Pilipi 4:9 - ALA WENE HIVIS DIRUP WATUGWA

⁹ An wene mamulhirigya neyagek, wugu lagagup inim, iri neyagek henaruk hunggu lagagup inim, ogagya neyagek hinil neyagu lagagup inim, ako ovok erogo ogarit nagu dogones. Eke, nenendawi ugun seyalek adenggen dogoguluk, okbininaliga Ala ako enat hinimat dogosogon.

Pilipi 4:9 Iomraidhean Croise

Matius 28:20

yi wene ndi wene yukhirigya lagi ako wane-wane ogagu dogopwak yiluk, mamulirugwi, ogarit nagu dogones o. Eke, yogak yi hudien mbikit, hivis oklarup hudi vaga An hekbigigayogonbuk mondok-mondok hinimat dogosogon o,” yiluk, yugeragagi.

Matius 7:21

Yugirigya lagagirik, wene ambi inim yugirigya dugwit, “It avakwa enane vaga en ‘Ai, Nenasin. Ai, Nenasin,’ yuknisagwi ako, ovok erogo At mbogot vaga menda avema bisagwibuk. Ata, An Nasin mbogot vaga menda endawi ombasiga ako wane-wane ogaguselok, adigat At avema bisagwi.

Lukas 6:46

Yugirigya lagagirik, ambi yugirigya dugwit, “Hit An yukheraliga ako ogagetek dugwit, nggarogo yiluk, ‘Ai, Nasin! Ai, Nasin!’ adigat yuknisagwi?

Lukas 8:21

Yugugu lagagwama, Yesus en, “Nisai-naori andi, it Ala wene hobaluk, ogasagwi yi aro,” yiluk, yugeragagi.

Yohanes 13:17

An wene yukheraliga yi ako hinilup akluk ogagu dogosogom halok, henendawi adenggen wisane hugu dogogup.”

Yohanes 15:14

Hit An nane, ‘Yerogo ogarup, nderogo ogarup,’ yukheraliga ako ogasagwi halok andi, hit An naswei-at henombarisogon.

Yohanes 2:5

Yugugu lagagimu, At isa en ap isogo andok ayelomani yugirigya dugwit, “Aren ambi ‘Yerogo ogarup o,’ yukhirigya halok, andiat ogarop,” yiluk, yugeragagi.

Lakbogogi Wene 9:6

An atma, hat mondok iri dogomindik o kota ombokma andoma lagya heyalok ogarup wene yukhirisogon atma, andoma elak,” yiluk yugogogi.

Oroma 15:33

At nenendawi ugun adenggen seyalek dogosogom yiluk, okbininaliga Ala akoen hit ovok erogo hinim dogosogon. Amin.

Oroma 16:20

At nenendawi ugun adenggen seyalek dogosogom yiluk, okbininaliga Ala akoen, Sile henavema sovalek dogopwak yiluk, vage sopalogo bayogon. Nenowa Inis Ombok Yesus henabwa en okbugugu dugwit, hinimat dogosogon o.

1 Korindus 10:31

Erom nunggwi, is nunggwi, yi ogagek ndi ogagek ovogat ogagu dugwit, Ala inis siyabaup yiluk adigat ogagu dogones.

1 Korindus 4:16

Anderogo atma, an ogasiga hit wane-wane ogagu dogovovok yiluk, yukheraliga o.

2 Korindus 13:11

Wa, naswei. Wene andi ovogat. Henendawi weyak ogagetek hoda arovovok yiluk, ogagu dugwit, an wene yukheraliga yi, dibagu dogones. Henendawi ambiat okbaluk ugun adenggen dambulik dogones. At endawi hunik okninipu dugwit, nenendawi ugun seyalek adenggen dogosogom yiluk okbininaliga Ala akoen, hinimat dogosogon.

Pilipi 3:17

Naswei-narupwi. An ogasiga hak, hit wane-wane ogagu dogones. Eke, henaswemuni ninen nit ogasagwi hak ogaguselok, hinil des erogo dombalinipu dogones.

Pilipi 4:7

Andi ogagu hiniselok, nenendawi anggin dek ugun seyalek adenggen dogoguluk, okbininaliga menda adem nit yedok hegetek ninigik ovara, okbininggik adigat ogasiga Ala akoen, Keretus Yesus hinim henendawi hunik atma, hit henendawi des erogo malhenombogo dogosogon.

1 Tesalonika 1:6

Avakwa en mondok anggin-mbanggin okbugugusigik, Averiniki en henendawi adenggen okhinipu hegek, wene Yesus ninim hunik dugwit, niniluk mondok dogop Sek Wene yukhera wagagup ako, wugu lagagupik, nit Nenowa Inis Ombok Yesus ogasiga inim, nit ogasagwi inim, hit ndatak-at ogagu lagagup.

1 Tesalonika 2:14

Ai, nowa-nasin. It Ala aburi Keretus Yesus inim hunik agarwik o Yudea homarisagwi ako, it enowa-enasin Yakuri menda en anggin-mbanggin oginupu lagagwa ako hak, hit henowa-henasin en hit anderogoat anggin-mbanggin okbigigugwa.

1 Tesalonika 5:23

Nenendawi ugun seyalek adenggen okbininaliga Ala ako, hit heneyave At ake denogo bugugu dugwit, henendawi weyak menda mondok horogo bigigapwak. Eke, Nenowa Yesus Keretus wagya dugwit, hit heneyave-henendawi ovok erogo weyak ogagetek dogosogom vaga, ane ambi henovaga bigigagwi en yiluk, okbugugu dogopwak.

2 Tesalonika 3:4

Hit ogagu dogop wene yukherelagwi ako andi, vage ogasagwi ninilup. Eke, hit ambi inim ogagu dogovovok yiluk, Nenowa Inis Ombok en okbigigayogon.

2 Timotius 4:22

Nenowa Yesus habwa en okbagagya dugwit, hinimat dogopwak o. Ai wa!

Yakobus 1:22

Ala wene henaruk hobaluk ogagetek halok andi, hirat henambukmu dagalhedelagwi atma, henaruk adigat hunggik ogagu dogop andi moga o. Ata, henaruk hobaluk, eyave inimat ogagu dogwes.

2 Peterus 1:10

Andi halok, nowa-nasin. At Ala en adik enogo bininggu lagagirik, heneyanggup yukheragagi atma, yedok hinisapwak yiluk, henanye okhidugu dogones. Anderogo ogagu dogosogon halok, hinisogavit nggwes erogo nggedek wambusogombuk o.

1 Yohanes 3:22

Anderogo atma, At Ala en, “Yerogo ogarup, nderogo ogarup,” yiluk, yukneraliga menda wene inim, nit ogarup endawi sek ombasiga menda ako inim, wane-wane ogagu niniselok, nit yi menda ndi menda woknerapwak yiluk, nggino yugisagwi ako, At woknirigya dogosogon aro.