cati nelía cuali huan amo titajtacolchihuas.

HEBREOS 5:13

Quena, nochi taneltocani cati san quinequij quicaquise cati amo más ohui ipan Icamanal Toteco itztoque quej pilconetzitzi cati amo moscaltijtoque ipan Toteco, huan amo hueli quimatij taya cuali huan taya amo cuali para quichihuase.

JUDAS 1:23

Xiquinmaquixtica sequinoc ten nopa tatzacuiltili cati huala quej anquinquixtisquíaj ipan tit. Huan itztoque sequinoc cati monequi anquintasojtase, masque amo anquinequij anquiitase nopa tajtacoli cati inijuanti quichihuaj huan anquiijiyaj inintajtacolhua quej se quiijiyaj quiitzquis se yoyomit cati fiero.

APOCALIPSIS 18:4

Huan teipa nijcajqui seyoc cati camanaltic ten ilhuicac huan quiijto: “Huajca annomasehualhua, pampa anquimatij para huetzis nopa altepet, ama xiquisaca ipan ya. Xiquisaca para amo anquichihuase nopa tajtacoli cati quichihuaj cati nopona ehuani, huan para amo anquiselise nopa fiero taijyohuilisti cati nopona ehuani quiselise.