1 SAMUEL 2:5 - Icamanal Toteco

⁵ Masehualme cati quipixque tacualisti hasta mocahua, ama taijyohuíaj ica mayanti. Huan cati mayanayayaj, ama hasta mocahua inintacualis. Huan nopa sihuat cati amo hueli conepiya, ama ya quinpixtoc hasta chicome iconehua. Huan nopa sihuat cati quinpiyayaya miyac iconehua, ama ayecmo teno quinpiya.

1 SAMUEL 2:5 Iomraidhean Croise

SALMOS 113:9

Yaya quichihua para nopa sihuat cati amo quema conepixqui ma quinpiya iconehua huan ichaj. Quena, quichihua ma eli se tenanti cati senpactoc. ¡Paquilisti!

SALMOS 34:10

Nopa tecuanime cati más quipiyaj chicahualisti quemantica mayantinemij huan amo quipantíaj ten quicuase, pero masehualme cati quitemohuaj TOTECO quipiyase nochi cati cuali.

ISAÍAS 33:9

Quichijtoque ma onca taijyohuilisti ipan tali Israel. Quitamisosolojtoque tali Líbano. Nopa tamayamit Sarón quicajtejtoque quej se huactoc tali. Huan quintamitachtequilijtoque tali Basán huan tepet Carmelo.

ISAÍAS 54:1

Jerusalén eltoya iselti quej se sihuat cati amo huelqui conepiya huan ihuehue quicajtejqui. Pero ama ayecmo. Huajca xihuicaca chicahuac huan xipaquica miyac anJerusalén ehuani. Pampa masque achtohuiya Jerusalén eliyaya quej se sihuat cati amo quema cuajcualojtoc para quitacatiltis se icone, “Ama quinpiyas más miyac iconehua, que nopa sequinoc sihuame.” Quej nopa quiijtohua TOTECO.

JEREMÍAS 15:9

Se sihuat cati quinpiyayaya chicome iconehua tapolos pampa quimictilijque nochi iconehua. Elis quej tamis inemilis quema ayemo ajsi ihora. Huan nopa tenantzi pinahuas pampa elis quej amo quema quinpixqui iconehua pampa nochi iconehua quinmictise. Quej nopa niininTECO niquijtohua.”

LUCAS 1:53

Miyac tatiochihualisti Toteco quinmacatoc masehualme cati mayanayayaj, pampa quinixhuiti. Huan masehualme cati quipixque miyac tomi quinmajcajqui san inimax.

LUCAS 16:25

Pero Abraham quiilhui: ‘Nocone, xiquelnamiqui quema tiitztoya ipan taltipacti huan tijpixtoya miyac tamanti cati cuali, huan Lázaro quipanoc miyac taohuijcayot. Ama yaya quipiya paquilisti, huan ta titaijyohuía.

GÁLATAS 4:27

Huan ijcuilijtoc ipan Icamanal Toteco quenicatza ichicahualis hueli quipata inemilis se sihuat cati amo hueli conepiya. Quiijtohua: “Ta tisihuat cati amo hueli ticonepiya, xipaqui. Masque amo quema tacatqui mocone, xijpiya paquilisti. Pampa masque ama amo tiquinpiya moconehua, teipa tiquinpiyas más moconehua que sequinoc sihuame.”

Rut 4:15

Moyex Rut mitzicnelía huan mitzpalehuijtoc más huan amo quej miyac telpocame. Mitzmacatoc se moixhui cati mitzchicahualismacas huan mitzpalehuis quema ya tielis tinanatzi.

1 SAMUEL 1:20

Huan Ana conecuic, huan teipa ajsic tonali huan quitacatilti se piloquichpiltzi. Huan quitocaxtali Samuel pampa quiijto: “Ya ni nijtajtani TOTECO.” (Samuel quinequi quiijtos Cati Quitajtanijtoc TOTECO.)

1 SAMUEL 1:6

Huan Penina iompa sihua quicualancaitayaya huan quipinajtiyaya pampa amo conepiyayaya.