1 SAMUEL 3:3 - Icamanal Toteco

³ huan Samuel cochtoya ipan itiopa TOTECO campa icaxa Toteco Dios. Huan tajco yohual quema nopa taahuili cati tiopan calijtic noja taahuijtoya,

1 SAMUEL 3:3 Iomraidhean Croise

2 CRÓNICAS 13:11

Inijuanti quitatíaj tacajcahualisti mojmosta iixpa TOTECO ica ijnaloc huan ica tiotac. Nojquiya mojmosta quitatíaj copali huan quitalíaj nopa pantzi cati tatzejtzeloltic ipan nopa mesa iixpa. Inijuanti cati quitatíaj nopa taahuilme ten nopa taahuil quetzali ten oro ica tayohua. Tojuanti tijchihuaj senquisa cati quiijtohuaj itanahuatilhua Toteco Dios, pero amojuanti amo. Ya anquitahuelcajtoque.

SALMOS 27:4

San se tamanti nijtajtanijtoc TOTECO. San se tamanti nijnequi. Nijnequi niitztos ipan ichaj TOTECO nochi tonali. Nijnequi nijhueyichihuas nepa huan nimopaquilismacas ica nochi ihueyitilis huan itatanex. Quena, ipan ichaj nijtemos cati ya ipaquilis.

SALMOS 29:9

Quema TOTECO quiijtohua para oncas tatomonilot, huajca quichihua ma ixtzayanica nopa ahuacuame huan quicahua tapepestic ipan cuatitamit. Ipan ichaj nepa ilhuicac nochi quihueyichihuaj huan quiijtohuaj: “Tahuel cuajcualtzi mohueyitilis.”

SALMOS 5:7

Pero na, pampa hueyi motaicnelijcayo, huelis nicalaquis mochaj. Quena, huelis nimitzhueyichihuas ipan motatzejtzeloltijca tiopa, pampa nimitztepanita huan nimajmahui para nimitzixpanos.

ÉXODO 25:31

“Huan nojquiya xijchijchihuaca se taahuil quetzali ten senquisa oro cati tatejtejtzonali ica martillo. Quipiyas se icuayo huan chicuase imacuayohua. Huan sesen pilcaxitzitzi cati ipan tatatise quipiyas iyejyejca. Nesis quej se xochit mimilijtoc huan se xochit cati cahuantoc, huan nochi iyejyejca monequi elis san se tatecti oro.

1 SAMUEL 1:6

Huan Penina iompa sihua quicualancaitayaya huan quipinajtiyaya pampa amo conepiyayaya.

1 SAMUEL 1:9

Huan se tonali quema itztoyaj ipan altepet Silo huan tantoya inintacualis campa ichaj TOTECO, Ana motatajtito ica TOTECO. Huan nopa totajtzi Elí mosehuijtoya ipan se cuasiya nechca nopa yoyon tiopamit icalte.