Pilipi 4:3 - ALA WENE HIVIS DIRUP WATUGWA

³ Eke, hat naswe Sundugos ogo, niperen Ala eyavup ndatak ogasagwi menda atma, it akwa mberen andi, yonggar-inipu dogwen. It akwa andi, ap Kelemen ogo, it an naswei nin Ala eyavup ninim ogasagwi ako ogo, Sek Wene wigalarupwak yiluk, ninim musek-hasek ogarit nagu lagagwa atma, Ala ambuku it avakwa mondok-mondok iniluk okbisaup ininis dirup warek agarik ako, it ogo ininis ovok dirup warek agarik.

Pilipi 4:3 Iomraidhean Croise

Lukas 10:20

Anderogo ovara, it madis henane hulisagwi ako vaga henendawi adenggen ombarubuk. Ata, hininis mbogot vaga eloma dirup warek agarik ako vaga henendawi adenggen umbutu dogones,” yiluk, yugeragagi.

Oroma 12:1

Andi halok, ai, nowa-nasin. At Nenasin Ala aigwak aberen ombok erogo okbininggigi. Anderogo atma, Ala ake warogo belagwi hak, hit heneyave hiniluk dugwit, Ala ake adigat ogarit nagu dogoguluk, heneyave ovok erogo Ala ake denogo betavovok yiluk, an nendawi “Ai,” imbita dugwit, yukheraliga. Andi ogarusogom vaga Ala en, “It yi avyarat ninis siyabanunggu hinigis,” yiluk, adenggen hinimbita dogosogon.

Oroma 16:12

It akwa Seripena Seriposa iperen Nenowa Inis Ombok inim hunik dugwit, eyavup ogasagwi ako inim, narup Perisis ogo Nenowa inim hunik dugwit, ake musek-hasek ogasiga ako inim, wa yugeraliga.

Oroma 16:9

At Urubanus andi ninimat Keretus eyavup ogasagwi ako inim, Setakis nendawi hunik ako inim, iperen wa yugeraliga.

Pilipi 1:12

Ai naswei-narupwi o. An anggin-mbanggin okbanunggugwa ako vaga Sek Wene mondok ombok wigalarit lagagi atma, hinilup arovovok yiluk, yukheraliga.

Pilipi 1:16

An Sek Wene avakwa avyarat ombarupwak yiluk, mbilinogo yugirigya dogogiluk, Ala enat mondok okbaninggigi yoma agirik ako, it nin enendawi sek vaga yugerelagwi akoen inilup atma, ninim nenendawi hunik dugwit yugerelagwi.

Pilipi 1:27

Andi halok, Sek Wene Keretus avok ako, wane-wane des erogoat ogarit lagu dogones. Andien, an yoma neyagek hit ogarit nelagwi naruk hulimi a, ata andoma henadoma ari warimindikmu ogagu hinisami a, hit Sek Wene avyarat umbutu lagagupik wogogup ako, hekbagetek henendawi ambiat akluk, wadokdek dugwit, ogarit lendagwi ako nilup arisogon.

Pilipi 1:7

An heda mago dugwit inim, eke heda maknetetek dugwit inim, avakwa en Sek Wene ako avyarat vagago dogopwak yiluk yugirigya dogogiluk Ala endawi hunik en andok okbaninggigi ako, ogagya neyagek hit an ninim ndatak ogasagwi. Halok, an nendawi mondok hit hinim hunik agirik atma, hit heneyave nape wengge iri halok nendawi sek dugwit, hit henake Ala, “Wa!” yugurup andi, segat ombasiga o.

Pilipi 4:2

Hit akwa Eyodia ogo, Sindike ogo, hiperen Nenowa hinim henendawi hunik dugwit, henendawi ambiat dambulik dogovovok yiluk, yukheraliga.

Kolose 1:7

Sek wene Keretus avok ako, at Epaveras nenaswe ninim ogasagwi nenendawi hunik ako enat yukheragagi. At Keretus ayeloman dugwit, nit henake ogarup meyan halok nenavoloma arat des erogo ogasiga atma,

Wahyu 13:8

At Ala en o muk wen-mbogot yi ao bagetek dugwit, “It avakwa mondok-mondok iniluk okbisaup o,” yiluk, ininis Ndomba Eyak watugwa ako ambuku vaga dirup watigi. It avakwa ininis mbuku vaga dirup warekdek halok andi, it ovok erogo at yangge ako inis siyabagu sigis.

Wahyu 17:8

“Yangge do ovagak aninis werek hegen ako andi, endak welagagi ovara, dek agya lagarik, hivis, hambuluk lendagwima nggilin elola en daga warisogon. Daga warisogon ako, Ala en elokwe degerogo bagya hayogon. Eke, wen-mbogot ogagagi hudien mbuku mondok-mondok iniluk okbisaup ako it avakwa ininis mbuku ako vaga Ala en dirup watitek, o wen vaga ao hambegetek iniluk agarwik akoen, yangge do ovagak ako sigam ari wagya inil hugu dogomundik, it ogo, ‘Wi!’ yiluk ombarusogom. Andi, at yangge do ovagak ako endak welagagi ovara, dek agagi umbutugwa ovara sigam ari wagya inil hugu dogomundik, it ‘Wi!’ yiluk, ombarusogom.”

Wahyu 20:12

Dek agya lagama, avakwa hombagagwa menda ininis werek inim, ininis dek inim, wene yugeraligama adema mendek inigis. Andoma inigik, mbuku nin adik-adik mbiganggu dugwit, mbuku ambi avakwa mondok-mondok iniluk okbisaup ininis dirup warek menda mbiganggu higi. Mbiganggu lagarik, avakwa hombagagwa ako hambegetek iniluk dugwit enandogon ogagu lagagwa mbuku vaga dirup warek ako bikhegek enowak dilogo onggo wane-wane okbugu higi.

Wahyu 21:27

Nunggugu sigis ovara, it weyak enendawima vagago agarwik, weyak mbobo ugup hegek ugun ogarit nagwis, huluk yugwi, ogasagwi ako halok andi, mondok nunggugu sigibuk. Ata, it avakwa iniluk mondok-mondok okbisaup ininis mbuku vaga dirup warek Ndomba Eyak vagago agarik andi halok, adigat nunggugu sigis.

Wahyu 3:5

Eke, hit sanien An nane hekbagetek mondok henendawi wadokdek vagago dugwit, des erogo musek lagu hiniselok, An wagya dogomindik, avakwa mondok-mondok iniluk dogop ininis mbuku vaga dirup warek agarik ako, An horisogonbuk. It anderogoat enasum mondok mudu yikbugu dogomindik, An Nasin inim, At ayonggo malaikat inim, inivaga, ‘It ap yi, An naori aro,’ yiluk, yugerayogon.