1 SAMUEL 26:8 - Icamanal Toteco

⁸ Huajca Abisai quiilhui David: ―Toteco Dios mitzmactilijtoc mocualancaitaca momaco. Se favor, techcahuili na ma nijmicti ama. San se huelta nijsentapalhuilis ica ne cuachoso huan mocahuas tatzquitoc talchi. Huan amo monequis ompa nijchihuas.

1 SAMUEL 26:8 Iomraidhean Croise

2 SAMUEL 16:9

Teipa Abisai, icone Sarvia, quiilhui Tanahuatijquet David: ―Techcahuili ma nijquechtzontequiti ne huihui tacat. ¿Para ten yaya cati itztoya quej se chichi cati mictoc ma mitztelchihua quej ni? Ta titanahuatijquet.

SALMOS 31:8

Amo techtemactili inimaco nocualancaitacahua. ¡Amo! Campa techquetzqui tacualca huan temachti.

JEREMÍAS 40:15

Huajca Johanán camanaltic ixtacatzi ihuaya Gedalías, huan quiilhui: ―Techcahuili niyas nijmictiti Ismael huan amo aqui quimatis ajquiya quimicti. Amo hueli tijcahuilise para ma mitzmicti. Pampa sinta mitzmictis, huajca nochi nopa tali Judá ehuani cati mosejcotilijtoque ica ta, mopasolose sempa huan quinmictise nochi nopa masehualme cati noja mocajtoque nica ipan tali Judá.

NAHÚM 1:9

¿Taya anmoilhuíaj anquichihuilise TOTECO para anquitanise ya? Yaya amechtzontamiltis san ica se huelta.

ROMANOS 11:32

Huajca Toteco quinita nochi masehualme masque israelitame o amo israelitame para tajtacolchihuani, huan para masehualme cati amo taneltocaj. Huan Toteco quinita nochi masehualme, masque israelitame o amo israelitame, para monequi itaicnelilis, huan yeca nochi ica sempa quintasojta.

DEUTERONOMIO 32:30

Pampa ¿quenicatza elqui para setzi amocualancaitaca huelqui amechquixti mil anisraelitame? Huan ¿quenicatza elqui para ica ome amechquixtijque 10 mil? Ya ni elqui pampa niamoTECO, cati niamotamanahuijca, nimechtemactili inimaco amocualancaitacahua.

JOSUÉ 21:44

Huan TOTECO quinmacac tasehuilisti quej quiijto. Huan amo aqui huelqui inihuaya moixnamiquis para quintehuis pampa TOTECO quinmacac chicahualisti para ma quintanica nochi inincualancaitacahua.

JUECES 1:4

Huan isoldados Judá tayacantiyajque huan TOTECO quichijqui ma quintanica nopa cananeos huan ferezeos. Huan san ipan altepet Bezec, quinmictijque 10 mil tacame.

1 SAMUEL 23:14

Huan David yajqui campa huactoc tali huan quitemo campa itztose temachti ipan ostot huan nopona mocajqui. Huan mocajqui ipan se tepet ipan nopa huactoc tali Zif. Huan masque Saúl nelía quitemohuayaya mojmosta, Toteco Dios amo quitemactili David imaco Saúl.

1 SAMUEL 24:4

Huan nopa tacame quiilhuijque David: ―TOTECO ya mitzilhuijtoc para mitzmactilis momaco mocualancaitaca para tijchihuilis cati tiquitas para cuali, huan ama ya ajsic hora pampa itztoc momaco para tijmictis. Huajca David monechcahui yolicatzi huan quitzontequili se quentzi iyoyo Saúl ipan nopa tzintayohuilot.

1 SAMUEL 24:5

Pero teipa David moyolcoco pampa quitequilijtoya iyecapa iyoyo Saúl.

1 SAMUEL 26:23

Huan ma TOTECO quitaxtahui cati quichihua cati cuali. Masque TOTECO mitztemactili ama nomaco, amo nijnejqui nimomatananas para nimitzmictis pampa TOTECO mitztapejpenijtoc.

1 SAMUEL 26:7

Huajca David huan Abisai nimantzi calajque campa itztoyaj isoldados Saúl, huan quipantitoj Saúl cuali cochtoya huan icuachoso quitoctoya talchi nechca itzonteco. Huan Abner huan nochi isoldados nojquiya cuali cochtoyaj, huan yahualtic quipixtoyaj Saúl.

1 SAMUEL 26:9

Pero David quiilhui: ―Amo, amo xijmicti, pampa amo aqui hueli quimictis ni tanahuatijquet cati TOTECO quitapejpenijtoc, huan amo quihuicas tajtacoli iixpa TOTECO.