Wahyu 3:3 - ALA WENE HIVIS DIRUP WATUGWA3 It endak Sek Wene An navok ako mamulhirugusigik, henaruk hobaluk wagagup ako henape wenggeles. Henape wenggebaluk, henomaduk mbobagu dogomundik, wene hunggugup akoat des erogo vagago dogovovok yiluk yukheraliga. Eke, hiren henanye erogo hiniluk okhedegetek halok andi, ap onggop wagiluk wandiga hak, An hinunggut hinigik, supuk erogo hit Saridis menda anggin henovaga bigigagiluk henadema wasogon. Faic an caibideil |
At Nenowa Inis Ombok Yesus Keretus en an nagamut eravo valek ovagak yi, vage nggolalogo baluk, laup sigam yuknigas ako wane-wane, nagamut nggolalogo baup ako vage horok yi nilup atma, an nagamut nggolanggitek ao niluk wedek iri dugwit, yi wene ndi wene yukheraliga ako hit hinilup dogovovok yiluk, an yukhirigya dogop andi, segat ombasiga o.
Nowa-nasin nendawi hunik. An dirup ambi endak warogo wokheragagis ako wane-wane, yogak ambi yi inimat dirup warogo wokheraliga. Dirup warogo wokheraliga yi ako andi, henendawi eve sek adigat dogop henape wenggenggu dogovovok yiluk, endak dirup warogo wokheragagis ovara, ambi inimat warogo wokheraliga.
At Nenowa warup ako andi, “Ndugwis andi vaga warisogon,” embetetek inigik, ap onggop waliga ako hak enape wenggelekdekma warisogon. Eke, wagya halok, mbogot ane sukup iri dugwit dek agya, saut-dadiwap mbogot vaga agarik menda ovok hali ninggya, wen yi inim, wen vaga agarwik inim, ovok erogo dek agya, ogagya hagup.
Andi higya lagirik, Nenasin en yuknugu dugwit, “Dibas! An ap onggop waliga ovagak mbikit supuk erogo warisogon atma, avakwa ombokma en henagap mbedan nagu hiniselok, henanggadi agu hinisaoen, henova hwalogo dogones. Henasum mondok nggetalogo yikbetaluk, An nabyam werekma, An wagya neyalok, henendawi adenggen okhinipu hagup o,” yiluk, yuknugu higi.
Hit endak An ninim hunik dugwit, henendawi adenggen vaga nane musek lagu lagagup ako hekbaluk, yogak mondok adik ogarit lendagwi. Hit adik ogarit lendagwi ako, henasam helok, henomaduk mbobagu dogomundik, yungguliluk heneyami vaga wakluk, endak hit hendawi hunik wisane dugwit oknitu lagagup ako wane-wane ogarit lagu dogones. Hit henasam helok henomaduk mbobagetek hiniselok andi, An wagya dogomindik, hali yevedogo bagek mbusi emas vaga ogarek hit menda ako, avoloma en nggigilogo wibayogon.