1 SAMUEL 2:1 - Icamanal Toteco

¹ Huan Ana motatajti ica TOTECO huan quiijto: “TOTECO, nelía niyolpaqui ipan ta. Miyac techtiochijtoc huan techmacatoc yancuic chicahualisti. Huan ama huelis niquinanquilis nocualancaitacahua, pampa ta, TOTECO, techmaquixtijtoc ten notequipachol. Huan yeca nelía niyolpaqui.

1 SAMUEL 2:1 Iomraidhean Croise

2 CRÓNICAS 20:27

Teipa Tanahuatijquet Josafat quinyacanqui nochi nopa soldados ten Judá huan Jerusalén huan mocuetque altepet Jerusalén ica miyac paquilisti pampa TOTECO quinmaquixtijtoya ten inincualancaitacahua.

NEHEMÍAS 11:17

Huan mocajqui ipan Jerusalén Matanías, icone Micaía, cati elqui icone Zabdi, cati icone Asaf. Yaya cati motatajtiyaya quema quipehualtiyayaj sesen culto para quitascamatise Toteco Dios. Nojquiya mocajqui Bacbuquías cati nopa ompa para tayacanas huan teipa Abda, icone Samúa, cati elqui icone Galal, cati elqui icone Jedutún.

JOB 16:15

Nica nimosehuijtoc huan nimoquentijtoc nopa fiero yoyomit cati quinextía notequipachol. Ipan notzonteco nijtemilía cuajnexti. Ya nimotemacatoc iixpa.

SALMOS 118:14

TOTECO nechpixtoc imaco, huan yeca nihuica para ya pampa nechchijtoc ma nitatani.

SALMOS 13:5

Na nimotemachijtoc ipan moteicnelijcayo cati huejcahua para nochipa. Nipaqui ipan noyolo pampa techmaquixtijtoc.

SALMOS 148:14

Yaya quinfuerzajmacatoc imasehualhua. Ma quipaquilismacaca TOTECO nochi itatzejtzeloltica masehualhua, nochi tojuanti cati tiisraelitame cati yaya techiyocatalijtoc para ma tiitztoca más inechca. ¡Xijpaquilismacaca TOTECO!

SALMOS 18:2

TOTECO, ipan ta nimotatía pampa temachti techmaquixtis. Techyahualojtoc para amo huelis nechajsise nocualancaitacahua. Ta tinotamanahuijca. Ipan ta, noTeco Dios, nimotatía, pampa na niitztoc momaco. Quena, san ipan ta nimotemachía. Ta techyahualojtoc para techmocuitahuía. Ta tieli quej se huejcapantic tepancali cati cuali huan temachti. Ica ta mochicahualis nitatanis.

SALMOS 20:5

Quej nopa tojuanti titzajtzise ica paquilisti pampa ta titatantoc, huan tijtananase banderas ica itoca Toteco Dios pampa mitzpalehuijtoc. Quena, TOTECO ma mitzmaca nochi cati tijtajtanijtoc.

SALMOS 21:2

Techmacatoc cati noyolo quinequiyaya. Quena, techmactili cati nimitztajtaniyaya.

SALMOS 35:9

Huajca quena, na nipaquis ipan TOTECO. Nijpiyas paquilisti pampa TOTECO nechmaquixtijtos.

SALMOS 51:15

Toteco, xijchihua para sempa ma nihuica, huan nitepohuilis nochi cati techchihuilijtoc huan na nimitzpaquilismacas.

SALMOS 71:8

Semilhuit nimitzpaquilismacas huan nimitzhueyimatis por nochi cati techchihuilijtoc.

SALMOS 75:10

Yaya quiijtohua: “Na nijtamiltis ininchicahualis nopa fiero masehualme, pero cati itztoque xitahuaque noja niquinmacas más chicahualisti.”

SALMOS 89:17

Pampa san ta tijpiya mohueyitilis huan tiquinfuerzajmaca. Timasehualme tijpiyaj chicahualisti pampa ta techpalehuía.

SALMOS 89:18

Quena, Toteco Dios, ta cati titatzejtzeloltic techmocuitahuía tojuanti ipan tali Israel. Ta titotanahuatijca.

SALMOS 89:24

Na cati nitemachti nijmocuitahuis huan nijtiochihuas talojtzitzi, huan tahuel miyac niquicnelis. Ica na notapalehuil yaya elis tahuel hueyi.

SALMOS 9:14

huan na nimitzpaquilismacas iniixpa nochi masehualme. Niquinpohuilis nochi cati mosentilíaj ipan altepet Jerusalén cati techchihuilijtoc. Nelía nipaquis pampa techmaquixtijtos.

SALMOS 92:10

Pero na techmacas chicahualisti quej se toro cati nemi cuatita. Huan sempa techaltis ica moaceite cati temaca yancuic chicahualisti.

ÉXODO 15:1

Huajca Moisés inihuaya nopa israelitame huicaque ni huicat para TOTECO: “Nihuicas para TOTECO pampa tatanqui ica ihueyi chicahualis. Quinisahuilti ipan hueyi at nopa cahuayojme inihuaya cati ininpa tejcotoyaj.

ÉXODO 15:21

Huan María huicayaya huan quinnanquiliyaya ica ni camanali: “Xihuicaca para TOTECO, pampa tatanqui ica ihueyi chicahualis. Quinisahuilti ipan hueyi at nopa cahuayojme, huan inijuanti cati ipan tejcotoyaj.”

HABACUC 3:1

Ya ni inetatajtil Habacuc cati yaya huicac iixpa TOTECO:

HABACUC 3:18

Masque amo teno oncas, na nimopaquilismacas ipan TOTECO. Quena, niyolpaquis ipan Toteco cati techmaquixtis.

LUCAS 1:69

Techtitanilía se Temaquixtijquet cati quipiya hueyi chicahualisti. Yaya elis se iteipan ixhui Tanahuatijquet David cati huejcajquiya eliyaya itequipanojca.

ROMANOS 5:11

Huajca ama tojuanti tijpiyaj paquilisti ica Toteco pampa yaya moyoltali ica tojuanti ica cati quichijqui Tohueyiteco Jesucristo.

DEUTERONOMIO 33:17

Iixhuihua Efraín, icone José, elij nelía huejhueyi quej iachtohui cone se toro. Iixhuihua quipiyase chicahualisti quej icuacua se toro. Elise tetique quej se búfalo cati ayemo aqui quimaxojtilijtoc. Nopa miyaqui miles ten inisoldados iixhuihua Efraín, huan nopa miyaqui miles ten iixhuihua Manasés quincuacuajhuise nochi tamanti masehualme hasta campa más huejca talme ipan ni taltipacti, huan quintanise nochi ica san se huelta.”

FILIPENSES 3:3

Pero nelía eltoc tojuanti cati tijpiyaj nopa machiyot o nopa circuncisión cati nelía ipati, pampa tojuanti tijhueyichihuaj Toteco Dios ica itapalehuil Itonal Toteco. Tojuanti amo timotemachíaj ipan cati se tacat quichihuilijtoc totacayo. Timotemachíaj ipan Cristo Jesús huan cati yaya techchihuilijtoc.

FILIPENSES 4:4

Nochipa xipactoca ipan Tohueyiteco. Sempa nimechilhuía, xipactoca.

FILIPENSES 4:6

Ayecmo ximotequipachoca ica yon se tamanti. Más cuali ximotatajtica ica Toteco ipan nochi cati amechpanotihuala. Xijtajtanica ma amechmaca nochi cati monequi huan xijtascamatica ica nochi cati amechchihuilijtoc.

1 PEDRO 1:8

Anquiicnelíaj Jesucristo masque amo quema anquiitztoque. Huan anquineltocaj masque amo hueli anquiitaj ama. Nelía hueyi nopa paquilisti cati anquipiyaj ipan amoyolo hasta amo hueli anquinilhuise sequinoc quenicatza tahuel anpaquij.

APOCALIPSIS 18:20

Pero ma paquica nochi cati itztoque ipan ilhuicac pampa ya sosoli. Nojquiya xipaquica nochi amojuanti cati anitatzejtzeloltica masehualhua Toteco, huan anitayolmelajcahua huan anitajtolpanextijcahua. Xipaquica pampa Toteco quintajtolsencajqui nopa altepet ehuani por nochi cati amechchihuilijtoyaj.

1 SAMUEL 1:6

Huan Penina iompa sihua quicualancaitayaya huan quipinajtiyaya pampa amo conepiyayaya.

1 SAMUEL 1:7

Huan sesen xihuit quema yahuiyayaj Silo campa itiopa TOTECO, Penina ten hueli quiilhuiyaya Ana. Huan quichihuayaya para ma choca Ana hasta amo hueliyaya tacua.