Pilipi 3:2 - ALA WENE HIVIS DIRUP WATUGWA

² It ap yangge do ovagak weyak adigat ogasagwi ako, henadoma wagu dugwit, “Henagamut mbales,” yiluk, yukhera wagu saoen, dibaluk henendawi suam watu dogones.

Pilipi 3:2 Iomraidhean Croise

Matius 24:10

O andi hudi ap wisane enanggon numbutu dugwit eve wene hekbugwis, ap ambien ap ambi warupwak yiluk, wogirigya, at ambien at ambi anggon imbita, ogarugup.

Matius 7:15

Yugirigya lagagirik, ambi inim yugirigya dugwit, “It ap Ala wene huluk molalogo yukherelagwi menda akoen henambukmu unggu saoen, dibagu dogones. It ap andi ndomba elose ovagak okhedelok henadema wendagwi ovara, enendawi andi, yangge do ovagak enaninis wisane agarwik.

Matius 7:6

“Yangge en dagaulogo aik hivithinupu haoen, Ala ake enek eyave sek menda ako wogerabuk. Eke, wam inisok vaga sovalogo balin lagu saoen, helep mudu elose sek onggo ombok menda mutiara ako wam enanggelekma mbo helabuk,” yiluk, yugeragagi.

Oroma 2:28

It avakwa enawerek Yakuri menda andi, sani? Eneyave endago un enagamut mbalek andi vaga adigat, “Yakuri menda aro,” yiluk, anderogo yubuk.

2 Korindus 11:13

It ap andien, “Nit Keretus en lakbinina waga,” yiluk, enane atokma en agil-amok yagan wagu dugwit huluk-huluk yugeregek nagwis, avakwa yovalek-sovalek oginipu dugwit enambukmu unggwi, ogarit lendagwi.

Nggalatia 5:13

Wa naswei. Hit ako andi, ugun heda visilek nagu dogovovok yiluk, Ala en heneyanggup yukheragagi atma, “An nanonggal heda visilogo baninggigirikmu, nendawi ninggya halok ugunat ogarit lagya dogosogon o,” yiluk, ogarubuk. Ata, nabwa-habwa umbutu dugwit, henaswei hinim yonggat-yonggat ogarit nagu dogones.

Nggalatia 5:15

Hit yaun hivit-hivit yugu dugwit henagamut mbalogombo nelagwi vaga heneyave degerogo betugu hinisaoen, dibagu dogones.

Nggalatia 5:6

Nit Keretus Yesus ninim hunik dugwit, nenagamut mbalek halok, mbalekdek halok, andi eyave dek atma. Ata, nenendawi avyarat umbutu dugwit avakwa enabwa en sek okbisilin nagu dogop ako andi iya aro.

Pilipi 3:19

It ap andien wen vaga menda adigat wenggenggwis, enagaum ake adigat okhedegek lagwi, enanggadi arup hegek nit iya atma yugwi, ogasagwi ako atok vaga it eneyave-at dek arusogom ovara,

Pilipi 3:3

“Nit neneyave anderogo okbinunggugwa,” yiluk, nenendawi andi vaga vanggabaluk, agurikbuk. Ata, Ala Averiniki en nenendawima dugwit, Ala inis siyabagwi, Keretus Yesus ninim hunik dugwit wa yugugwis, ogasagwi ako andi, Ala aburi nenagamut mbalek ovagak nit aro.

Titus 1:16

It ap huluk wene [‘Henagap wendarupwak yiluk, henagamut mbalup,’ eke, ‘Andi naup moga,’] mamulerelagwi menda andien yugu dugwit, “Ala ninilup,” yagalagwi ovara, it ogarit lendagwi vaga en, “Ala nenanggon,” umbutu dugwit, yagalagwi, yiluk, yedok iniselagwi. Ala wene hunggitek sovalogo baik lagu dugwit, sek ambi ogasagudek weyak adigat ogasagwima, alonedok werek iniselagwi.

2 Peterus 2:22

Avakwa en wakhegek yagalagwi menda mberen yi, it ap andi ndatak ogasagwi: “Yangge en bobo ukbaluk, andien hivis eyami vaga dagalogo naliga,” yiluk, yagalagwi ako, eke, ambi, “Wam nggamo sek erogo wakbelagwi ovara, andien, eyami vaga suguliluk iborokma-at huli wari nunggwisiga,” yiluk, yagalagwi ako inim, avyarat yagalagwi atma, it ako andi wane-wane-at ogarit nelagwi.

Wahyu 2:9

Hit An naburi o Simirana ogarit lendagwi ako, An nilup. Hit anggin-mbanggin henovaga agya dugwit, hininggidek asiga ovara, winimen menda vaga hininggis werek ovagak agipik ako An nilup. Eke, it Yakuri dek menda Sile ogasiga wane-wane ogaruguluk homarisagwi ako menda en, un hulugat, ‘Nit Yakuri menda aro,’ yiluk, An naburi o Simirana menda enane wiyiknom-weyaknom erogo bigigelagwi andi, nilup adigat agirik.

Wahyu 21:8

Eke, it Ala wene musek laup enalon ombasagwi inim, avyarat ombarup enanggon ombasagwi inim, weyak mbobo ugup hegek ugun ogarit lendagwi inim, avakwa enasagwi inim, avakwa ugun oginivisagwi inim, mum vaga inirisagwi inim, ovat vaga inirisagwi inim, huvuwak ininis siyabelagwi inim, enane huluk yagalagwi inim, it ovok erogo it dogopim vipuk erogo bagagirikmu hali abya wuluk-herek adigat ogasigama akoma mabisayogon. Ndugwis mberen hambup ako andi, ambi, un iniluk dukluk, hambisagwi, eke, ambi, hivis hali abyama mondok-mondok mabisayogon ako, andi aro,” yiluk, yuknugu higi.

Wahyu 22:15

It nunggusogom ovara, it yangge ovagak ogasagwi inim, avakwa mumisa inim, avakwa ugun-ugun ogarit lendagwi menda inim, ap enarisagwi menda inim, madis inis adup ogasagwi menda inim, eke, yi ap ndi ap huluk-huluk wene yup hogop umbutu dugwit, huluk-huluk yugeralagwi inim, it andi, o kota andoma nonggegetek leget weram dogosogom.

Wahyu 3:9

It ap Sile ogasiga wane-wane ogagu dogoguluk, homasagwi ako, it Yakuri menda dek hegek un huluk, ‘Nit Yakuri menda aro,’ yiluk, yagalagwi ako, An sovalogo bugu neyasogom. Iren, hit henadema ‘Ala avyarat endawi hunik okhinipu higyo,’ yiluk, hit An naburi o Viladelipia menda henavema seve yi warupwak yiluk, okbugu neyasogom.