Pilipi 4:8 - ALA WENE HIVIS DIRUP WATUGWA

⁸ Naswei o. Wene atok ambi yi inim yukherayogon. Avyarat menda halok, eyave widao menda halok, atma nggedok ogasagwi menda halok, weyak dek menda halok, enane ai yagalagwi menda halok, sek helagwi menda halok, yi menda ndi menda ovok erogo avakwa en “Wi,” yiluk, siyabelagwi menda halok, andi menda adigat henendawi wenggenggu dogones.

Pilipi 4:8 Iomraidhean Croise

Matius 22:16

Wene mbanggu lagagwarik, it Varisi enane welagwi menda nin inim, it Herodes menda inim, lakbisa wagagwa ako wagu lagagwarik, Yesus yugugu dugwit, “Ngguru wai. Hat andi avyarat adigat ogagya dugwit, Ala endawi ombasiga menda avyarat des erogo yuknirigya heyalagwi. Haren ap enelose dombabigitek dugwit, ambi iya ambi meyan ombasigadek atma,

Lukas 16:15

Aganda yagu lagagwama, At Yesus en it yugirigya dugwit, “Hiren avakwa sek henombarupwak yiluk, henanggangga hedelagwi ovara, Ala en andi, henendawi ombasagwi ako ilup agarik. Yi menda ndi menda iya ombasagwi andi, At Ala anggon ombasiga,” yiluk, yugeragagi.

Lukas 2:25

O Yerusalem andoma ap ambi inis Simeon welagagi. At ap andi, endawi mondok sek Ala wene dibaluk ogagya lagagi. Ogagya dugwit, it avakwa Iserali menda enagap wendari warup ako at sok higya dugwit, Averiniki at ovaga welagagi.

Lukas 23:50

O Yudea kota ambi inis Arimateya andoma ap ambi inis Yusup welagagi. At ap andi it Yakuri enawene amburup mbalisiga ako menda welagagi ovara, aswei wene amburup mbalisagwi menda akoen, Yesus warupwak yiluk ogagagwa ako, at endawi sek atma nggedok ogasiga menda atma, aren “Yu, warup,” yiluk, yegetek welagagi. Eke, aren “Ala avema bininapwak o,” yiluk, sok higya lagagi.

Yohanes 7:18

Ap ambien at adik ombasiga menda vaga wene yugeraliga ako andi, at inis ombok arupwak yiluk yagaliga. Ovara, At lakba wagagi inis ombok arupwak yiluk, wene yugeraliga halok andi, At huluk wene molalit landigadek avyarat des erogo adigat yagaliga atma, weyak endawima agarik mondok dek aro.

Lakbogogi Wene 10:22

Yugirigya lagagimu, it akoen “Dek o. Ap enayegen werek enasin Korenelius en, lakbinina waga o. At ako endawi mot Ala alon ombasiga halok, it Yakuri menda ovok erogo at andogon sek yagalagwi atma, Ala ayonggo malaikat adik denek menda ambi wagya lagarik, at Korenelius ako yugugu dugwit, ‘Peterus en wene yukhiri warupwak yiluk yonggo lakbisin,’ yiluk, yugigas. Yugugu lagama yonggo lakbinina wagarikmu belalhetek wagyo,” yiluk, yugogogwa.

Lakbogogi Wene 22:12

“Bani lagagwarik, o Ndamasik andoma werekma ap ambi inis Ananias nadoma wagagi. Ap andi, Ala alon imbita dugwit, Ala wene Musa en dirup watigi ako des erogo ogagya lagagi, it ap Yakuri andoma ovok erogo agayuk wutu lagagwa.

Lakbogogi Wene 6:3

it ap Averiniki enendawima des yi nonggagagi inim, enendawi werek dugwit yagalagwi inim, hinilup atma, henanggelekma en ap eneyave 7 denogo mondok okbisines. Mondok okbisasogom yi, iren ogagusigik,

Oroma 13:13

Amburup nunggu lagarwik, nenek-at yagan nagwis, ndawi weyaravok watu dugwit, akwa ugun ogunupwis, enendawi en ninggya halok ugun ogarit nagwis, war-wat yugwi, haterek-anderek yagan nagwis, ogarit nagu dogop moga. Ata, o dingga vaga dugwit, des erogo ogasagwi hak, nit anderogoat des erogo ogagu dogosogom.

Oroma 13:3

Anderogo atma, it Pemerintah agarwik ako, avakwa sek ogasagwi menda enalon ombarupwak yiluk, mondok okbigitek. Ata, it weyak ogasagwi ako, enalon umbutu dogopwak yiluk, agarwik atma, henalon dek henendawi ugun nagu dogop ombasagwi halok, sek adigat ogarit lagu dogones. It Pemerintah andi, Ala ayeloman dugwit, hit sek adigat dogovovok yiluk, ogasagwi atma, sek ogarit lagu hiniselok andi, enendawi adenggen henovaga bugu dogosogom. Eke, hit weyak ogasagwi halok, enayegen andi, un wolok nelagwidek atma, henalon umbutu dogones. Avakwa weyak ogaguselok, Ala aninis en weyak onggo okbisaup ombasiga ako, irat Ala ayeloman dugwit, okbugu dogopwak yiluk, andok okbogogi atma,

Oroma 14:18

Keretus ake ogarit nagu dugwit, wene andi, des erogo ogagu hiniselok, Ala en sek hinimbita, eke, it avakwa en ogo, “Segat ogasagwi,” hinumbutwi, ogagu dogosogom.

Oroma 2:29

“It Yakuri menda aro,” yagalagwi ako andi, Musa wene welagwi vaga dek. Ata, enagamut mbalisagwi ovagak, At Ala Averiniki en enendawi swi okbisaliga andi vaga, eneyave Yakuri menda andi aro. It avakwa enendawi anderogo Ala en okbisaliga andi, it avakwa en wogobisasogombuk. At Ala enat wogobisayogon.

1 Korindus 4:5

Andi halok, it avakwa enowak dilup hologo bagagi hudi ao horok ari wagetek hegek, hiren avakwa enowak dilogo weyak enovaga lobalogo bugu dogobuk. Ata, Nenowa Inis Ombok wagya dogomindik, nit avakwa nenendawima mbauk ombasagwi hwilago agarik ako sigam erogo bagya, eke, nenagose ombasagwi ako ombokma en vagalogo yuknirigya, ogarisogon. Ogarisogon halok, wagetek hegek avakwa enowak dilogo weyak enovaga lobalogo bugu dogobuk. At wagya hudi vaga Ala en nenadik-nenadik ogasagwi ako wane-wane adenggen nenovaga bininayogon.

2 Korindus 13:7

Hit weyak ogagu dogoguven yiluk, henake Ala yugisagwi. Avakwa en nit nenavut mbabaluk, “Paulus aori inim sek adigat ogasagwi,” nenavok sek adigat yupwak yiluk, nit samban ogasagwidek. Ata, nit nenavok weyak yugusigik ovara, hegek hit sek adigat ogarit lagu dogovovok yiluk, henake samban ogasagwi.

2 Korindus 6:8

It ninen siyabininggwis, nenavok sek yugwi, yugusigik, it ninen sovabininggwis, nenavok weyak mbanggwis, yagalagwi. Nit avyarat adigat halok yagalagwi ovara, “Hit huluk yagalagwi,” yiluk, nenovaga bininelagwi.

2 Korindus 8:18

Henadema wagyaim, nenaswe ambi eve Sek Wene Ala aburi homarisagwima ovogat yugeregek lagya vaga inis siyabagagwa ako, iperen lakbisa wendagwi andi o.

2 Korindus 8:21

Nit Nenasin Inis Ombok adigat ivaga des erogo ogagu dogoguluk yagalagwidek. Ata, Nenasin inim, avakwa inim, inivaga des erogo adigat ogagu dogoguluk, mondok dibaluk ogasagwi.

Nggalatia 5:22

Anderogo ovara, yo enggen sek yiliga hak, Ala Averiniki nenendawima dugwit, ogarit lendagwi ako eyave yi: Avakwa enendawi hunik ogonupwis, enendawi adenggen adigat umbutwi, enendawi ugun seyalek adigat welagwi, enendawi horaik welagwi, avakwa sek okbigik nagwis, sek adigat ogagwi, des erogo ogarit lagwi,

Evesus 4:25

Anderogo atma naswei. Keretus ninim hunik inggis-isok hak niratma, hikirat huluk molalogo yagalagwi ako hekbaluk, hit ovok erogo wene avyarat halok adigat yugu dogones.

Evesus 5:9

It o awiya vaga dugwit ogarit lendagwi enggen yugup ako andi, avakwa sek okbigik nagwis, weyak ogagetek Ala ombasiga ako wane-wane ogarit nagwis, enane avyarat halok adigat yagan nagwis, ogasagwi.

Evesus 6:14

Hinisok severek dugwit wadokdek dogoguluk, henombolanis nggetok erogo yikhedelagwi hak, avyarat wene Ala avok henendawima nggetok erogo hidugwi, henagap vaga sin yikhedelagwi hak, Ala andogon sek menda ako yikhidugwi,

Pilipi 3:1

Naswei o. “Henowa Inis Ombok inim hunik dugwit, henendawi sek adigat dogones o,” yiluk, wene atok vaga yukheraliga andi aro. An endak dirup warogo wokheragagis ako wane-wane, hivis warogo wokheraup nanggon ombasigadek. Hit henendawi wadokdek dogovovok yiluk, warogo wokheraup segat ombasiga.

Kolose 4:5

It avakwa avyarat embetetek menda hinim ogarit lagu dugwit, “Ala avyarat ombarupwak yiluk, wene yugeraup nanonggal aga o,” yiluk, henendawi mondok werek dugwit, ogarit lagu dogones.

1 Timotius 2:2

It ap ombok-ombok inim, ap ininis werek ovok erogo inim, enake samban ogagu dogwes. It sek erogo vaknenombogo inigik, nenendawi sek vaga Ala musek lagu dugwit, ugun adenggen wadokdek dogoguluk, it enake samban ogagu dogwes.

1 Timotius 3:11

It enogwai andi anderogo enovavut sek dugwit, wolok-wolok ane yagan nelagwidek halok, enendawi suam wakhiduguselok, eke, it yagalagwi ndatak vaga ogaguselok, akwa anderogo menda iniselok, it enaguni ap yonggaragak mendok okbisaup sek.

1 Timotius 3:4

Ap ambi Ala aburi vagenombogo dogop andi, at aburi des erogo vagenombogo dugwit, mamulirigya, aburi en at ane hunggwis, ogasiga menda halok adigat mendok okbaup.

1 Timotius 4:12

Hat heyave ao sawe atma yiluk, avakwa en sovalogo bagaup andi moga. Yagaliga inim, ogasiga inim, avakwa hendawi hunik oginivisiga inim, Yesus Keretus avyarat ombasiga inim, hendawi weyak embetetek dugwit ogarit landiga ako inim, ogasiga andi vaga it ap avyarat ombasagwi menda hat il wakhegek dugwit, ogagya dogwen.

1 Timotius 5:10

“Hwa andi sek ogasiga menda,” yuguselok, eyagi des erogo sawe oginipu halok, ap huru enagania isagya halok, it Ala aburi avyarat ombasagwi menda enayeloman ovagak oginipu halok, it avakwa anggin enovaga agya yonggar-inipu halok, eke, yi yavup ndi yavup sek okbisaup ovok erogo “An neyavup-at,” yiluk, ogasiga halok, ininis dirup warup sek ovara,

1 Timotius 5:2

it akwa enanggok andi, hat hisai ndatak, eke, akwa sawe andi, hat harupwi ndatak, it vaga hendawima weyak mondok embetetek dugwit, yugirigya dogwen.

Titus 1:8

Ata, ap enagania isaguselok, sek ogarup enendawi hunik umbutuselok, enendawi werek halok, atma nggedok ogaguselok, Ala wene wokbaluk sek adigat ogaguselok, ogarup agya hegek ovara, enendawi yunggubaluk, mbup yuguselok, ap andi menda mondok okbisaup sek.

Titus 2:14

Nit yi weyak ndi weyak ogasagwi ako ogagu dogoguven yiluk, At Yesus ako nit avyarat ombasagwi menda nenonggo mbalogo heda visibininagiluk, At eyave wogeragagi. Eke, “An naburi nake denek dugwit, sek ogarup enendawi sek vaga ogarit lagu dogopwak,” ombakluk, nenomaduk horogo bininigiluk, nit nenake At eyave wogeragagi.

Titus 2:2

It ap enanggok andi, enendawi suam watwis, enovavut sek agwi, enendawi werek agwi, it enendawi Yesus avyarat ombasagwi ako wadokdek welagwi, anderogo ogagu dogopwak yiluk, yugirigya dogwen. Avakwa ovok erogo avyarat enendawi hunik okbugwis, eke, anggin enovaga agya halok enendawi wadokdek dugwit, wugwi, ogagu dogopwak yiluk, yugirigya dogwen.

Titus 2:7

Avakwa hat vaga il wakhegek ogagu dogopwak yiluk, hat yi ogagek ndi ogagek ogagya dugwit, sek adigat ogarit lagya dogwen. Ogarit lagya dugwit, wene mamuleraliga ako, ugun hat hane inim hondalogo mamulirigya, hagayuk dek enda wene adigat yugirigya, ogagya dogobuk.

Titus 3:14

It nit menda andien, avakwa enangge dek halok, okbugu dogopwak yiluk, yavup sek erogo ogarup mamulhidugu dogopwak. Andi ogaguselok, enggen yigitek dogosogombuk o.

Iberani 11:2

It nenombawi endak welagagwa ako andi, Ala ovaga vanggabaluk avyarat umbutu lagagwa vaga, Ala en, “At yi, sek aro,” yiluk, inimbita lagagi.

Iberani 13:18

Nenake samban adigat ogagu dogones. Nit sek adigat ogarit nagu dogop hogop ombasagwi atma, yi ogagek ndi ogagek ogagu dugwit, weyak ogarup ambi nenendawima wenggelagetek halok, “Segat ogarit nelagwi higyo,” yiluk, ombasagwi.

Yakobus 1:27

Nenasin Ala ivaga At ane dibaluk eyave mondok sek adigat ogagu dogop andi, it avyak hwavyak wenavorangge inim, akwa sogwa inim, enendawi wakhiduguselok, enabwa en yonggar-inipwis, eke it avakwa enendawi weyak en weyak ogarupwak yiluk, henendawima manggu saoen, hwalogo dugwit suam watwis, ogagu dogwes.

Yakobus 3:17

Eke, At endawi werek mbogot vaga agarik akoen hologo bininaliga ako andi, adem ombok andi, nit nenendawi weyak agetek mondok sek adigat dogop. Aswe ambetaga andi, avakwa sek ugun dambulik dogopwak yiluk, moga yugurugwi, nenendawi sagain vaga yugurugwi, yukniruguselok, “E o,” yiluk, ogarit lagwi, nenaigwak aberen avakwa sek okbugwis, yo enggen eyave yiklandiga ako hak, nit anderogoat sek ogarit lagwi, ap ambi sek okbagwi, ap ambi weyak okbagwi, ogagetek wane-wane okbugwis, nenendawi lakot dugwit yugeregetek, nenendawi sagain vaga adigat yugurugwi, ogagu dogopwak yiluk, okbininaliga.

1 Peterus 1:22

Hit eve Sek Wene wokbaluk, ogarit lagu dugwit, weyak henendawima agarik ako hokhedagagup atma, yogak henaswei Ala aburi menda henendawi hunik oginivisagwi andi, ambi inim ombok erogo henendawi eyave vaga nendawi-hendawi hunik oginipu dogones.

1 Peterus 2:12

It ap weram enendawi avyarat ombasagwidek menda akoen, “It weyak ogarit nelagwi o,” yiluk, henavok yagalagwi ovara, hit sek adigat ogarit lendagwi dibigigu dogomundik, Yesus wagya andi vaga Ala siyabapwak yiluk, enanggelekma dugwit, henova hwalogo dogones.

1 Peterus 4:8

Nendawi-hendawi hunik ogagu dugwit, ap ambien aswe ambi weyak okbaliga ovara, aswe endawi mondok hunik en weyak ako sovalogo degerogo baliga atma, hit anderogoat, henaswei-henarupwi henendawi enggen vaga nendawi-hendawi hunik ogagu dogones, yiluk, an wene mondok iya andiat yukheraliga.

2 Peterus 3:1

Nowa-nasin nendawi hunik. An dirup ambi endak warogo wokheragagis ako wane-wane, yogak ambi yi inimat dirup warogo wokheraliga. Dirup warogo wokheraliga yi ako andi, henendawi eve sek adigat dogop henape wenggenggu dogovovok yiluk, endak dirup warogo wokheragagis ovara, ambi inimat warogo wokheraliga.

1 Yohanes 3:18

Naburi nendawi hunik yi wai. Nit nenane vaga en adigat, “Avakwa ninim nenendawi hunik agurik o,” yiluk, yup moga. Ata, nenendawi vaga en enabwa wisane erogo umbutu dugwit, sek okbigik lagu dogosogom o.

1 Yohanes 3:3

Nit okbininaup ako nenape wenggelek agurik halok, At Keretus endawi sek adigat agarik ako ovagak, nit wane-wane nenomaduk horogo nenendawi sek adigat okhidugu dogosogom.

1 Yohanes 4:1

Naswei nendawi hunik yi wai. Avakwa huluk wene yugerelagwi menda eneyave wisane en yi awi ndi awi ovok erogo yugeregek lendagwi atma, ap ambi henadema wagya dugwit, “Ala Averiniki en yuknirigya halok, yukhera wagyo,” yiluk, yukhera waguselok, enane avyarat umbutu dugwit ugun waup moga. Ata, “At Ala Averiniki en avyarat lakbisa wagao atma yagan wendagwi a, ata it enendawi en wenggebaluk yagan wendagwi a?” yiluk, enavut dombabaluk enane hunggu dogop segat.