Wahyu 6:6 - ALA WENE HIVIS DIRUP WATUGWA

⁶ Wolok wagyama it avakwa iniselagwidek menda eneyave 4 ako, enanggelekma en ane ambi iri dugwit, “Tepung gandum kaleng ambiat yidik ako andi, onggo ombok yoparip ndugwis ambiat vaga it yavup ogasagwi onggo wogerelagwi wane-wane ako vaga hunggu dogosogom. Eke, beras kaleng henggam yidik ako andi, wane-wane onggo ombok yoparip ndugwis ambiat vaga it yavup ogasagwi onggo wogerelagwi ako vaga hunggu dogosogom. Anderogo ovara, yo saitun amburup inim, anggur agas inim andi, weyak erogo baup moga o,” yiluk, iri higi.

Wahyu 6:6 Iomraidhean Croise

Wahyu 9:4

Enanye okbugu lagarik, yugirigya dugwit, “Yoangga-hedangga ovok erogo henaik libilogo nenggek nagu dogop moga. Ata, it avakwa Ala en amburup enembet vaga eralekdek halok adigat henaik hivirinivit nagu dogones.

Wahyu 4:6

Wene yugeraligama kursi sek avema andenam kaca jendela mondok eyave obak inamut ombok yanggadek laut ovagak ovara, elose wukagak mondok awiya ogasiga ovagak higi. Eke, o andenam avakwa en iniselagwidek menda eneyave 4 enavilis enambot enombandu venak-venak andoma inil yago wisane werekma, wene yugeraligama ilim andenam walinek inigis.

Wahyu 7:3

“Nit Nenasin Ala ayelomani denek ako yedok dogopwak yiluk, amburup enembet vaga erabigitek neyagek, wen inim, is ombok yanggadek laut inim, yoangga-hedangga inim, weyak erogo baup moga o,” yiluk, yugirigya higi.

Matius 24:7

Ap ininis unggul adik-adik ndup sumbutwis, ap inis ombok ambi aori en ap inis ombok ambi aori inim ndup ombok ogagwi, ogarugup. Ogagusigik, o yi awi ndi awi erom uvup agya, o wadok ombok erogo iris, ogarisogon andi,

Wahyu 4:8

Avakwa en iniselagwidek menda eneyave 4 ako andi, enadik-enadik enamik 6 werek atma, eneyave inim enamik avema andenam inim ovok erogo inil yago inigis. It ako mbup yegetek hutun-howam enane yugu dugwit, “Nenasin Ala hanye Hat hadigat agindik, Hat mondok sek adik denek, endak welagagin, yogak agindik, hivis dogogun, Hat mondok sek adik denek aro,” yiluk, yugigik adigat ogagu sigis.