1 SAMUEL 2:10 - Icamanal Toteco

¹⁰ TOTECO, tiquintzontamiltis nochi cati mitztehuíaj. Tatatzinaltis ten ilhuicacti ininca nocualancaitacahua. Tiquintajtolsencahuas nochi masehualme campa hueli ipan taltipacti. TOTECO, ta cati tijmacas chicahualisti nopa tanahuatijquet cati tijtapejpenijtoc. Quena, yaya cati ticajaltijtoc para quichihuas itequi, tijhueyichihuas.”

1 SAMUEL 2:10 Iomraidhean Croise

2 SAMUEL 22:14

Tatomonqui nelía chicahuac ten ilhuicac huan ajsic campa hueli, pampa TOTECO Cati Más Hueyi camanaltic.

2 SAMUEL 7:13

Huan yaya cati mocone, quena, techchihuilis se tiopamit huan nijchihuas temachti itanahuatil para nochipa.

2 SAMUEL 7:8

“Xiquilhui David para na niiTECO Cati Niquinyacana Noilhuicac Ejcahua Ma Tatanitij huan niquilhuía ya ni: ‘Na nimitztapejpeni para tielis tanahuatijquet ipan noisraelita masehualhua quema tieliyaya se tamocuitahuijquet ten borregojme.

JOB 40:9

¿Tijpiya chicahualisti quej na, nimoTeco Dios, nijpiya? ¿Ta tihueli tijchihua ma tatomoni motoscac nelchicahuac quej na nihueli nijchihua?

SALMOS 132:17

Nopa chicahualisti cati David quipixqui sempa nijchihuas para monextis ipan icone, huan yaya cati nicaltijtoc para nijtequimacas quej tanahuatijquet elis quej se taahuili para imasehualhua.

SALMOS 148:14

Yaya quinfuerzajmacatoc imasehualhua. Ma quipaquilismacaca TOTECO nochi itatzejtzeloltica masehualhua, nochi tojuanti cati tiisraelitame cati yaya techiyocatalijtoc para ma tiitztoca más inechca. ¡Xijpaquilismacaca TOTECO!

SALMOS 2:2

Tanahuatiani huan tayacanca tequichihuani ipan taltipacti mosisinise, huan mocamanalhuise taya huelis quichihuilise TOTECO huan nopa Tanahuatijquet Cati Yaya Quitapejpenijtoc.

SALMOS 2:6

“Ya nijtalijtoc notanahuatijca para tanahuatis ipan altepet Jerusalén. Yaya mosehuis ipan isiyaj cuajcualtzi nepa ipan notepe tatzejtzeloltic cati itoca Sion.”

SALMOS 2:9

Xiquinnahuati chicahuac quej se tanahuatijquet cati tanahuatía ica teposti imaco para ica tetatzacuiltis. Quena, xiquinomiyopojpostequi mosisinijca masehualme quej elisquíaj soqui chachapalme.” (Quej nopa TOTECO quitequimacac itanahuatijca ma quichihua.)

SALMOS 20:6

Cuali nijmati para TOTECO nechmaquixtía niitanahuatijca cati nechtapejpenijtoc. Hasta ten nepa ilhuicac campa nelía tatzejtzeloltic nechhualpalehuijtoc, huan nechchihua ma nitatani ica ichicahualis.

SALMOS 20:7

Masehualme ipan sequinoc talme motemachíaj ipan inincarros huan inincahuayojhua para momaquixtise quema onca tatehuilisti. Pero tojuanti timotemachíaj ipan TOTECO toDios.

SALMOS 21:1

¡TOTECO! Na nitanahuatijquet, nipaqui pampa techfuerzajmacatoc. Nelía nipaqui pampa tijchijtoc ma nitatani.

SALMOS 28:8

TOTECO, ta tiquinpixtoc momaco nochi momasehualhua. Yeca san ipan ta motemachía motanahuatijca cati tijtapejpenijtoc.

SALMOS 45:7

Tiquicnelía cati melahuac huan tijcualancaita cati amo cuali. Yeca Toteco Dios, yaya cati moTeco mitztequitalijtoc titanahuatijquet, huan mitzmacatoc más paquilisti huan más tatepanitacayot, que nochi sequinoc tanahuatiani.

SALMOS 89:17

Pampa san ta tijpiya mohueyitilis huan tiquinfuerzajmaca. Timasehualme tijpiyaj chicahualisti pampa ta techpalehuía.

SALMOS 89:24

Na cati nitemachti nijmocuitahuis huan nijtiochihuas talojtzitzi, huan tahuel miyac niquicnelis. Ica na notapalehuil yaya elis tahuel hueyi.

SALMOS 89:25

Na nijchihuas para itanahuatilis pehuas campa hueyat Eufrates, huan tamis hasta campa hueyi at cati itoca Mediterráneo.

SALMOS 96:13

pampa yaya huala. Quena, yaya hualas para quintajtolsencahuas cati itztoque ipan ni taltipacti. Quena, quintajtolsencahuas masehualme ipan nochi altepeme quej quinamiqui. Quena, quema tetajtolsencahuas, nochi quimatise para quichihua cati melahuac.

SALMOS 98:9

iixpa TOTECO, pampa yaya huala para quintajtolsencahuaqui xitahuac nochi masehualme cati itztoque ipan ni taltipacti.

ÉXODO 15:6

¡Ay, TOTECO! Tijpiya hueyi chicahualisti, huan tiquintamilti tocualancaitacahua.

ECLESIASTÉS 11:9

Huajca ta cati titelpocat, ximopaquilismaca amantzi quema noja titelpoca tacat. Xiyolpaqui ama. Xijchihua nochi cati cuali cati moyolo quinequi quichihuas. Xijyeco nochi cati onca. Pero xijmati ya ni; ajsis se tonali quema timoquetzas iixpa Toteco para tijmacas cuenta ten nochi cati tijchijtoc.

ECLESIASTÉS 12:14

Pampa Toteco Dios techtajtolsencahuas por nochi cati tijchihuaj, masque tijchihuaj tanemijya o ixtacatzi, huan masque cuali o amo cuali.”

ISAÍAS 29:6

Quena, na, niamoTECO Cati Niquinyacana Noilhuicac Ejcahua Ma Tatanitij, niquinajsis ica tatomonilot cati nelchicahuac para nimechmanahuis anJerusalén ehuani. Huan nijchihuas ma mojmolini tali huan caquistis nelía chicahuac. Huan nijtitanis se hueyi ajcomalacat huan se tit cati nochi quitatis.

ISAÍAS 32:1

¡Xiquitaca! Se tonali hualas se tanahuatijquet cati tanahuatis xitahuac. Huan ihuaya hualase itayacancahua cati nojquiya tanahuatise xitahuac huan quichihuase cati senquisa cuali.

ISAÍAS 45:24

Huan quiijtose: ‘San TOTECO hueli techchihuas tixitahuaque huan san ipan ya tijpantise chicahualisti para titatanise.’ Huan nochi cati quicualancaitaj TOTECO, tahuel pinahuase.

EZEQUIEL 29:21

“Huan ipan nopa tonali quema panotosa nochi ni tamanti, sempa chamanis ininchicahualis israelitame huan elis quej achtohuiya. Huan ta, tiEzequiel, ticamanaltis miyacapa tatajco ten inijuanti huan quitepanitase mocamanal, huan quimachilise para na, niDIOS.”

MATEO 25:34

Huan na nitanahuatijquet niquinilhuis nopa masehualme cati itztose ipan nonejmat: ‘Xihualaca amojuanti cati noTata amechtiochijtoc. Xicalaquica campa yaya tanahuatía, pampa huejcajquiya quema ayemo oncayaya taltipacti, yaya quisencajqui ya nopa para teipa anquiselise.

MATEO 28:18

Huan Jesús technechcahuico huan techilhui: ―Toteco nechmacatoc nochi tanahuatili ipan ilhuicacti huan ipan taltipacti.

LUCAS 1:69

Techtitanilía se Temaquixtijquet cati quipiya hueyi chicahualisti. Yaya elis se iteipan ixhui Tanahuatijquet David cati huejcajquiya eliyaya itequipanojca.

LUCAS 19:27

Huan nocualancaitacahua cati amo quinequiyayaj ma niquinnahuatiqui, ama xiquinhualicaca huan xiquinmictica nica noixpa.’ ”

HECHOS 10:38

Nojquiya anquimatij ten Jesús ten altepet Nazaret cati Toteco quialti huan quitequitali, huan quimacac Itonal huan miyac chicahualisti. Huan anquimatij quenicatza Jesucristo campa hueli tepalehuijtinenqui huan quenicatza quinchicajqui cati taijyohuiyayaj ica iajacahua Amocualtacat pampa Toteco Dios itztoya ihuaya Jesús.

HECHOS 4:27

“Huan panotoc ipan ni tonali nopa tamanti cati huejcajquiya quiijto David. Pampa amanoc nelía mosentilijque Herodes, Poncio Pilato, israelitame huan cati amo israelitame huan cualanque ica Mocone Jesús cati tatzejtzeloltic cati ta, Toteco, tijtapejpeni huan ticajalti para tijtequimaca quej totemaquixtijca.

2 CORINTIOS 5:10

pampa se tonali nochi tojuanti monequi timoquetzatij iixpa Cristo campa yaya mosehuis para techtajtolsencahuas. Huan yaya techtaxtahuis sesen ten tojuanti quej quinamiqui por nochi cati cuali o cati amo cuali cati tijchijque quema tiitztoyaj ipan totacayo ipan ni taltipacti.

JUECES 5:31

TOTECO, nochi mocualancaitacahua ma miquica, pero masehualme cati mitzhueyichihuaj ma elica quej nopa tonati quema quisa ica nochi ichicahualis.” Quej nopa huicayayaj Débora ihuaya Barac. Huan teipa nopa israelitame quipixque tasehuilisti ipan nopa tali para 40 xihuit.

1 SAMUEL 12:13

Pero cualtitoc, pampa ama ya anquipixtoque nica amotanahuatijca cati TOTECO amechmacatoc pampa anquitajtanijque.

1 SAMUEL 12:17

Huan anquiitase para anquichijque se huihuiyot quema anquitajtanijque TOTECO se tanahuatijquet. Cuali anquimatij para amo quema taquiyahui ipan ni tonali ten pixquisti, pero na nijtajtanis TOTECO ma tatatzinalti huan ma quichihuas taquiyahuis hasta anquimachilise para tahuel hueyi amotajtacol pampa antajtantoque amotanahuatijca.”

1 SAMUEL 12:18

Huan nimantzi Samuel quitajtani TOTECO. Huan TOTECO tatatzinalti huan quichijqui ma taquiyahui chicahuac. Huan nochi nopa israelitame momajmatijque huan quiimacasque TOTECO huan Samuel.

1 SAMUEL 12:3

Huan ama nica niitztoc. Huajca techilhuica iixpa TOTECO huan iixpa ni tanahuatijquet cati TOTECO quitapejpenijtoc sinta nijchijtoc cati amo cuali. Sinta nijcuilijtoc se acajya ihuacax o iburro, xiquijtoca. Sinta niquistacahuijtoc se acajya o sinta nijcajcayajtoc se acajya, huajca techilhuica ama. Sinta nijselijtoc se taxtahuili para nijchihuas cati amo xitahuac, xiquijtoca ama huan nijcuepilis.”

1 SAMUEL 15:28

Huan Samuel quiilhui Saúl: ―Quej techtzayanilijtoc noyoyo, TOTECO mitztzayanilijtoc motanahuatil ipan Israel ama ni tonali. Huan quimactilis seyoc cati más cuali huan amo quej ta.

1 SAMUEL 16:1

Teipa TOTECO quiilhui Samuel: ―¿Hasta quema tamis timocuesos por Saúl? Ayecmo xichoca pampa na ayecmo nijnequi para elis tanahuatijquet ipan Israel. Xijtemiti se cuacuajti ica aceite cati ica titetequitalía por na pampa nijnequi xiya ichaj Isaí cati itztoc altepet Belén. Nimotapejpenilijtoc se icone para ma elis notanahuatijca.

1 SAMUEL 7:10

Huan quema Samuel noja quitatiyaya nopa tacajcahualisti, ajsicoj nopa filisteos para quintehuise. Huajca TOTECO tatatzinalti chicahuac huan quinmajmati hasta huihuitixque. Huan quej nopa, nopa israelitame huelque quintanque.