1 SAMUEL 2:7 - Icamanal Toteco

⁷ TOTECO, ta tiquinchihua sequij masehualme teicneltzitzi, huan sequij ta tiquinricojchihua. Ta cati titeicnotalía huan titehueyichihua.

1 SAMUEL 2:7 Iomraidhean Croise

2 REYES 9:6

Huajca Jehú moquetzqui huan calajqui ipan se cuarto. Huan nopa tajtolpanextijquet quitzonalti ica aceite huan quiilhui: ―TOTECO Dios ten tiisraelitame quiijtohua: ‘Na nimitztzonaltía ica aceite para nimitztalis quej titanahuatijquet ipan noisraelita masehualhua ten tali Israel.

1 CRÓNICAS 29:12

Nochi ricojyot huan tatepanitacayot huala ten ta, pampa ta tijpiya tanahuatili ica nochi cati onca huan ica nochi masehualme. Ta ipan momax tijpiya nochi chicahualisti huan tanahuatili. Ica mopaquilis tiquinhueyitalía masehualme cati tijnequi huan tiquinmaca chicahualisti.

2 CRÓNICAS 32:27

Huan Tanahuatijquet Ezequías nelía moricojchijqui huan nochi masehualme campa hueli quitepanitayayaj. Quipixqui miyac tamanti ten plata, oro huan miyac piltetzitzi cati pajpatiyo. Nojquiya quipixqui miyac taajhuiyacayome huan yolixtzajcayot ten teposti huan miyac sequinoc tamanti cati tahuel pajpatiyo.

2 CRÓNICAS 32:29

Huan nojquiya quichijqui miyac altepeme huan quinpixqui miyac huacaxme, huan borregojme pampa Toteco Dios nelía quitiochijqui miyac.

JOB 1:21

Huan teipa quiijto: ―Nixolotic nitacatqui ipan ni taltipacti huan nixolot niyas quema nimiquis. TOTECO techmacatoya nochi cati nijpixtoya. Huan ama yaya techquixtilijtoc. Nijhueyichihua itoca TOTECO.

JOB 40:12

Xiquinpinahualti nochi cati motepanitaj san ica motachiyalis. Ximoquejquetza ininpani nopa masehualme cati fiero ininemilis.

JOB 5:11

Yaya quinhueyitalía masehualme cati moechcapanohuaj iixpa huan quinmatilana cati mocuesohuaj.

SALMOS 102:10

pampa tahuel ticualantoc ica na. Na nijmati techtananqui huan teipa techmajcajtoc huejca ten ta.

SALMOS 75:7

San Toteco Dios itztoc Juez. San yaya nopa tetajtolsencajquet cati hueli tehueyitalía huan temaca chicahualisti. Huan sequij masehualme quinhueyitalía huan sequij quinechcapantalía.

SALMOS 75:8

Toteco quipixtoc imaco se caxit cati temitoc ica tailisti cati nelía cococ. Huan ya nopa eltoc nopa tatzacuiltili cati quintitanilis taixpanoca masehualme ipan ni taltipacti. Huan monequis quiise hasta quitamise ica nochi itetejtzo.

PROVERBIOS 22:2

Cati tominpixtoque huan cati teicneltzitzi san se itztoque iixpa TOTECO. Yaya TOTECO quinchijchijqui nochi ome.

ISAÍAS 2:12

Pampa ipan nopa tonali, TOTECO Dios Cati Quinyacana Iilhuicac Ejcahua Ma Tatanitij hualas para quintatzacuiltis nochi cati mohueyimatij huan cati motepanitaj huan cati mohueyichihuaj. Huan TOTECO quinechcapantalis hasta talchi.

JEREMÍAS 49:15

Na niquechcapantalis tali Edom huan nijchihuas para nochi talme ma quipinahualtica, quej nopa niDIOS niquijtohua.

EZEQUIEL 17:24

Huan quej nopa, nochi quimatise para na niDIOS cati nijquixtis se tanahuatijquet cati hueyi huan nijtalis cati nijnequi huan nijchihuas ma moscalti huejcapa. Eltoc quej nijtzintzontequis se cuahuit cati huejcapantic huan nijhuejcapantalis se cuahuit cati eltoya pisiltzi. Nojquiya quimatise para na nihueli nijchihua ma huaqui se cuahuit cati xoxohuic huan na nijchihua ma xoxohuiya se cuahuit cati huactoc. Na niDIOS niquijto para quej nopa nijtalis se tanahuatijquet huan quena, nijtalis.’ ”

SANTIAGO 4:10

Ximoechcapanoca iixpa Toteco huan yaya amechhueyitalis.