1 SAMUEL 26:3 - Icamanal Toteco

³ Huan Saúl mochijqui ipan nopa tachiquili Haquila nechca nopa ojti cati eltoya iteno nopa huactoc tali ica campa quisa tonati. Huan David itztoya nopona ipan huactoc tali, huan quicajqui para Saúl quitemojtihualayaya.

1 SAMUEL 26:3 Iomraidhean Croise

SALMOS 63:1

¡Toteco Dios, ta tinoDios! ¡Nelía tahuel nimitztemohua! ¡Quej se masehuali cati tahuel amiqui ipan huactoc tali campa amo onca at, na ica nochi noyolo huan ica nochi noalma nijnequi nimitzpantis!

1 SAMUEL 23:15

Huan se tonali quema David itztoya nechca Hores ipan huactoc tali Zif, quimatqui para Saúl hualayaya ipan ojti para quimictis.

1 SAMUEL 23:19

Pero nopa tacame ten altepet Zif yajque altepet Gabaa campa itztoya Saúl huan quiilhuijque: ―Tanahuatijquet Saúl, timitzyolmelahuaj para David motatijtoc ipan total ipan nopa ostot nechca Hores ipan tachiquili Haquila cati mocahua ica tatzinta ten huactoc tali.

1 SAMUEL 24:3

Huan ipan iojhui ajsito campa se corral ten borregojme huan nechca eltoya se ostot. Huan Saúl calajqui nopona para cuatenpanos. Huan David huan nochi isoldados itztoyaj nopona más calijtic ipan nopa ostot.

1 SAMUEL 26:1

Huan nopa altepet Zif ehuani sempa yajque altepet Gabaa quiitatoj Saúl huan quiilhuitoj: “David motatijtoc ipan nopa tachiquili Haquila cati mocahua nechca huactoc tali.”

1 SAMUEL 26:4

Huajca quintitanqui tacame para ma quiitatij hasta campa mocajtoya Saúl.