Wahyu 6:5 - ALA WENE HIVIS DIRUP WATUGWA

⁵ Eke, Ndomba Eyak akoen heda mberen marek ako visinggu lagarik, ambi marek visinggu higi. Visinggu hegek, avakwa iniselagwidek menda eneyave 4 ako enaswe ambien iri dugwit, “Oma,” iris naruk hunggu lagirik, nil neyagek kuda mudis ovagak atma, ambot vaga ambi horaik anggin wakhegek ako menda inggimu wolok wagya higi.

Wahyu 6:5 Iomraidhean Croise

Wahyu 6:1

Anderogo ogagwi ako inugu lagirik, Ndomba Eyak akoen mbuku virik-verek heda 7 marek ako ambi endak marek visinggas. Visinggu hegek, avakwa iniselagwidek menda eneyave 4 ako ambien ane o unggulane ovagak iri dugwit, “Oma,” iris naruk hunggis.

Wahyu 5:9

It avakwa en iniselagwidek menda eneyave 4 ako inim, mbogot vaga agarwik enanggok ap ombok-ombok eneyave 24 ako inim, ndawi swi menda watao. Ndawi swi menda watu dugwit, ndawi eyave watao yerogo: “It avakwa ininis unggul adik-adik inim, enane adik-adik inim, enagamut adik-adik inim, enanggelekma en ambitap nggigilogo Ala aburi arupwak yiluk, Hat hatu lagagwama, hamuya vaga enonggo bagagin ako vaga mbuku virik-verek heda marek ako, Haren wigya dogomindik visilup sek aro.

Wahyu 5:5

Yup ao yagya lagima, mbogot vaga agarwik enanggok ap ombok-ombok ako ambien an yuknugu dugwit, “Yup yarubuk. Yo ambi aruknuk dagasiga andi hak, inis unggul Yakura en Daut ombao yangge singga ovagak endaklagagi ako, ayegen anye agagirikmu, Aren mbuku virik-verek heda 7 marek ako, visilogo bikhaup ndak atma, bikha wagya hayogon.”

Matius 24:7

Ap ininis unggul adik-adik ndup sumbutwis, ap inis ombok ambi aori en ap inis ombok ambi aori inim ndup ombok ogagwi, ogarugup. Ogagusigik, o yi awi ndi awi erom uvup agya, o wadok ombok erogo iris, ogarisogon andi,