Pilipi 3:3 - ALA WENE HIVIS DIRUP WATUGWA

³ “Nit neneyave anderogo okbinunggugwa,” yiluk, nenendawi andi vaga vanggabaluk, agurikbuk. Ata, Ala Averiniki en nenendawima dugwit, Ala inis siyabagwi, Keretus Yesus ninim hunik dugwit wa yugugwis, ogasagwi ako andi, Ala aburi nenagamut mbalek ovagak nit aro.

Pilipi 3:3 Iomraidhean Croise

Oroma 1:9

An samban ogagya dugwit, heneyave ninggut asigadek ndugurek-ndagarek henake samban ogasiga andi, Ala ilup aro. An Sek Wene At Abut ogagagi avok ako yugeregek lagya dugwit, nendawi neyave ovok nggatuk erogo Ala wogokluk musek landiga.

Oroma 15:17

Anderogo atma, Keretus Yesus niperen hunik dugwit, Ala ake ogarit landiga atma, nendawi adenggen ombasiga.

Oroma 7:6

Ala en Musa wene yugogogi ako ogagu dogosogom yiluk, heda marek ovagak welagagup ovara, Keretus ninim hombagagup ako vaga visilogo bininggigirikmu, Ala ake ogagu dugwit, nit endak Musa wene dirup warek halok adigat ogagu lagagup ako andi, ogasagwidek. Ata, Ala Averiniki en nenendawi swi menda okbininggya hegek, Ala ake ogasagwi.

Oroma 8:15

Hit Ala Averiniki wagagup andi, ap ambi ayeloman asin avema alon ombasiga hak, hit endak henalon umbutu dugwit ogagu lagagup andi wane-wane wegetek. Ata, nit Ala aburi okbininapwak yiluk, Averiniki wagagup nenendawima dugwit, yuknirigya hegek, “Ala Nasin o. Ala Nasin o,” yiluk, yagalagwi.

Oroma 9:6

It avakwa Iserali menda endaklagagwa ako ovok erogo Iserali menda dek. “Iserali menda dek,” yukheraliga andi, “Ala en Averakam avok yugogogi ako, dek agagi o,” yiluk, an yukheraligadek.

2 Korindus 11:18

It avakwa wen vaga menda en siyabatugu dugwit, yagalagwi atma, an ogo wane-wane, siyabatigya dugwit, wene ambi yukherayogon.

Nggalatia 5:25

Nit Ala Averiniki en swi niniluk okbininggigirikmu, Arenen yuknirigya halok adigat ogarit lagu dogosogom.

Nggalatia 6:16

It wene nenendawi swi okbininaliga andi vaga avyarat umbutu dugwit, ogarit lendagwi menda ako, Ala en, “An naburi Iserali menda aro,” yiluk, aigwak aberen enendawi ugun seyalek adenggen dogopwak yiluk, okbugu dogosogon.

Evesus 6:18

Hit yi menda ndi menda ogagu dugwit, Ala en yonggat-hinavupwak yiluk, Averiniki en yukhirigya hegek, mbup yegetek Ala nggino yugugwis, samban ogagwi, ogagu dogones. Samban ogagu dugwit, henendawi alep mbabetaluk, hekbagatek ndugurek-ndagarek it Ala aburi ake denek ovok erogo enake samban ogagu dogones.

Pilipi 1:1

Hit Keretus Yesus hinim hunik Ala aburi ake denek o Pilipi agipik ako ovok erogo inim, Ala aburi vagenombogo agipik inim, ap yonggaragak inim, naburi wa. An Paulus Timotius niperenen Keretus Yesus ayeloman dugwit wene ambi yukherasogom.

Pilipi 3:12

An vage nendawi anderogo modo okbaninggya, eke, wene yagan wagi ako ovogat okbaninggya, ogagya higirikmu yiluk yukheraligadek. Ata, Keretus Yesus en okbanigiluk vaknitigi ako, “At andiat hedayogon o,” yiluk, an nelokwe amor-amor-at musek landiga.

Pilipi 3:14

Keretus Yesus ogagagi vaga At Ala niperen mbogot vaga dogogiluk, nayonggo baninggigi ako adigat nelokwe amor-amot okbaluk hupuk-at, amusek landiga o.

Kolose 2:11

Eke, At hinim hunik dugwit, henagamut mbalogo bogogogi ovagak agipik. Andi ogagagi ako andi, it avakwa en okbininggitek. Ata, avakwa enagamut mbalogo biselagwi hak, nenendawi endak menda en weyak ogarup okninivisiga adem ako, At Keretus en vage anyedek erogo sovalogo bagagi atma yiluk, yukheraliga.

Yudas 1:20

Anderogo ovara, naswei nendawi hunik hit andi, henendawi hoda arupwak yiluk, wene eve adik denek hit avyarat umbutugup wene ako adigat ogarit lagu dogones. Ala Averiniki henendawima dugwit samban ogagu dogones.