Pilipi 4:6 - ALA WENE HIVIS DIRUP WATUGWA

⁶ Anggin nano menda ambi henovaga agya halok, henendawi anggin habuk. Ata, “Anggin anderogo novaga aga o,” yiluk, samban ogagwi, eke, hit ambi ngga menda dek halok, okbigigapwak yiluk, “Ala wa,” yiluk, nggino yugugwis, ogagu dogones.

Pilipi 4:6 Iomraidhean Croise

1 Peterus 5:7

At Ala en malhenombogo agarik atma, henendawi anggin wisane agarik ako ovok erogo vagalogo At ovaga adigat bagu dogones.

Matius 6:8

Hit henangge dek halok hogop ombasagwi ako andi, ao nggino yugigitek dugwit, Henasin ovok ilup atma, it ap andi menda en yagalagwi hak hit anderogo yugu dogobuk.

Kolose 4:2

Henovarali agetek o hutun howam samban adigat ogagu dugwit, Ala, “Wa,” yugugu dogones.

Evesus 6:18

Hit yi menda ndi menda ogagu dugwit, Ala en yonggat-hinavupwak yiluk, Averiniki en yukhirigya hegek, mbup yegetek Ala nggino yugugwis, samban ogagwi, ogagu dogones. Samban ogagu dugwit, henendawi alep mbabetaluk, hekbagatek ndugurek-ndagarek it Ala aburi ake denek ovok erogo enake samban ogagu dogones.

Kolose 3:17

Keretus henabwa en henake ogasiga atma, Henasin Ala, “Wa,” yiluk, hai watu dugwit, henane yagalagwi inim, ogarit lendagwi inim, ovok erogo Nenowa Yesus inis ombok arupwak yiluk, adigat ogarit lagu dogones.

Lukas 18:1

Anderogo yugirigya lagagirik, avakwa anggon-mbanggon okbigitek samban adigat ogagu dogopwak yiluk, Yesus en wene wakhegek yi At ane welagwi menda ako yugirigya dugwit,

Lukas 12:22

Yugirigya lagagirik, Yesus en At ane welagwi menda ako yugirigya dugwit, “Niniluk dogoguluk, nenagas-nenagarom nano namwi? Eke, neneyave sek dogoguluk, nenasum nano yikhedamwi?’ yiluk, henape wenggenggu dugwit henendawi anggin dogobuk, yiluk yukheraliga.

Kolose 3:15

Keretus hinim hunik heneyave ambiat akluk dambulik dugwit, henendawi ugun seyalek adenggen dogovovok yiluk, Ala en heneyanggup yagagirikmu, hiren yi menda ndi menda ogagu dugwit, henendawi Keretus en hinim dambubigigirikmu agipik atma, henape wenggenggu dugwit, ndatak-at ogarit lagu dogones. Anderogo ogagu dugwit, “Ala wa,” yugugu dogones.

Evesus 5:20

Watu dugwit, yi menda ndi menda ovok erogo okbininaliga ako vaga Nenowa Yesus Keretus inis vaga, “Nenasin Ala wa,” yiluk, hai watu dogones o.

Lukas 10:41

Yugugu lagagimu, Yesus en, “Mareta, Mareta. Hat yi ogarup ndi ogarup adigat hendawi anggin dugwit, aburuk erogo ogarit lagya heyagi.

Lukas 18:7

Anderogo ndatak Ala en At aburi miginipigi ako enane hup-dingga At yuguguselok, enowak dilogo enawene nggatuk erogo mbalisogon dek embetep? Dukluk heveretmbo, ndogovitmbo, adigat wolok lagya dugwit, enawene mbalup embetep?

Matius 10:19

Eke, wokhenombolok laguselok, hiren, ‘Wene ngga yuk,’ ata, ‘Wene nggarogo yugeraup,’ yiluk, henendawi anggin habuk. Wene yugeraup ako, o andi vaga Henasin Ala en ‘Wene yiva eres,’ yiluk, yukherayogon.

Lukas 12:29

“Anderogo atma, ‘Nenagarom-nenagas nano namwi?’ yiluk, adigat henendawi wenggelit lendagwi andi, moga. Henendawi anggin dogobuk.

2 Korindus 1:11

Hit andi, nit nenake samban ogagu dogones. Samban wisane erogo okbininggu dogomwi vaga Nenasin Ala aruk hobaluk nenabwa en sek okbininayogon. Ala nenabwa en sek okbininayogon ako, it avakwa wisane inil ninigu dogomundik, Ala siyabagu dogosogom.

1 Korindus 7:32

Andi yukhirigi vaga hit henendawi anggin dogoguven yiluk, ambi inim yukherayogon. Ap ambi ogwa dek halok, at endawi imbita dugwit, “Nggarogonggan Nowa Inis Ombok Yesus endawi adenggen okbaik?” yiluk, ogarit landiga.

1 Peterus 4:7

O hivis ogarup ako vage horok ari wagarikmu, samban ogagu dogovovok yiluk, henendawi alep mbabetaluk, henova hwalogo dogones.

Matius 13:22

Eke, awi yoangga hedangga aik werek anggelekma wombagagi ako andi, it wene enaruk hulisagwi ovara, enendawi anggin dugwit wen vaga menda adigat wenggelit nagwis, enangge dek arup menda hegek, enendawi hunik okhedegek nagwis, ogasagwi ako vaga Ala wene wagagwa ako sovalogo hekbagarwikmu, eyave enggen yiklagetek-at agaruk.

1 Korindus 7:21

Avakwa enayeloman heda mago hinigik heneyanggup yagagi halok andi, wene anggin dekma, anderogoat dugwit, Ala musek lagu dogones. Anderogo ovara, henasini en visilogo wibugugu iniselok, “Nanonggal yuknerelagwima, lasogom o,” yiluk, lagu dogones.

Matius 6:34

Heveret ogarup hegek, yogak henendawi anggin dogobuk. Heveret ogarup menda ako andi, heveret-at henendawi wenggelup. Yogak ogarup henendawi wenggelup ako andi, anggin mondok iya atma, hutun ogarup inim henendawi wenggenggu dogop andi moga o,” yiluk, yugeragagi.

1 Timotius 2:1

Andi halok, wene endak yukhirup imbiti ako yukhisogon o. It avakwa ovok erogo enake samban ogarup. It vaga Ala wa yugugwis, enake nggino yugugwis, ogagu dogovovok yiluk, nane anye vaga yukhisiga.

1 Timotius 5:5

Hwa ambi sogwa ovara, eyagi en yonggat-helagwidek halok, “Ala en yonggat-nitya dogopwak,” yiluk, Ala ovaga vanggabaluk ape wenggelek dugwit, hup dingga Ala adema hunik adigat nggino yugugu, samban ogagya, ogasiga menda halok, hwa andi, eyave sogwa aro.