Wahyu 10:1 - ALA WENE HIVIS DIRUP WATUGWA

¹ Ogasagwi ako an Yohanes en inugu lagirik, werekma, malaikat anye werek ambi, ayum hena vaga virik-verek ogarek mbogot vaga en wambu wagya higi. Unggul vaga andi, yuwaru danggulik. Elose andi, mo il ovagak, eke, isok andi, yo mot adup vaga hali abya wuluk-herek yagaliga ovagak iri higi.

Wahyu 10:1 Iomraidhean Croise

Matius 17:2

inivaga At eyave adik hunogo agya dugwit, elese amumulip mo abya ovagak ogagya, asum o awiya ovagak mudu-mudu adigat agya, ogagya hegek,

Lukas 21:27

Andi ogagya halok, An Ap-At Endaklagagis ako mondok nabinak werek niris novagangge yikhedelok nagayuk werek dugwit, hena anggelekma en wagya neyagup.

Lakbogogi Wene 26:13

dingga naswei ninim lagusim, mbogot vaga en abinak yevedogo nit nenadema wambu wagagi. Mo il abya andi horok maduk, nasin. Eke, andi ogagagi ako, abya mondok eve iya erogo ogagya higya lagagirik,

Wahyu 1:7

Dibagu dogones! At Yesus hena anggelekma wagya halok, it avakwa o wen vaga agarwik ininis unggul adik-adik At watugwa ako menda inim ovok erogo enadik-enadik inil hugu dogomundik, yup yarusogom atma, avyarat yukheraliga o. Amin.

Wahyu 18:1

Andi yuknugu lagama, malaikat adik ambi mbogot vaga en wambu wagya higi. At andi, ane anye mondok wisane dugwit, at abinak o wen vaga awiya wisane ogarit wambu wagya higi.

Wahyu 18:21

Hunggu lagirik, nil neyagek, malaikat anye werek ambi wagya lagarik, helep ombok legego is laut yanggadekma wombabagya higi. Wombabagya dugwit, “Naninis en helep wombabagi yi wane-wane, o kota ombok Babel anderogoat ogo legego wombabagya neyalok, o nggenam valek welagagi henendawi obak arisogon.

Wahyu 20:1

Andi okbaluk, malaikat ambi Hambuluk Lendagwima Nggilin Elola sup hunsi inim, mbusi heda ombok inim, inggimu wolok, mbogot vaga en wambu wagya higi.

Wahyu 4:3

O awiya amumulip herek-damok ogasiga hak, ap horaik agarik ako, helep elose mondok sek onggo ombok yaspis inim, sardis inim, ovagak ogarek higi. Eke, At horaik agarikmu yuwaru mondok abinak helep zamrud ovagak yilin-walin erek higi.

Wahyu 5:2

Higya neyagek, malaikat anye werek ambien ane ombok iri dugwit, “Mbuku virik-verek warek yi, ap ambi saen heda visilogo bikhaup ndak?”

Wahyu 8:13

Anderogo agya ako higya neyagek, swa erambongga mbogot ilim aroma en wigak-wigak yagan wagya dugwit, ane ombok vaga iri higi. Iri dugwit, “Malaikat eneyave 7 ako, it eneyave 4 ane ombok ogasiga trompet ane vage ogagao ovara, eneyave henggam andi, ane ogaruguluk, mondok dikduk ogasagwi. Ogasagwi atma, it avakwa ovok erogo wen vaga agarwik andi, ayai, enabwa, enabwa o,” yiluk, ane ombok vaga yagan lagya naruk hunggis.