Pilipi 3:6 - ALA WENE HIVIS DIRUP WATUGWA

⁶ Wene andi ako, nendawima en idi okhidigya dugwit, Ala aburi homarit nelagwi ako anggin-mbanggin ogarogo bisilin lagya lagagis. Sek okhedagiluk, Musa wene wane-wane ogasagwi ako, an ogo wane-wane-at ogagya lagagis atma, avakwa en enane novaga banenggetek-at welagagwa.

Pilipi 3:6 Iomraidhean Croise

Matius 23:25

“Hit Ala wene vagago agipik menda inim, ap Varisi menda inim, henagavoval ovagak yagalagwi menda yi, hit henagas owak sogolowak inim, henowalup inim, agap weram adigat hurisagwi ovara hegek, henendawi sogolowak ilim ovagak dugwit, avakwa enangge haurogo hedaup inim, ‘An nadigat woknirup,’ ombasagwi inim, henendawima ovok erogo mbin erek agipik atma, anggin henovaga arugup!

Matius 5:20

It ap Ala wene vagago welagagwa menda inim, it ap Varisi menda inim, Ala endawi ombasiga menda horogat ogasagwi andi, hit anderogo horogat ogagu hiniselok, At mbogot vaga menda avema bisaligama nunggusogombuk. Ata, it madugat ogagusigik, hit andi ombok erogo ogagu hiniselok andi, At mbogot vaga menda avema bisaligama andoma nunggup segat yukheraliga o,” yiluk, yugeragagi.

Lukas 1:6

Iperen Nenasin Ala en, “Yerogo ogarup, nderogo ogarup,” wene ako adik ogagetek mondok atma nggedok ogagu lagagwarikmu, Ala en it enendawi mondok sek inigu lagagi.

Lakbogogi Wene 21:20

Mbilinogo yugeragagi ako enaruk hunggu lagagwarik, Ala siyabagagwa. Siyabagu lagagwarik, it Ala aburi enasini ako Paulus yugugu dugwit, “Nenaswe, Paulus wai. It Yakuri menda yi ap ndi ap wisane Yesus avyarat umbutugwa ovara, it ovok Ala wene Musa dirup watigi ako enendawi andi adigat wenggelek dugwit, ogarit lagwi yi, inisaliga?

Lakbogogi Wene 22:5

An ogagya lagagis andi, at imam inis ombok winimen agarik ako inim, nenasini wene amburup mbalisagwi menda inim, inil neyagu lagagwa atma, iren yukherapwak. Eke, it akoen enaswei o Ndamasik agarwik ako inil hapwak yiluk, dirup warogo woknugu lagagwama, wolok, it ap Sup Iniluk Dogop Wene musek lendagwi ako heda magogo o Yerusalem yoma en anggin-mbanggin okbisauguluk, enamusek o Ndamasik lagagis,” yiluk, yugeragagi.

Lakbogogi Wene 26:5

Nit Yakuri wene wokbaluk ogasagwi menda andi, it nin enane anye vaga yagan nagu lagagwa Varisi menda ako, an ogo it ninim yagan nagu lagagis ako, o muk erogo inilup atma, vagalogo yukneraup embetao halok andi, yukherapwak.”

Lakbogogi Wene 8:3

Ayup yagusigik ovara, at Saulus en it Ala aburi ako ap inim akwa inim dek okbisilin lagya dugwit, o ambima nunggwigya, nggigilogo bisa wulu wagya, ambima nunggwigya, nggigilogo bisa wulu wagya, ogarit wogonombolok heda marogo lembaga mabiselagwima akoma bisa lagek ogagya lagagi.

Oroma 7:9

Endak andi, Musa wene ako, an ninggut dugwit, nendawi ugun seyalek nagu lagagis ovara, ogarup moga wene ako sigam agya lagagimu, weyak ogarup okneraliga adem ako nendawima wenggelagya lagagirik,

1 Korindus 10:32

An avakwa ovok erogo enadenggen ombarupwak yiluk, enake yi ogagek ndi ogagek ogagya dugwit, an sek dogwegen yiluk, okhedaligadek o. Ata, Ala en it wisane erogo enagap wendarupwak yiluk, an sek okbigik landiga. Anderogo wane-wane, hit ogo, it Yakuri menda inim, Yunani menda inim, Ala aburi yi awi ndi awi homasagwi ako ovogat sek okbigik lagu dugwit, weyak erogo bisaguven yiluk, dibaluk, okbigik lagu dogones.

1 Korindus 15:9

An o endak en Ala aburi homarit lagu lagagwa ako anggin-mbanggin oginivit lagya lagagis atma, “Lakbigik menda,” yuknugu duklipuk ovara, an ako, ap lakbigik menda denogo baninggigi o, avyak. An Ala aburi anggin-mbanggin oginivit lagya lagagirik, it lakbigik menda nin ako winimen inigik, an andi, iya erogo dekma, enavema agirik.

1 Timotius 1:13

An endak “Yesus andi Ala abut dek,” yiluk, wiyiknom-weyaknom erogo bagya, naninis en, At ane welagwi menda enarit lagya, wiyiknom-weyaknom erogo bugu, ogagya lagagis ovara, an Yesus ovaga vanggabaluk avyarat embetetek ugun ninggut dugwit, ogagya lagagimu, Ala aigwak aberen hekbaninggigi.