1 SAMUEL 10:2 - Icamanal Toteco

² Ama quema tiquisas nica tiquinpantis ome tacame nechca campa huejcajquiya quitalpachojque Raquel ipan altepet Selsa ipan tali Benjamín. Huan inijuanti mitzilhuise para ya quinpantijque nopa burrojme cati tiquintemohuayaya. Huan motata ayecmo mocuesohua por nopa burrojme. Ama mocuesohua por ta huan campa hueli moca tajtantinemi para mitzpantis.

1 SAMUEL 10:2 Iomraidhean Croise

GÉNESIS 35:16

Teipa Jacob huan ifamilia quistejque ten Betel. Huan quema noja huejca itztoyaj para ajsitij altepet Efrata, Raquel ajsic tonali para conepiyas huan nelía taijyohuiyaya.

GÉNESIS 48:7

Quema nitacuepiliyaya ten tali Aram, mijqui monana Raquel ipan Canaán quema tinejnemiyayaj ipan ojti huan san quentzi polihuiyaya para tiajsitij altepet Efrata. Huan nijtojqui nopona ipan ojti para altepet Efrata cati ama itoca Belén.

JEREMÍAS 31:15

TOTECO sempa nechcamanalhui huan techilhui: “Onca se hueyi choquisti ipan altepet Ramá. Raquel choca por iconehua. Huan amo quinequi moyoltalis pampa nochi ya mictoque.”

JOSUÉ 18:28

Zela, Elef, Jebús (cati nojquiya itoca Jerusalén), Gabaa huan Quiriat. Mochijque 14 altepeme huan iyoca nochi ininpilaltepehua. Nochi ya ni quiselijque iteipan ixhuihua Benjamín ica nochi inifamilias.

1 SAMUEL 10:16

Huajca Saúl quiilhui: ―Techyolmelajqui para nopa burrojme ya quinajsitoyaj. Pero Saúl amo teno quiilhui itío para quialtijtoya para elis tanahuatijquet.