Pilipi 3:8 - ALA WENE HIVIS DIRUP WATUGWA

^8-9 Eke, ambi inim, an Nowa Inis Ombok Keretus Yesus nilup arup andi mondok iya atma, “Yi menda ndi menda ogagya lagagis ako ovok erogo enam warogo ogagya lagagis higi,” imbita lagagirik, Musa wene wane-wane ogagya lagagis ako vaga Ala en an woknavup andi degat haliga. Ata, Keretus avyarat ombasagwi vaga Ala en nit sek erogo wokninivisiga ako menda, “Vage wokhitirikmu, Keretus hendawi hunik heyaliga o,” yuknirupwak yiluk, Keretus hidigya lagagirik, an yi ogagek ndi ogagek ogagya lagagis ako ovok erogo, “Yi nombabuk-at higi,” yiluk, mbo hagagis.

Pilipi 3:8 Iomraidhean Croise

Lukas 1:43

An sa nombakluk nadema wagen? Hat an Nowa Inis Ombok isa aro.

Lukas 11:20

Anen Ala inggis anye vaga madis nggigilogo wibugu neyalok andi, Ala avema bigigaup vage henadema ari waga atma, yiluk, umbutu dogones.

Yohanes 14:20

O andi vaga An Nasin inim hunik, hit An ninim hunik, eke, An hit hinim hunik ako hinilup arugup.”

Yohanes 14:7

Hit avyarat An hinilup agipik halok, An Nasin ogo, hinilup-at agipik. Yogak yiat At eyave hinil hegep atma, At hinilup aro,” yiluk, yugeragagi.

Yohanes 16:3

It anderogo okhinivusogom ako, An Nasin niperen inunggut andi en okhinivusogom.

Yohanes 17:3

Iniluk mondok-mondok dogop adem andi, yerogo: Ambi andi, it avakwa en, Hat Ala avyarat hadik agindik handogon inilup agwi, eke, ambi andi, An Yesus Keretus Harenen lakbani wagagin ako An neyave inilup agwi, ogasagwi andi, iniluk mondok dogop adem andiat.

Yohanes 17:8

Hat wene yuknigigin ako ovok erogo yugirigya lagagimu, wogogwa. Wugu lagagwarik, An Hat werekma en avyarat wagagis inilup agagwa atma, Haren An lakbani wagagin ako it avyarat umbutugwa.”

Yohanes 20:13

Inugu lagagimu, it malaikat akoen Maria yugugu dugwit, “Hat hwa yi. Nano yiluk yup adigat yasiga?” Yugugu lagagwama, at Maria en, “Dek. It avakwa en an Nasin wolok lagao. Eke, At eyave ogo o nggoma belagao ako an ninggut atma, yup yasiga.”

Yohanes 20:28

Yugugu lagagimu, Tomas en At yugugu dugwit, “Ai! An Nasin Inis Ombok Ala Harat heyagi o.”

Lakbogogi Wene 20:24

Anderogo ovara, An neyave niluk dogop iya dek. Ata, Ala nenabwa en un onggodek okbininaliga menda Sek Wene yugirigya dogogiluk, Nowa Inis Ombok Yesus en yavup andok okbaninggigi ako, hekbagetek atok weralogo ogarup andi adigat iya ombasiga atma, ogarit landiga.”

Oroma 8:18

Yogak anggin-mbanggin nenovaga asiga andi, eke hivis siyabininggu hagup ako, iperen ndatak dek atma, wane-wane wal okhabuk ombasiga. Hivis siyabininggu hagup andi, mondok sek aro.

1 Korindus 2:2

An henanggelekma dugwit, yi wene ndi wene ugun yukheraup embetetek. Ata, Yesus Keretus ogagya lagagi wene yukhirigya dugwit, At yo winik vaga watugwa wene ako adigat nendawima wenggelek dugwit, yukhirigya dogosogon imbitigis.

1 Korindus 9:10

ata, nit nenake-at yiluk, yagagi a? Nit avakwa nenake-at yiluk, yagagi. At ap yavup ogasiga inim, at ap enggen enggenit landiga inim, iperen en, “Hivis nirat nunggu dogosogom o,” yiluk, enendawi wenggelek dugwit, ogasagwi andien, wene andi nit nenake-at yiluk, yagagi.

2 Korindus 4:4

It avakwa wema menda enasin Sile akoen, it Ala avyarat embetetek menda andi, enendawima o hup ovagak okbogogi. It enendawima o hup ovagak okbogogirikmu, irenen Sek Wene awiya okninivisiga ako yedok hegetek agarwik. At Ala elose wane-wane mondok siyalek Keretus wene ako, mondok dibagetek-at agarwik.

2 Korindus 4:6

At Ala en iri dugwit, “O hwiserekma awiya arupwak o,” yiluk, awiya ogagagi ako hak, Aren nit nenendawima awiya okninipigirikmu nit nenendawima andi, awiya-at agarik. Eke, Ala en anderogo ogagya dugwit, nit Keretus elose dibaluk, Ala mondok abinak siyalek agarik ako yedok hugu dogopwak yiluk, nenendawima awiya okninipigi.

Nggalatia 1:16

it avakwa weram Yakuri dek menda an Sek Wene yugeregek lagya dogogiluk, At Abut Yesus nadema sigam ari warup endawi sek nimbita lagagirik, nadema sigam ari wagagi. Nadema sigam agya lagagimu, “Yi nggarogo yiluk yuknigas?” it avakwa adik ambien wene mbilape yuknirupwak yiluk, enadema yugeralagatek.

Evesus 4:13

Andi okbininggigi ako, nit ovok erogo Ala Abut ovavut ako ninilup agu dogomundik, avyarat ombasagwi vaga nenendawi ambiat akluk, Keretus endawi mondok hoda sek adigat agarik ako hak, nit anderogoat nenendawi hoda okbininggu dogopwak yiluk, andok okbininggigi.

Pilipi 1:1

Hit Keretus Yesus hinim hunik Ala aburi ake denek o Pilipi agipik ako ovok erogo inim, Ala aburi vagenombogo agipik inim, ap yonggaragak inim, naburi wa. An Paulus Timotius niperenen Keretus Yesus ayeloman dugwit wene ambi yukherasogom.

Pilipi 3:10

At Keretus inim, eke, Keretus nenavoloma hambigya lagagimu, Ala anye vaga iluk erogo mondok okbagagi ako inim, “Dibetaik ai,” ombasiga. Eke, an hambuluk lendagwima en niluk erogo mondok okbanupwak yiluk, At Keretus endawi sagain hegek, anggin-mbanggin ovaga baluk, watu lagagwama, hambigya lagagirik iluk agagi ako hak, an ogo anderogo okbanup segat ombasiga.

Pilipi 3:12

An vage nendawi anderogo modo okbaninggya, eke, wene yagan wagi ako ovogat okbaninggya, ogagya higirikmu yiluk yukheraligadek. Ata, Keretus Yesus en okbanigiluk vaknitigi ako, “At andiat hedayogon o,” yiluk, an nelokwe amor-amor-at musek landiga.

Pilipi 3:7

Andi vaga an ambi sek okhedagiluk, okhidigya lagagis ovara, yogak Keretus eyave hidigya lagagirik, “Wene endak ako, enam warogo ogarit nagu lagagis higi,” yiluk, hekbagagis.

2 Timotius 4:6

Eke, an halok andi, Ala ake yiluk, narusogom andi mondok denogo baninggigi werekma, an hambup ako vage vanggalek agarik.

Iberani 3:14

Nit endak wene, “Yi avyarat o,” yiluk, hobaluk wagagup ako, nggitik-nggetok erogo vagago ninigik, o hivis oklarup ako amor ari lagya halok, Keretus ninim hunik atma, At aswei-arupwi agurik.

1 Peterus 2:7

Hit avyarat ombasagwi menda akoen, “Helep andi, nit nenake-at okbagagirikmu, mondok idi-at agarik,” yiluk, dibelagwi. Ovara, it avakwa enendawi avyarat ombasagwidek menda akoen, Ala wene ambi yi, it vaga atma asiga: “Hit o valisagwi menda akoen helep vaga vanggu dugwit, helep ambi mbobagagwa ako, mondok-mondok helep owak ndalaga o,” yiluk, dirup warek andiat agarik.

2 Peterus 1:2

Nenasin Ala o, Nenowa Inis Ombok Yesus Keretus o, iperen hit des erogo hinilup agipik atma, henabwa en okbugugwis, henendawi ugun seyalek adenggen dogovovok yiluk okhinipwis, evenuk erogo okbigigu dogopwak.

2 Peterus 1:3

At sek mondok siyalek agarik ako, ninim wane-wane dogoguluk, neneyanggup yukneragagi halok, nit akoen At eyave des erogo ninilup vaga, nit wen vaga yoma dugwit, At endawi ombasiga menda ako ogarit lagu dogoguluk, At anye okbininggigi.

2 Peterus 1:8

Ogagu dogop ako menda ovogat evenuk erogo ogarit lagu hiniselok, Nenowa Inis Ombok Yesus Keretus hinilup agipik ako, un enam warogo hinilup dogosogombuk, ata enggen sek menda ombok erogo yugu dogosogom.

2 Peterus 3:18

Nenasin Ala endawi hunik en okbininaliga ako hit henendawi hoda arovovok yiluk, ambi inim okbigigu, eke, At nenagap wendasiga menda Nenowa Inis Ombok Yesus Keretus eyave hinilup-at ovara, ambi inim hinilup arovovok yiluk, okbigigu, ogagya dogopwak o. Yogak en, mbikit, mondok dogogup hudi At eyave mondok siyalek-at dogopwak yiluk, an Peterus en ovogat yukheraliga o. Wa!

1 Yohanes 1:3

Nit Nenasin Ala Abut Yesus Keretus inim hunik agurik. Hunik werekma, hit ogo, ninim nenendawi ambiat hunik dogoguluk, ninil hugwi, nenaruk hunggwis, ogagagup akoat yukherelagwi.

1 Yohanes 2:19

It ap Keretus inim ogorek menda andi, endak ninim homagu lagagup ovara, “It andi, nit menda dek o,” yiluk, hekbininiluk wunggugwa. “It ap andi, nit menda aro,” yiluk ombatlipmu en, ninimat duklu ovara, Ala en, “It andi, ovok erogo hit menda dek, hunogo menda agarwik, yiluk, sigam arupwak,” yiluk, imbitigi vaga anderogo hekbininiluk wunggugwa.

1 Yohanes 5:20

At Ala Abut wambu wagya lagagirik, Ala mondok avyarat agarik ako nit dibapwak yiluk ninilup okbininggigi. Eke, At mondok avyarat agarik Ala, Abut Yesus Keretus iperen ninim nenendawi mondok hunigat agurik. At Yesus Keretus andi, At mondok avyarat agarik Ala ako Aratma, niniluk mondok dogop andok okbininiliga menda adem Araro.