Wahyu 7:11 - ALA WENE HIVIS DIRUP WATUGWA

¹¹ Yugurugusigik, At wene yugeraligama inim, it mbogot vaga agarwik enanggok ap ombok-ombok eneyave 24 ako inim, it avakwa en iniselagwidek menda eneyave 4 ako inim, eneyave ilim inigik, it malaikat yilin-walin ogarek mendek agarwik ako ovok erogo At wene yugeraligama horaik agarik ako, enape samulik avema seve yiluk, Ala inis siyabagu sigis.

Wahyu 7:11 Iomraidhean Croise

Matius 4:10

Yugugu lagagimu, Yesus en, “Hat Sile yi, heve elak. Ala en, ‘Henasin Ala avema seve yiluk, At adigat siyabagwi, At yagaliga halok adigat dibaluk ogarit lagwi, ogagu dogones,’ yiluk, yagagi dirup warek agarik.”

Yohanes 5:23

Nasin en An avakwa enowak dilogo onggo okbisaup andok mondok okbaninggigi ako andi, avakwa en Ala agayuk wisagwi hak, Abut An ogo wane-wane nagayuk wutu dogopwak yiluk, mondok okbaninggigi. It ap en Ala Abut An nagayuk wutitek halok andi, At lakbani wagagi An Nasin ako agayuk wisagwidek o, yiluk, mondok avyarat yukheraliga.”

Iberani 1:6

Ata, Ala en At Abut adik ambingga ako, o wen vaga yoma wombaba warigiluk, ogagya dugwit, “Hit An nayonggo nelagwi menda malaikat ovok erogo At adigat inis adup ogagu dogones o,” yiluk yugeragagi.

Wahyu 11:16

Yugu lagaoma, nil neyagek, it mbogot vaga agarwik enanggok ap ombok-ombok eneyave 24 wene yugerelagwima kursi sek vaga Ala avema horaik agarwik akoen enelose Ala avema samup yi lagu lagarwik, siyabagao. Siyabagu dugwit, ndawi yerogo watao:

Wahyu 15:4

Nenasin o, Hat hadigat sek adik denek atma, avakwa ovok erogo Hat hagayuk wutwis, Hat hinis siyabagagwi, ogarusogom o. Hat mondok atma nggedok adigat ogasiga ako, sigam asiga atma, yi avakwa ndi avakwa ovok erogo havema seve yi wakluk, hinis siyabagagu dogosogom o,” yiluk, ndawi watu sigis.

Wahyu 22:9

aren an yuknugu dugwit, “Anderogo ogarubuk. It haswei navi-navi inim, it wene dirup watin yi dibaluk musek lendagwi ako inim, hat inim, an hit ndatak Ala ayeloman atma, Ala adigat inis siyabagya dogwen,” yiluk, yuknigas.

Wahyu 4:10

Ogagusigik, it enanggok ap ombok-ombok eneyave 24 akoen At mondok-mondok iluk itok agarik wene yugeraligama kursi sek vaga horaik agarik ako, avema seve yiluk, inis siyabagu dugwit, “Nenasin Ala wa. Hat hendawi wenggebaluk, ‘Yi menda ndi menda ovok erogo werek ogarisogon o,’ yiluk, ogagagin. Hat hadigat mondok eve ombok agindik atma, yi avakwa ndi avakwa ovok Hat havema seve yiluk, hinis siyabagagwi, hai wakhitwi, ogagu dogopwak,” yiluk, nggudit-nggudit mendarek yirik ako, nggolalogo At avema bawagu sigis.

Wahyu 4:4

Werekma, it mbogot vaga agarwik enanggok ap ombok-ombok eneyave 24 en, At wene yugeraliga menda ako ilim hegek, it wene yugerelagwima kursi sek ako vaga 24 walinek horaik dugwit, enasum yanggwi ovagak yirik, eke, nggudit-nggudit mbusi emas vaga enunggul vaga yirik, inigis.

Wahyu 4:6

Wene yugeraligama kursi sek avema andenam kaca jendela mondok eyave obak inamut ombok yanggadek laut ovagak ovara, elose wukagak mondok awiya ogasiga ovagak higi. Eke, o andenam avakwa en iniselagwidek menda eneyave 4 enavilis enambot enombandu venak-venak andoma inil yago wisane werekma, wene yugeraligama ilim andenam walinek inigis.

Wahyu 4:8

Avakwa en iniselagwidek menda eneyave 4 ako andi, enadik-enadik enamik 6 werek atma, eneyave inim enamik avema andenam inim ovok erogo inil yago inigis. It ako mbup yegetek hutun-howam enane yugu dugwit, “Nenasin Ala hanye Hat hadigat agindik, Hat mondok sek adik denek, endak welagagin, yogak agindik, hivis dogogun, Hat mondok sek adik denek aro,” yiluk, yugigik adigat ogagu sigis.