Wahyu 7:12 - ALA WENE HIVIS DIRUP WATUGWA

¹² Ala inis siyabagu dugwit, ndawi eyave yerogo watao: “Avyarat Amin! Hat Nenasin Ala atma, yi wene ndi wene ovok hilup, Hat hadik mondok hanye aro, yiluk, ‘Wa,’ yukhugu dugwit, hagayuk wutwis, hinis siyabagagwi, hai watwis, mondok-mondok ogagu dogosogom o, Amin,” yiluk, yugugu sigis.

Wahyu 7:12 Iomraidhean Croise

Matius 6:13

Eke, weyak ogarupwak en yiluk, nenavut mbanggya haoen, hekbininabuk, ninim dogwen o, eke, at mondok weyak menda akoen weyak okninipu haoen nenagap wendaru o,’ yiluk, yugugu dogones.”

Oroma 11:36

Arenenat yi menda ndi menda ovogat werek ogagagirikmu, yi menda ndi menda At andok agarik, eke, yi menda ndi menda At ake agarik, atma, At inis mondok-mondok siyalek-at dogopwak o. Amin!

1 Korindus 14:16

Ala inis siyabagu dugwit, henape wenggelek dek hegek, enane inggut adik-adik menda vaga samban ogagu hiniselok, it avakwa nin hinim homakbaluk, samban ogasagwi ako, hat iris ako it dibaup meyan atma, nggarogonggan, “Avyarat yagas o,” yiluk, “Amin,” yusogom ombasagwi?

2 Korindus 4:15

Anderogo atma, anggin nenovaga asiga ovok erogo andi, hit henake-at okbininelagwi atma, segaro. Ala nenabwa en sek okbininaup wene at ambi yugigik, at ambi yugigik, ogarit mbigaliluk lagya vaga it avakwa wisane Ala, “Wa,” yiluk, At inis siyabapwak yiluk, okbininelagwi atma, segaro.

Kolose 2:7

Henomanggen anye erogo Yesus vaga yakbaluk, hinim hunik dugwit, henendawi hoda okhidugu dogones. Eke, avyarat umbutugup ako wadokdek vagago dogovovok yiluk mamulheragagwa ako, wane-wane wadokdek vagago dogones. Ogagu dugwit, henendawi mondok adenggen vaga, Ala, “Wa!” yugugu dogones.

Kolose 3:17

Keretus henabwa en henake ogasiga atma, Henasin Ala, “Wa,” yiluk, hai watu dugwit, henane yagalagwi inim, ogarit lendagwi inim, ovok erogo Nenowa Yesus inis ombok arupwak yiluk, adigat ogarit lagu dogones.

Yudas 1:25

Nenasin Ala en Nenowa Inis Ombok Yesus Keretus ogagagi vaga nenagap wendasiga menda ako, At adigat mondok iya, inis ombok, anye wisane, yi menda ndi menda ovok At avema bininaliga atma, o endak inim, o yogak inim, o hivis inim, At inis adigat adup ogagu dogopwak o! Amin.

Wahyu 1:18

Niluk Nitok Agirik andi An aro. Yokneyan! An endak hombagagis ovara, yogak andi, niluk mondok-mondok agirik. Hambisagwi inim, Hambuluk Lendagwima inim, adem mberen andi An nadigat vagago dugwit, sup hurisagwi hunsi vagago agirik o.”

Wahyu 19:4

Yugu lagaoma, it mbogot vaga agarwik enanggok ap ombok-ombok eneyave 24 inim, avakwa en iniselagwidek menda eneyave 4 ako inim, At wene yugeraligama kursi sek vaga horaik agarik Ala ako avema seve yiluk, inis siyabagu dugwit, “Nenasin wa,” yiluk, “Haleluya, Amin,” yugwi ako naruk hunggis.