Wahyu 6:2 - ALA WENE HIVIS DIRUP WATUGWA

² Naruk hunggu lagirik, nil neyagek, kuda iris mudu swa yanggwi ovagak ambot vaga horaik ako ayegen inggimu wagya higi. Wagya lagarik, nggudit-nggudit ambi yikbaluk, lakbagya lagama, avakwa sovabisagiluk, ndup ogari lagya higi.

Wahyu 6:2 Iomraidhean Croise

Matius 28:18

Enendawi anderogo umbutusim, Yesus ako enadema ari wagya lagagirik, yugirigya dugwit, “Ala en mbogot vaga inim, wen vaga inim, An nandok dogogiluk, awene ovogat yuknogogi atma,

Wahyu 11:15

Yuknugu halok, nil werekma, malaikat 6 akoen ane ombok ogasiga trompet ako ane ogagu lagaoma, ambi akoen trompet ako ane ogaga. Ogagya lagama, it mbogot vaga andoma en enane ombok yugu dugwit, “O wema andoma avakwa ovok erogo pemerintah enavema agarwik ako, At Nenasin Inis Ombok Ala inim, Arenen denogo mondok okbagagi Keretus inim, iperen enane hunggu dogoguluk, enavema ari wagao. Ari waguselok, Keretus akoen Enowa Inis Ombok dugwit, mondok-mondok wene yugirigya dogosogon o,” yiluk, yugu sigis.

Wahyu 11:18

Yi avakwa ndi avakwa ininis unggul adik-adik en, enaninis hugu dugwit, ‘At Nenowa Inis Ombok dogop nenanggon o,’ yiluk, yagan wagwi ako, haninis enovaga bugu, it hambit lagagwa ako enowak dilogo bugu, it hayelomani navi-navi inim, haburi hake denek ako inim, it hinis siyabagalagwi inim, ininis dek ininis werek ovok erogo, sek ogaguselok onggo wogirigya, eke, it o wen vaga andoma weyak erogo biselagwi ako, degerogo bugu, ogarup vage amot ari wagarikmu, wa,” yiluk, yugugu sigis.

Wahyu 14:14

Wene iris ako naruk hunggu lagirik, werekma, avakwa enelose ovagak ambi nggudit-nggudit mendarek mbusi emas menda unggul vaga yirik, eke, yaga savit ovat wisane inggimu vagago dugwit, hena mudu vaga horaik nil higi.

Wahyu 15:2

Higya lagirik, inamut ombok yanggadek laut ovagak ovara, elose wukagak ovagak, herek damok ogagya dugwit anggelekma en hali abya wunggu higi. Higya lagirik, werekma, avakwa inamut ombok yanggadek ako omban vaga mendek inigis. It avakwa akoen yangge endak daga waga ako inim, agut wakhegek huvuwak ogarek ako inim, ininis siyabagetek. Eke, at inis anomor ininggis enembet vaga dirup warup ako wegetek dugwit, Ala inis adigat siyabagao akoen, inamut ombok yanggadek ako omban vaga mendek inigis. Nggindar ombok Ala en wogeraga ininggimu vagago dugwit, nggindar ako ane ogagwi,

Wahyu 17:14

Yugurugu dogomundik, Ndomba Eyak ako sovalogo baguluk, inim ndup awi wokbaluk sumburit lasogom. Sumburit lasogom ovara, Ndomba Eyak ako At aburi miginipu lagagirik, enayonggo bogogi inim des erogo ogarit lendagwi menda inim wunggu dugwit, yangge aori inim sovalogo bisayogon. Ndomba Eyak ako andi avakwa enasini ininis ombok inim, ininis werek inim, ovok erogo Enasin Inis Ombok Aratma, yangge aori inim sovalogo bisayogon,” yiluk, yuknugu higi.

Wahyu 19:14

Wagya hegek, it yegen werek mbogot vaga agarwik ako ovok erogo enasum adup mondok segedok eyave mudu swa yanggwi ovagak horek menda yirik dugwit, enadik-enadik kuda iniris yanggwi ovagak ambot vaga hora yiluk, inim wagu sigis.

Wahyu 3:21

Eke, An Nasin yuknogogi ako hekbagetek atok weralogo baluk, At wene yugeraligama niperen horaik agurik. Anderogo wane-wane, it sanien An nane mbobagetek mondok enendawi wadokdek vagago dugwit, des erogo musek laguselok, it ogo An nane yugeraligama ninim horaik dogoguluk, ‘Nadema omanes,’ yiluk, yugerayogon.

Wahyu 9:7

Idam ako andi, enelose ap ndatak ovara, iniris andi, akwa iniris dalwik ovagak, eke, enaik andi, yangge singga aik ako ovagak, inigis. Kuda ambot vaga hora yiluk ndup sumburuguluk, dikduk ogarogo biselagwi hak, it idam eneyave ako andi, anderogoat dikduk ogarogo bugu dugwit, nggudit-nggudit mbusi emas vaga ogarek inim,