Pilipi 4:1 - ALA WENE HIVIS DIRUP WATUGWA

¹ Anderogo atma naswei o. Hit an nendawi mondok hunik atma, heneyave mondok nape wenggelek-at agirik. An nanggudit-nggudit mendago inim, nendawi adenggen ombasiga inim, andi, hit heneyave atma, Nenowa Inis Ombok hinim hunik dugwit, wene andi mondok wadokdek vagago dogones. Ai, naswei nendawi hunik wa!

Pilipi 4:1 Iomraidhean Croise

Matius 10:22

Avakwa ovok erogo adem An nane wagagup vaga enanggon adigat henombarusogom ovara, o hivis atok vaga henendawi wadokdek dogomwi halok, henagap wendakhinivugwi.

Yohanes 8:31

At Yesus en it ap Yakuri menda enendawi At ovaga vanggabaluk, avyarat umbutugwa ako yugirigya dugwit, “Hiren An nane henendawima vagago dugwit, mondok musek lagu hiniselok, An nane welagwi menda avyarat agipik.

Lakbogogi Wene 11:23

At Mbarenabas ako endawi sek, Yesus ovaga vanggabaluk mondok avyarat imbitigi vaga Averiniki endawima des yagagi atma lakbagagwa. Lakbagagwa lagya lagagirik, At Ala enabwa en okbugu ako il higya lagagirik, endawi adenggen wisane akluk, “Hit henendawi mondok wadokdek dugwit, Nenowa Inis Ombok Yesus ovaga vanggabaluk dogones o,” yiluk, enendawi aik wakbugu lagagi. Enendawi aik wakbuguyam, ambi hondo yi nonggegek adigat ogagu dugwit, Ala aburi wisane agagwa.

Lakbogogi Wene 14:22

O akoma yanonggegek lagu dugwit, “At Nenowa Inis Ombok Ala en denogo bagagi ako avema nunggup andi, anggin-mbanggin wisane nenovaga ari wagya hegek nunggusogom,” yiluk, it Yesus ane wogogwa ako, enendawi modo okbugwis, “Wene avyarat embetep ako hekbaup moga o. Ata, henendawi wadokdek vakhedogo-at dogones,” yiluk, mbilape yugurugwi, ogarit lagagwa.

Lakbogogi Wene 2:42

It andien enendawi ambiat dambulik dugwit, it lakbigik menda en wene mamulirugwi ako des erogo hunggwis, inim erom amburup nunggwi, samban ogagwi, anderogo adigat ogagu lagagwa.

Oroma 2:7

It avakwa ninen sek umbutu dugwit, “Ala en At abinak menda woknirigya, nenagayuk wutu, iniluk mondok dogop menda woknirigya, ogarupwak ai,” yiluk, enendawi sagain vaga hora yiluk, mbup yegetek sek adigat ogarit lendagwi. It avakwa anderogo ogasagwi ako, Ala en iniluk mondok dogop menda wogerayogon.

1 Korindus 15:58

Andi halok, naswei o. Hit henendawi mondok horaik wadokdek dugwit, Nenowa Inis Ombok eyavup-at ogasagwi halok andi, un enam warogo ogasagwidek hinilup atma, ndugurek-ndagarek musek-hasek ogagu dogones.

1 Korindus 16:13

Hit henalon dek henendawi wadokdek dogones. Eke, Ala avyarat ombasagwi ako vaga henendawi hora yiluk, suam sek erogo wakhidugu dogones.

Nggalatia 5:1

Nit ugun wendet nagu dogogwen yiluk, Keretus en heda visilogo bininggigi. Anderogo atma, ap en enayeloman anggin enovaga belagwi hak, hit anggin ambi inim henovaga bigigaguluk, “Yerogo ogarup, nderogo ogarup,” wene anggin ako menda ambi yukhera waguselok, enane hunggitek dugwit henendawi mondok wadokdek dogones o.

Pilipi 1:27

Andi halok, Sek Wene Keretus avok ako, wane-wane des erogoat ogarit lagu dogones. Andien, an yoma neyagek hit ogarit nelagwi naruk hulimi a, ata andoma henadoma ari warimindikmu ogagu hinisami a, hit Sek Wene avyarat umbutu lagagupik wogogup ako, hekbagetek henendawi ambiat akluk, wadokdek dugwit, ogarit lendagwi ako nilup arisogon.

Pilipi 1:8

At Keretus Yesus en henabwa imbita dugwit, endawi hunik okhinivisiga ako hak, an ogo hit ninim mondok nendawi hunik atma, “Ai, ninim avuk aklu ale,” henombasiga ako andi, Ala ilup aro.

Pilipi 2:16

At Keretus warup amor ari wagya andi vaga, “An vupuk lagya, an nova dambi-dambe oknitya hegek ogarit lagya, ogagya lagagis ako andi, enam warogo ogagya lagagibuk, segat ogagagis ai,” imbita dugwit, nadenggen hagiluk, wene niniluk okninivisiga wene ako, hit des erogo vagago dogones.

Pilipi 2:26

At akoen, “An aup idup oknetas naswemuni vage hunggarwikmu, nggarogo numbutusigik dogogwisen, biginisa laik ai?” yiluk, endawi anggin higya lagirik, at endak henadema lakba wandiga.

Kolose 4:12

Eke, at henaswe Epaveras inim hai wakbigigas. At Keretus Yesus ayeloman atma, hit henake samban ogagya dugwit, hit avyarat umbutugup ako mondok wadokdek vagago dugwit, henendawi hoda arovovok yiluk, samban ogasiga. Eke hiren, “Ala en nit ogarup ninimbitigi ako yi aro,” yiluk, avyarat umbutu dugwit, ogarit lagu hinisapwak yiluk, abwa edok erek dugwit henake samban ogasiga.

1 Tesalonika 3:13

Eke, Nenowa Yesus At aburi ake denek menda inim wagu dogomundik, hit weyak ogagetek mondok sek adigat ogagu hiniselok, Nenasin Ala ane anggin ambi henovaga bigigayogonbuk yiluk, henendawi wadokdek okbugugu dogopwak o.

2 Tesalonika 2:15

Anderogo atma, naswei o. Yi wene ndi wene nenane vaga yukhirugu lagagup inim, dirup warek vaga yukhirugu lagagup ako inim, henendawi wadokdek dugwit, wene andi, nggitik-nggetok erogo vagago dogones.

2 Timotius 2:1

Ai nabut Timotius wa. Keretus Yesus ninim hunik dugwit, habwa en anye okbagagya hegek, hendawi wadokdek dugwit ogarit lagya dogwen.

Iberani 10:23

Aren, “Anderogo bigigayogon o,” yiluk, avok yukneragagi ako, des erogo ogasiga atma, nit okbininaup wene nenape wenggelek agurik avakwa sigam erogo yugerelagwi ako, mondok nggitik-nggetok erogo vagago dogosogom.

Iberani 3:14

Nit endak wene, “Yi avyarat o,” yiluk, hobaluk wagagup ako, nggitik-nggetok erogo vagago ninigik, o hivis oklarup ako amor ari lagya halok, Keretus ninim hunik atma, At aswei-arupwi agurik.

Iberani 4:14

Ap Imam Inis Ombok Ala Abut Nenowa Yesus ako, mbogot vaga Ala adema inggya lagagirik, yogak nenake ogasiga atma, nit wene avyarat umbutu dugwit wagagup yagalagwi ako, mondok nggetok erogo vagago dogosogom.

2 Peterus 3:17

Anderogo halok, nowa-nasin nendawi hunik. An wene yukhirigi ako andi, hit mondok hinilup aro. Hinilup atma, it Ala wene sovalogo baluk enane ugun yagan nelagwi vaga nomalhinipu saoen, eke, hit wene avyarat umbutu lagagupik wogogup mondok wadokdek sek erogo vagago agipik ako, hekbaluk, it yagan nelagwi ako musek lagu hinisaoen, henendawi mondok suam watu dogones.