1 SAMUEL 2:2 - Icamanal Toteco

² Amo aqui seyoc cati tatzejtzeloltic quej ta, TOTECO. Amo aqui seyoc Dios. Amo aqui seyoc cati hueli temanahuía quej ta, san Toteco Dios tiiyojtzi.

1 SAMUEL 2:2 Iomraidhean Croise

2 SAMUEL 22:3

NoTeco Dios, ta techyahualohua para amo huelis techajsise nocualancaitacahua. San ipan ta nimotemachis. Ta cati techyahualohua para techmanahuis ten mosisinijca tacame. NoTeco Dios, ipan ta nijmati nitemachti. Tinotemaquixtijca. Techmanahuía ten cati techmictisquía.

2 SAMUEL 22:32

Amo aqui seyoc Dios, san yaya TOTECO. Amo aqui seyoc quipiya tetili para techmanahuis quej Toteco Dios.

2 SAMUEL 7:22

“TOTECO, ta cati tijpiya nochi tanahuatili, tahuel tihueyi. Amo quema tijcactoque ten seyoc quej ta. Amo aqui seyoc Dios; ta tiiyojtzi.

1 REYES 8:23

Huan motatajti huan quiijto: “TOTECO, titoDios tiisraelitame, amo aqui seyoc Dios quej ta, yon nepa ipan ilhuicac, yon ipan ni taltipacti. Ta nochipa tijchihua cati tiquijtohua para tijchihuas. Huan tiquinnextilía moteicnelijcayo nochi cati mitztequipanohuaj huan mitzneltocaj ica nochi iniyolo.

SALMOS 111:9

TOTECO ya taxtajtoc nochi para quinmanahuis imasehualhua. Huan quinilhuijtoc imasehualhua para quichihuas nochi cati quintencahuili ipan nopa camanal sencahuali. ¡Toteco nelía tatzejtzeloltic huan temajmati!

SALMOS 18:2

TOTECO, ipan ta nimotatía pampa temachti techmaquixtis. Techyahualojtoc para amo huelis nechajsise nocualancaitacahua. Ta tinotamanahuijca. Ipan ta, noTeco Dios, nimotatía, pampa na niitztoc momaco. Quena, san ipan ta nimotemachía. Ta techyahualojtoc para techmocuitahuía. Ta tieli quej se huejcapantic tepancali cati cuali huan temachti. Ica ta mochicahualis nitatanis.

SALMOS 18:31

Amo cana aqui seyoc Dios quej TOTECO. Amo aqui seyoc cati huelis ipan timotemachise huan techmanahuis.

SALMOS 71:19

Toteco Dios, mochicahualis huan cati xitahuac tijchihua onajsi hasta ilhuicac. Ta tijchijtoc huejhueyi tamanti. Amo onca seyoc Dios quej ta.

SALMOS 71:3

Nochipa san nimotatijtoc huan nimotemachijtoc ipan ta para amo nechajsise nocualancaitacahua. Nijmati para ta titanahuatijtoc ma nechmaquixtica pampa san ipan ta huelis nimomanahuis.

SALMOS 73:25

Amo aqui seyoc nijpiya nepa ilhuicac. ¡San ta, tinoTeco Dios! ¡Huan san ta nimitznequi ipan ni taltipacti huan amo aqui más!

SALMOS 86:8

Ipan nochi sequinoc cati quintocaxtíaj “dioses”, amo onca seyoc quej ta, Toteco. Huan amo aqui hueli quichihua huejhueyi tamanti quej ta tijchihua.

SALMOS 89:6

Pampa ipan nochi ilhuicac amo aqui seyoc cati san se quej ta, Toteco Dios. Huan yon se ilhuicac ejquet amo quipiya chicahualisti quej cati tijpiya ta, Toteco.

SALMOS 89:8

TOTECO, ta tiDios Cati Tijpiya Nochi Chicahualisti, ¿ajquiya seyoc tahuel quipiya chicahualisti quej ta? ¡Amo aqui seyoc! San ta TOTECO tahuel tijpiya chicahualisti. San ta nelía titemachti.

SALMOS 99:3

Nochi ma quihueyichihuaca Toteco, yaya cati hueyi huan temajmati. San ya nelía tatzejtzeloltic.

SALMOS 99:5

¡Ma tijhueyitalica TOTECO, yaya toDios, yaya cati tatzejtzeloltic! Ma timotancuaquetzaca huan ma timoixtapachoca hasta talchi iicxita, pampa san yaya tatzejtzeloltic.

SALMOS 99:9

Ma tijhueyitalica TOTECO huan ma tijhueyichihuaca. Ma timoixtapachoca iixpa ipan nopa tepet tatzejtzeloltic cati itoca Sion.

ÉXODO 15:11

¡Ay TOTECO! Amo aqui seyoc Dios cati ica huelis timitzhuicalotise. Amo aqui tatzejtzeloltic quej ta. Amo aqui quipiya mohueyi chicahualis. Cati ta tijchihua temajmatía. Huajca quinamiqui para timitzhueyichihuase.

ISAÍAS 40:18

¿Ica ajquiya huelis anquihuicalotise Toteco Dios? ¿Quenicatza huelis titeyolmelahuas quenicatza itztoc? Amo itztoc quej se taixcopincayot.

ISAÍAS 44:6

TOTECO, nopa tanahuatijquet ipan tali Israel huan yaya cati quincojqui israelitame quema itztoyaj ipan tatequipanojcayot, quej ni quiijtohua: “Na niipejya huan niitamiya. Huan iyoca ten na, amo onca seyoc Dios.

ISAÍAS 44:8

Amo ximajmahuica, yon amo xihuihuipicaca pampa na hasta huejcajquiya nimechyolmelajtoc nochi cati panos huan amojuanti antestigos. Amo onca seyoc Dios iyoca ten na. San na niDios. Amo onca seyoc cati quipiya chicahualisti. ¡Amo! Yon se amo niquixmati.”

ISAÍAS 57:15

Pampa niamoTeco Cati Más niHueyi, Na Cati Niitztoc Huejcapa, na cati niitztoc para nochipa huan cati notoca Tatzejtzeloltic niquijtohua ya ni: “Na niitztoc nepa huejcapa campa tatzejtzeloltic huan campa itztoque nochi cati moyolcuectoque huan cati moechcapanohuaj. Na niquinyoltalía cati moechcapanohuaj huan niquinmaca yancuic chicahualisti nochi nopa masehualme cati moyolcuectoque huan quicajtejtoque tajtacoli.

ISAÍAS 6:3

Huan nochi inijuanti san sejco huicayayaj ni huicat: “Tatzejtzeloltic, Tatzejtzeloltic, Tatzejtzeloltic, TOTECO Cati Quinyacana Iilhuicac Ejcahua Ma Tatanitij. Nochi taltipacti temitoc ica ihueyitilis.”

JEREMÍAS 10:6

¡NoTECO, amo onca seyoc Dios quej ta! Pampa ta nelía tihueyi huan tijpiya nochi chicahualisti.

LEVÍTICO 11:44

Na niamoTECO Dios. Nijnequi ximomocuitahuica cuali huan xielica antatzejtzeloltique pampa na nitatzejtzeloltic. Huajca amo xiquitzquica yon se ten ni tapiyalme cati mohuahuatatzaj talchi pampa amechchihuas amo antapajpactique noixpa.

LEVÍTICO 11:45

Na niamoTECO cati nimechquixti ipan tali Egipto para nielis niamoTeco Dios. Huajca ama, monequi anelise antatzejtzeloltique pampa na nitatzejtzeloltic.

LEVÍTICO 19:2

“Xiquinilhui nochi israelitame ni tanahuatilme. “Xiitztoca antatzejtzeloltique pampa na, niamoTECO Dios, nitatzejtzeloltic.

ROMANOS 15:4

Nochi cati quiijcuilojque huejcajquiya, quiijcuilojque para techmachtis para huelis tiquijyohuise cati techpanotihuala. Nojquiya ijcuilijtoc Icamanal para techyolchicahuas para ma tijchiyaca nochi cati techilhuía para tijselise teipa.

ROMANOS 4:8

Nelía paquij inijuanti cati Toteco quiijtohua para ayecmo quipiyaj tajtacoli iixpa.” Quej nopa quiijto David.

DEUTERONOMIO 3:24

‘TOTECO Dios Cati Más Tijpiya Tanahuatili, ya tijpehualtijtoc technextilía mohueyitilis huan mochicahualis. Amo aqui seyoc DIOS ipan ilhuicacti, yon ipan taltipacti cati huelis quichihuas ni yejyectzitzi tamanti huan tiochicahualnescayot cati ta hueli tijchihua.

DEUTERONOMIO 32:20

Huan teipa TOTECO quiijto: ‘Na nojquiya nimoicancuepas ica inijuanti, huan niquitas hasta canque tamis inisisinijcayo. Nelnelía inijuanti amo cuajcualme. Itztoque quej coneme cati amo aqui huelis ininpa motemachis.

DEUTERONOMIO 32:39

San na niiyojtzi niDIOS, huan iyoca ten na amo aqui seyoc. Na nitemaca nemilisti huan nitequixtilía. Na nitecocohua huan na nitepajtía. ¡Amo aqui huelis momanahuis ten na nomaco!

DEUTERONOMIO 32:4

Yaya cati techmanahuía. Nochi itequi eltoc cuali. Xitahuac nochi cati quichihua. Yaya nopa Toteco Dios cati temachti. Amo quema quichihua cati amo ijqui. Yaya quichihua cati melahuac huan xitahuac.

DEUTERONOMIO 4:35

TOTECO Dios quichijqui nochi ni huejhueyi tanextili para xijmachilica yaya cati nelnelía DIOS, huan iyoca ten ya, amo aqui seyoc.

DEUTERONOMIO 4:39

“Huajca xijmatica cuali ipan amotalnamiquilis para san yaya amoTECO cati nelnelía Dios ipan taltipacti huan ipan ilhuicacti huan amo aqui seyoc.

1 PEDRO 1:16

Pampa ijcuilijtoc ipan Icamanal Toteco campa yaya quiijto: “Monequi xiitztoca antatzejtzeloltique pampa na nitatzejtzeloltic.”