1 SAMUEL 7:10 - Icamanal Toteco

¹⁰ Huan quema Samuel noja quitatiyaya nopa tacajcahualisti, ajsicoj nopa filisteos para quintehuise. Huajca TOTECO tatatzinalti chicahuac huan quinmajmati hasta huihuitixque. Huan quej nopa, nopa israelitame huelque quintanque.

1 SAMUEL 7:10 Iomraidhean Croise

SALMOS 18:15

Quema TOTECO tailpitzqui, nochi nopa at ipan hueyi at san sejco momanqui hasta nesqui nochi nopa tali cati mocahua atatzinta campa más tahuejcata. Ica icamanal TOTECO mopanexti itzinpehualtil taltipacti, pampa yaya cualanqui.

SALMOS 29:3

Quema TOTECO camanalti, caquisti quej tatomonilot cati chicahuac ipan hueyi at. Itoscac Toteco Dios cati itztoc ipan ilhuicac caquisti quej tatomonilot ipan ilhuicac tahuel chicahuac. Quena, TOTECO itoscac monanquilía iixpa nopa hueyi at ica nochi ihueyitilis.

SALMOS 29:4

Itoscac TOTECO quipiya chicahualisti. Quena, itoscac quipiya tahuel miyac chicahualisti.

SALMOS 78:66

Huan Toteco quinichtacahui quema quintehui icualancaitacahua. Quena, quinhuejcamajcajqui huan quintitanqui ipan se lugar campa quipanose pinahualisti para nochipa.

ZACARÍAS 4:6

Huajca yaya techilhui: “Ya ni quiixnextía nopa camanali cati TOTECO quinequi quimacas nopa tequichijquet Zorobabel ten quenicatza quitamiltis nopa tiopamit: ‘Amo por mosoldados, yon por mochicahualis. San por na notonaltzi mochihuas.’ Quej nopa quiijtohua TOTECO Cati Quinyacana Iilhuicac Ejcahua Ma Tatanitij.

DEUTERONOMIO 28:7

“Amomaco TOTECO amechmactilis amocualancaitacahua cati quinequise amechtehuise. Masque hualase campa amojuanti cuali motecpantose, pero pasoltic yase para mochololtise ten amojuanti.

JOSUÉ 10:10

Huan TOTECO quichijqui ma momajmatica iniixpa nopa israelitame huan ma cholojtehuaca. Huan quipalehui Josué ma quinmicti miyac ipan se hueyi tatehuilisti nechca Gabaón. Teipa quichijqui para nopa israelitame ma quintepotztocatiyaca ne sequinoc ipan nopa taixtemolis nechca altepet Bet Horón. Huan ya nopa quinpalehui para noja ma quinmictijtiyaca nopa amorreos hasta ipan nopa altepeme Azeca huan Maceda.

JUECES 4:15

Huan TOTECO quichihualti Sísara huan isoldados huan cati ihuaya itztoyaj ipan tatehuijca carrojme tahuel ma momajmatica hasta mohuihuichijque. Huan Barac huan isoldados pejque quinmictíaj ica macheta. Huajca Sísara temoc ipan icarro huan cholojtejqui san iicxipa.

JUECES 5:20

TOTECO huan nochi sitalime ipan ilhuicacti techpalehuijque para tijtanise Sísara.

JUECES 5:8

Israelitame quinhueyichihuayayaj taixcopincayome cati amo ya Dios. Nochi sequinoc altepet ehuani techtehuijque hasta tocalteno. Nopa fiero tacame cati technahuatiyayaj amo techcahuiliyayaj ma tijpiyaca yon se totepostzajca o teposti cati ica timomanahuisquíaj. Amo oncac yon se ipan 40 mil israelitame.

1 SAMUEL 12:17

Huan anquiitase para anquichijque se huihuiyot quema anquitajtanijque TOTECO se tanahuatijquet. Cuali anquimatij para amo quema taquiyahui ipan ni tonali ten pixquisti, pero na nijtajtanis TOTECO ma tatatzinalti huan ma quichihuas taquiyahuis hasta anquimachilise para tahuel hueyi amotajtacol pampa antajtantoque amotanahuatijca.”

1 SAMUEL 14:15

Huan nimantzi tahuel momajmatijque nochi nopa filisteo soldados huan nochi cati quintalijtoyaj para tamocuitahuise. Huan nimantzi mojmolini tali huan nochi tapolojque.

1 SAMUEL 2:10

TOTECO, tiquintzontamiltis nochi cati mitztehuíaj. Tatatzinaltis ten ilhuicacti ininca nocualancaitacahua. Tiquintajtolsencahuas nochi masehualme campa hueli ipan taltipacti. TOTECO, ta cati tijmacas chicahualisti nopa tanahuatijquet cati tijtapejpenijtoc. Quena, yaya cati ticajaltijtoc para quichihuas itequi, tijhueyichihuas.”

1 SAMUEL 7:11

Huan nopa israelitame quisque, huan quintoquilijque nopa filisteos hasta altepet Bet Car huan quinmictijtiyajque.