Pilipi 3:12 - ALA WENE HIVIS DIRUP WATUGWA

¹² An vage nendawi anderogo modo okbaninggya, eke, wene yagan wagi ako ovogat okbaninggya, ogagya higirikmu yiluk yukheraligadek. Ata, Keretus Yesus en okbanigiluk vaknitigi ako, “At andiat hedayogon o,” yiluk, an nelokwe amor-amor-at musek landiga.

Pilipi 3:12 Iomraidhean Croise

Matius 5:48

Hit Henasin mbogot vaga menda mondok sek adigat agarik ako wane-wane, hit ogo sek anderogoat dogones,” yiluk, yugeragagi.

Lakbogogi Wene 9:15

Yugogogi ovara, Nenasin en at Ananias yugugu dugwit, “Elak! Ap andi it weram Yakuri dek menda inim, it enasini ap ombok ininis werek menda inim, it Iserali ovok erogo inim, An ninis inilup erogo yugirigya dogopwak yiluk, nayeloman denogo bagirikmu, yugirilak.

1 Korindus 13:10

Yogak anderogo ogasagwi ovara, hivis nit mondok sek okbininaup ako vanggo yi wagya halok andi, yogak nin agako higirek yedok helagwi ako, dek agya dugwit, ovogat ninilup arusogom.

1 Korindus 13:12

Nit yogak wukagak o hwiserekma, bikhugu dugwit, nenelose des erogo bikhelagudek ako wane-wane, Nenasin elose agur-agut adigat helagwi. Ovara, hivis At eyave ninim avuk agu dogogurik, nenelose heyak-heyak yugup. Yogak an nin agako higirek adigat nilup agirik ovara, Aren an ogasiga ovogat dibaniluk ilup agarik ako wane-wane, an hivis At ogasiga ako ovok dibaluk, nilup arisogon.

1 Korindus 9:24

It avakwa onggo hedaguluk, hudi atok vaga mondok vupuk lagu dugwit, eneyave ovok erogo vupuk lendagwi ovara, ambiat adigat hudi atok vaga ari lagya halok onggo hedaliga ako, hit hinunggut a? Anderogo atma, onggo hedavovok yiluk, hit ogo anderogoat mondok vupuk lagu dogones.

2 Korindus 13:9

Nit nenanyedek agya hegek, hit henanye vaga ogarit lagu hiniselok, andi segat, nenendawi adenggen ombasagwi. Hit mondok weyak ogagetek henendawi hoda okhinivupwak yiluk, henake samban ogasagwi.

2 Korindus 7:1

Anderogo atma, naswei nendawi hunik. Ala en wene nggatuk erogo yagagi yi ako, nit niniselok-at yukneragagirikmu, nenendawima en weyak ogarup adigat umbutwi, eyave-at ogagwi, ogasagwi ako ovok erogo hekbaluk, Ala nenalon umbutu dugwit, weyak ogagetek At ake denek sek adigat ogagu ninisapwak yiluk, ogagu dogosogom.

Nggalatia 5:17

Nenendawi endak menda en Ala Averiniki swi menda ako warisogon ombasiga, eke, Ala Averiniki akoen nenendawi endak menda ako warisogon ombasiga, iperen ndup ogorek-at agarwik atma, hit ogarup ombasagwi ako, ogarup meyanat hasogom.

Evesus 1:4

At Ala en, “Hivis Keretus en okbisayogon vaga An naburi wene ambi mondok enovaga yidilagetek nivaga mondok sek adik denek dogopwak o,” yiluk, o wen yi, ao dek hegek mikninipigi.

Evesus 4:12

Andi ogagagi ako, nit Ala eyavup des erogo ogarit lagu dugwit, nit neneyave vaga Keretus eyave mondok wigalarupwak yiluk, nit Ala aburi ovok erogo mondok dikduk okbininggigi.

Pilipi 1:1

Hit Keretus Yesus hinim hunik Ala aburi ake denek o Pilipi agipik ako ovok erogo inim, Ala aburi vagenombogo agipik inim, ap yonggaragak inim, naburi wa. An Paulus Timotius niperenen Keretus Yesus ayeloman dugwit wene ambi yukherasogom.

Pilipi 3:16

Ovara, nit yogak wene ako ndatak erogo ogasagwi halok andi, mondok anderogoat ogarit lagu dogosogom.

Pilipi 3:3

“Nit neneyave anderogo okbinunggugwa,” yiluk, nenendawi andi vaga vanggabaluk, agurikbuk. Ata, Ala Averiniki en nenendawima dugwit, Ala inis siyabagwi, Keretus Yesus ninim hunik dugwit wa yugugwis, ogasagwi ako andi, Ala aburi nenagamut mbalek ovagak nit aro.

Pilipi 3:8

Eke, ambi inim, an Nowa Inis Ombok Keretus Yesus nilup arup andi mondok iya atma, “Yi menda ndi menda ogagya lagagis ako ovok erogo enam warogo ogagya lagagis higi,” imbita lagagirik, Musa wene wane-wane ogagya lagagis ako vaga Ala en an woknavup andi degat haliga. Ata, Keretus avyarat ombasagwi vaga Ala en nit sek erogo wokninivisiga ako menda, “Vage wokhitirikmu, Keretus hendawi hunik heyaliga o,” yuknirupwak yiluk, Keretus hidigya lagagirik, an yi ogagek ndi ogagek ogagya lagagis ako ovok erogo, “Yi nombabuk-at higi,” yiluk, mbo hagagis.

1 Tesalonika 5:15

Weyak onggo-onggo ogagu hinisaoen, dibatugu dogones. Hikit inim, it avakwa ovok erogo inim, sek adigat ogagu dogopwak yiluk, dibatugu dogones.

2 Tesalonika 2:13

Ai nowa-nasin wa. Hit Ala henabwa ombasiga ako vaga Ala wa yugurup adigat okninivisiga. Ala en, henagap wendarigiluk, hit endak erogo mikhinipigi. Mikhinipigirikmu, Averiniki en hit henendawi weyak horogo bigigu, avyarat wene Yesus avok avyarat umbutwi, ogasagwi ako vaga henagap wendarisiga. Anderogo atma, hit vaga “Ala wa,” hunik-hunik yugisagwi.

1 Timotius 5:10

“Hwa andi sek ogasiga menda,” yuguselok, eyagi des erogo sawe oginipu halok, ap huru enagania isagya halok, it Ala aburi avyarat ombasagwi menda enayeloman ovagak oginipu halok, it avakwa anggin enovaga agya yonggar-inipu halok, eke, yi yavup ndi yavup sek okbisaup ovok erogo “An neyavup-at,” yiluk, ogasiga halok, ininis dirup warup sek ovara,

1 Timotius 6:19

Andi ogaguselok, heveret o eyave valuguluk, yogak o owak wadokdek wombalisagwi ako andi ndatak, it hivis iniluk mondok segedok menda hidugu dogop enendawi anggin dek, “Okbininayogon,” ombakluk, enangge eyave hunhedaguluk, enayoparip wonggalhedelagwi hak, yogak sek adigat ogarit lagu dogopwak yiluk, yugirigya dogwen.

Iberani 12:14

Weyak nenendawima werek hegek, Nenasin Inis Ombok ninil haup mondok meyan atma, yi ap ndi ap ovok erogo hinim ugun dambulik dugwit, weyak ogagetek Ala ake enek sek adigat dogovovok yiluk, henanye erogo okhidugu dogones.

Iberani 12:23

it Ala aburi manggum menda ininis mbogot vaga dirup warek eneyave wonggalek inim, nit avakwa ovok nenawene amburup mbabaluk nenowak dilisiga Ala ako inim, it avakwa enendawi eve sek adigat dugwit, hombagagwa mondok sek erogo bogogi enanggela inim,

Iberani 13:21

Anderogo atma, At Ala ogarup ombasiga ako, hit mondok wane-wane ogagu dogovovok yiluk, yi menda ndi menda eyave menda halok adigat des erogo okbigigu, eke, Yesus Keretus ogagagi vaga nit nenovavut amot arup endawi sek ombasiga ako okninipu, ogagya dogosogon atma, At inis mondok-mondok siyabagu dogosogom o. Amin!

Yakobus 3:2

Nit ovok erogo yi weyak ndi weyak ogasagwi menda aro. Nit mondok sek adigat duklurik en, nit nenane yagalagwi atok vaga weyak agya duklipuk. Nit nenane yagalagwi atok vaga weyak agya duklipuk en, neneyave nininggis-ninisok vaga weyak ogarup okninivisiga ako ovok erogo sovalogo bagu duklu.

1 Peterus 5:10

At endawi hunik en okbininaliga adem andok Nenasin Ala akoen, Keretus ninim hunik agurik vaga, At winimen siyalek agarik ako ninim wane-wane mondok-mondok winimen siyalek-at dogoguluk, nenayonggo bagagi. Eke, hit sidogat yagan watu hiniselok, Nenasin Ala en henovavut ap-at okbigigu, henendawi modo okhinipu, henanye erogo bigigu, henendawi wadokdek dogovovok yiluk okbigigu, ogagya dogosogon.

2 Peterus 3:18

Nenasin Ala endawi hunik en okbininaliga ako hit henendawi hoda arovovok yiluk, ambi inim okbigigu, eke, At nenagap wendasiga menda Nenowa Inis Ombok Yesus Keretus eyave hinilup-at ovara, ambi inim hinilup arovovok yiluk, okbigigu, ogagya dogopwak o. Yogak en, mbikit, mondok dogogup hudi At eyave mondok siyalek-at dogopwak yiluk, an Peterus en ovogat yukheraliga o. Wa!