1 SAMUEL 4:18 - Icamanal Toteco

¹⁸ Huan quema nopa tacat quiijto para icaxa Toteco Dios quinichtequilijtoyaj, Elí huetzito ica iica nechca nopa caltemit campa mosehuijtoya. Huan moquechpostejqui huan mijqui pampa ya huehuentzi eltoya huan tomahuac eliyaya. Huan quintajtolsencajtoya israelitame para 40 xihuit.

1 SAMUEL 4:18 Iomraidhean Croise

SALMOS 26:8

Tahuel niquicnelía mochaj campa tiitztoc, TOTECO, campa monextía motatanex.

SALMOS 42:10

Cati nocualancaitacahua nechchihuilíaj nechcocohua hasta ajsi ipan noomiyohua, pampa nechtaijilhuíaj huan nechtatzintoquilíaj talojtzitzi: ‘¿Canque itztoc moDios? ¿Para ten amo mitzpalehuía?’ ”

SALMOS 42:3

Tayohua huan tonaya nichoca huan amo nitacua. Nocualancaitacahua talojtzitzi nechtatzintoquilíaj: “¿Canque itztoc moDios? ¿Para ten amo mitzpalehuía?” Quej nopa nechilhuíaj.

SALMOS 69:9

Quena, niquicnelía motiopa ica nochi noyolo hasta nimotemaca nimiquis por ya. Huan cati mitztaijilhuíaj ta, nojquiya nechtaijilhuíaj na pampa nimitztequipanohua.

LEVÍTICO 10:3

Huan teipa Moisés quiilhui Aarón: ―TOTECO quinequiyaya techilhuis para quej ni panos quema quiijto: ‘Niquinnextilis para nitatzejtzeloltic, nochi cati monechcahuíaj campa na. Huan nochi israelitame techhueyitalise.’ Huan Aarón amo molini.

JUECES 15:20

Huan Sansón quinyacantiyajqui israelitame para 20 xihuit pero nopa filisteos noja quinahuatiyayaj nopa tali.

1 SAMUEL 4:13

Huan quema ajsito ipan nopa altepet, quiitac Elí mosehuijtoya ipan se cuasiya ojtenti nechca icalte nopa altepet. Tahuel mocuesohuayaya por icaxa Toteco Dios para ma amo teno ipanti. Huan nopa tacat calajqui ipan nopa altepet huan tepohuili ten panotoya. Huan teipa nochi nopa tacame ipan Silo pejque chocaj chicahuac.

1 SAMUEL 4:17

Huan quinanquili: ―Miyac israelita soldados cholojque iniixpa nopa filisteos, huan miyac quinmictijque. Huan nojquiya quinmictijque nochi ome motelpocahua. Huan icaxa Toteco Dios techichtequilijque nopa filisteos.

1 SAMUEL 4:19

Huan iyex Elí cati eliyaya isihua Finees conehue eliyaya huan nechcatitoya para tacatis icone. Huan quema quicajqui para nopa caxa ten Toteco Dios quincuilijtoyaj nopa filisteos huan iyextat huan ihuehue ya mictoyaj, huajca pejqui cuajcualo huan quitacatilti icone.