Wahyu 7:9 - ALA WENE HIVIS DIRUP WATUGWA

⁹ Anderogo okbugu ako inugu lagirik, it avakwa ininis unggul adik-adik inim, enane adik-adik inim, enagamut adik-adik inim, enanggelekma en ambi nggigik homago ako andi, eneyave wisane ininggis dinggilup ogo mondok meyan inigis. It avakwa andi, enasum adup mudu yanggwi ovagak yikbaluk yo ndila angga hedalek ininggimu vagago dugwit, At wene yugeraligama kursi sek vaga horaik agarik ako inim, Ndomba Eyak ako inim, iperen enavema mendek yiluk,

Wahyu 7:9 Iomraidhean Croise

Lukas 12:1

It Ala wene vagago agarwik menda inim, ap Varisi menda inim, Yesus vagaruguluk, enaninis en aigwakma dirit-darit wugusigik, it avakwa eneyave wisane ininggis dinggilup meyan homakbaluk, hobo-hobo en enovaga sep yagan wagagwa. Sep yagan wagusigik, At Yesus en At ane welagwi menda enendak yugirigya dugwit, “It ap Varisi akoen enendawi enagavoval amulisagwi yukherelagwi. Enagavoval amulisagwi yukherelagwi ako andi ragi roti virisiga menda hak atma, wene andi menda henendawima nunggwigya haoen, hit henova hwalogo dogones.

Lukas 21:36

Samban adigat ogagu dugwit, henendawi suam wakhidugu dogones. Andi ogagu hiniselok, anggin-mbanggin okhinivup ako henendawi wadokdek dugwit, henanye erogo wugu dogomundik, An Ap-At Endaklagagis nivaga henanggadidek dugwit mendek yugup,” yiluk, yugeragagi.

Yohanes 12:13

yo ndila angga hedalogo wolok Yesus adema ari lagu lagagwarik, inim wagu dugwit, “Hosana! Nenasin Ala inis vaga wandiga yi, inis siyabelagwi o.” Nit ap Iserali Nenowa Inis Ombok yi, Inis siyabasogom o,” yiluk, enane ombok vaga amitmit yagan wagagwa.

Oroma 11:25

Nowa-nasin. Wene ambi mbauk hwilago agarik yi, hit hinilup arovovok yiluk, yukherayogon. Ala en it Iserali menda enendawi anye arupwak yiluk, okbogogi ako andi, mondok-mondok okbogogibuk. Ata, it avakwa weram menda, “Ap anderogo hudi namik avema bisayogon o,” yiluk, imbitigi ako, hudi ovogat ari wagya halok, it Iserali enendawi anye agarwik ako yonggonogo bisayogon. Wene mbauk hwilago agarik ako andi atma, “An iya,” yiluk, wogobetabuk.

Evesus 6:13

Anderogo atma, it weyak okhinivi waguselok, haryogo wibugu dugwit, henendawi wadokdek atok vaga henayegen mondok anye dogopwak yiluk, Ala andup-ameda wokneraliga ako vagago dogones.

Iberani 11:12

Eke, ap Averakam ako abut endagetekma, anggok hambup-at welagagi ovara, at eyave ambiat en ombawi dadiwap mbogot vaga agarwik hak, is yinggi agarik hak, ap wisane ininggis dinggilup meyan akoat ombawi endaklagagwa.

Iberani 12:22

Hit yogak ndom Sion At iluk agarik Ala ako awi kota Yerusalem mbogot vaga akoma wagagup wane-wane-at agipik. It yi malaikat ndi malaikat nininggis dinggilup meyan mondok wisane erogo wonggalek dugwit, enadenggen vaga ogasagwi inim,

Wahyu 11:15

Yuknugu halok, nil werekma, malaikat 6 akoen ane ombok ogasiga trompet ako ane ogagu lagaoma, ambi akoen trompet ako ane ogaga. Ogagya lagama, it mbogot vaga andoma en enane ombok yugu dugwit, “O wema andoma avakwa ovok erogo pemerintah enavema agarwik ako, At Nenasin Inis Ombok Ala inim, Arenen denogo mondok okbagagi Keretus inim, iperen enane hunggu dogoguluk, enavema ari wagao. Ari waguselok, Keretus akoen Enowa Inis Ombok dugwit, mondok-mondok wene yugirigya dogosogon o,” yiluk, yugu sigis.

Wahyu 22:3

Yi menda ndi menda Ala en vudilogo bagagirikmu weyak agagi ako ovok erogo sek okbagarikmu, o ako andi, sek adigat higi. Eke, At Ala inim, Ndomba Eyak inim, iperen wene yugerelagwima kursi sek o ilim andenam werekma, At ayelomani ovok erogo At avema seve yiluk dugwit, At ake adigat ogagu sigis.

Wahyu 3:18

hit sek erogo ambi inim ogagu dogovovok yiluk yukheraliga. Hit henagap mbedan nelagwi atma henanggadi agu hinisaoen, henasum mudu yanggwi hak yikhedaguluk An nadema hunhedavovok yiluk, yukheraliga. Hinil mbuk ako sek akluk yi menda ndi menda hinil havovok yiluk, amburup hinimu betaup An nadema hunhedavovok yiluk, yukheraliga. Eke, eyave sek menda vaga hininggis werek arovovok yiluk, An nayoparip mbusi emas eve hali vaga werago ako menda inim An nadema onggo hunhedavovok yiluk, yukheraliga.

Wahyu 4:4

Werekma, it mbogot vaga agarwik enanggok ap ombok-ombok eneyave 24 en, At wene yugeraliga menda ako ilim hegek, it wene yugerelagwima kursi sek ako vaga 24 walinek horaik dugwit, enasum yanggwi ovagak yirik, eke, nggudit-nggudit mbusi emas vaga enunggul vaga yirik, inigis.

Wahyu 5:11

Ndawi watwis ako inugu dugwit, it malaikat eneyave wisane nit nininggis dinggilup ogo mondok meyan andi ndatak inigis. It malaikat akoen, wene yugeraligama kursi sek ako inim, it avakwa en iniselagwidek menda eneyave ako inim, it mbogot vaga agarwik enanggok ap ombok-ombok ako inim, ilim inigik, malaikat akoen walinogo enane ombok homago ndawi watao. Ndawi eyave watao andi yerogo:

Wahyu 5:9

It avakwa en iniselagwidek menda eneyave 4 ako inim, mbogot vaga agarwik enanggok ap ombok-ombok eneyave 24 ako inim, ndawi swi menda watao. Ndawi swi menda watu dugwit, ndawi eyave watao yerogo: “It avakwa ininis unggul adik-adik inim, enane adik-adik inim, enagamut adik-adik inim, enanggelekma en ambitap nggigilogo Ala aburi arupwak yiluk, Hat hatu lagagwama, hamuya vaga enonggo bagagin ako vaga mbuku virik-verek heda marek ako, Haren wigya dogomindik visilup sek aro.

Wahyu 6:11

“Dek o. Hit henowa-henasin inim, it hinim Ala wene mondok dibaluk musek lendagwi inim, hit hinitugwa ndatak inarusogom halok andi, onggo ambi vaga inarup atma, un ndugwis ambiat mbauk dogosogon o,” yiluk, enasum mudu adup enadik-enadik yikbugu higi.

Wahyu 7:8

Ininis unggul Sebulon menda 12.000 denogo bugu, Ininis unggul Yusup menda 12.000 denogo bugu, Ininis unggul Mbenyamin menda 12.000 denogo bugu, ogagya dugwit, ayelomani denek ako yedok erogo dogopwak yiluk, amburup enembet vaga erabigik laga ako andi, eneyave dambup erogo 144.000-at inigis o.