Pilipi 3:10 - ALA WENE HIVIS DIRUP WATUGWA

^10-11 At Keretus inim, eke, Keretus nenavoloma hambigya lagagimu, Ala anye vaga iluk erogo mondok okbagagi ako inim, “Dibetaik ai,” ombasiga. Eke, an hambuluk lendagwima en niluk erogo mondok okbanupwak yiluk, At Keretus endawi sagain hegek, anggin-mbanggin ovaga baluk, watu lagagwama, hambigya lagagirik iluk agagi ako hak, an ogo anderogo okbanup segat ombasiga.

Pilipi 3:10 Iomraidhean Croise

Matius 20:23

Yugugu lagagwama, Yesus en, “An nagas nudik hit naup segat ovara, neyave venak-venak bigigaup andi, Anen okbigigayogonbuk. An neyave venak-venak horakbisaup ako, Nasin en o muk erogo enogo bogogi ako adigat Aren okbisayogon o.”

Yohanes 10:18

An narup andi, it avakwa en umbutu dugwit narup meyan. An nendawi ombakluk enat hambisogon. An hambisogon imbita neyalok andi, hambigya, eke, niluk arisogon imbita neyalok andi, niluk agya, ogagya dogogiluk, Nasin en andok okbaninggigi, yiluk, mondok avyarat yukheraliga o,” yugeragagi.

Yohanes 17:3

Iniluk mondok-mondok dogop adem andi, yerogo: Ambi andi, it avakwa en, Hat Ala avyarat hadik agindik handogon inilup agwi, eke, ambi andi, An Yesus Keretus Harenen lakbani wagagin ako An neyave inilup agwi, ogasagwi andi, iniluk mondok dogop adem andiat.

Oroma 8:17

Eke, nit At aburi halok, Ala en mavorangge At aburi wogeraup imbitigi ako nirat hedaup atma, Keretus ninim wane-wane-at hidugu dogosogom. Andi, At Keretus anggin-mbanggin ovaga bagusigik wigya lagagi ako wane-wane, nit ogo wane-wane wugu niniselok, At siyabagagi ako wane-wane, nit ogo anderogoat siyabininayogon.

Oroma 8:29

Nit ao endak lagatek ninigik, Ala en nit At Abut ovavut wane-wane aruguluk, mikninipu lagagirik, denogo bininggigi. Andi vaga, At Abut manggum Yesus ako, nit At aori wisane ninim dogoguluk, mikninipigi.

Oroma 8:36

Wene andi ndatak, Ala wene endak dirup warek ako vaga ambi iri dugwit: “Nit Hat haburi agagup vaga, o hutun en o hup ari lagyama, nenaruguluk ogagusigik agurik. Ndomba waruguluk wolok lendagwi hak, ‘Anderogoat ogonivusogom,’ nenombasagwi o,” yiluk, dirup warek ako wane-wane okninivit wendagwi.

2 Korindus 1:10

Andi vaga en mondok hambup-at welagagup ovara, nenagap wendatigirikmu, hivis ogo nenagap wendarisogon aro. Eke, yogak okbininaliga yi vaga Arenen nenagap wendarit lagya dogosogon yiluk, nit nenendawi At ovaga vanggabaluk agurik.

2 Korindus 1:5

Keretus anggin-mbanggin erogo bagu lagagwa ako wane-wane, yogak nit ogo anggin iya erogo nenovaga bininggusigik ovara, Keretus ninim hunik atma, nenabwa ombok erogo ninimbita dugwit, nenendawi aik wakbininaliga.

2 Korindus 13:4

At ap nit wane-wane eyave anyedek atma yiluk, avyarat yo winik vaga warogo bagagwa ovara, Ala anye vaga mondok okbagya lagagimu, iluk agarik. Anderogo wane-wane, nit ogo At inim hunik dugwit, nenanyedek ovara, Keretus ninim hunik niniluk dugwit, henanggelekma Ala anye vaga ogarit lagu ninisagup.

Nggalatia 2:20

Eke, yogak an niluk agirik yi, an nanye vaga niluk agirikbuk. Ata, Keretus nendawima mondok iluk agarik. Eke yogak an neyave yi vaga ogarit lagya neyagek, At Ala Abut nabwa imbita lagagirik, nake hombagagi atma, an avyarat imbita dugwit, nendawi At ovaga vanggabaluk, ogarit landiga.

Nggalatia 6:17

An Yesus wene yugeregek lagya neyagek okbanunggugwa ako vaga omap wisane novaga hunik agirik atma, it avakwa en ambi inim anggin-mbanggin novaga banubuk.

Evesus 4:13

Andi okbininggigi ako, nit ovok erogo Ala Abut ovavut ako ninilup agu dogomundik, avyarat ombasagwi vaga nenendawi ambiat akluk, Keretus endawi mondok hoda sek adigat agarik ako hak, nit anderogoat nenendawi hoda okbininggu dogopwak yiluk, andok okbininggigi.

Pilipi 3:8

Eke, ambi inim, an Nowa Inis Ombok Keretus Yesus nilup arup andi mondok iya atma, “Yi menda ndi menda ogagya lagagis ako ovok erogo enam warogo ogagya lagagis higi,” imbita lagagirik, Musa wene wane-wane ogagya lagagis ako vaga Ala en an woknavup andi degat haliga. Ata, Keretus avyarat ombasagwi vaga Ala en nit sek erogo wokninivisiga ako menda, “Vage wokhitirikmu, Keretus hendawi hunik heyaliga o,” yuknirupwak yiluk, Keretus hidigya lagagirik, an yi ogagek ndi ogagek ogagya lagagis ako ovok erogo, “Yi nombabuk-at higi,” yiluk, mbo hagagis.

Kolose 1:24

An idup-mbidup okbanilagwi ako andi, “Hit henake-at okbanilagwi,” imbita dugwit, nendawi adenggen adigat agirik. Eke, “Ala aburi yi awi ndi awi homasagwi ako dambup erogo andi, Keretus eyave atma, enendawi wadokdek dogopwak yiluk, Keretus watusigik, wakhedagagi ako, nin hegetek menda avoloma an neyave hit henake idup-mbidup okbanup segat,” imbita dugwit, nendawi adenggen ombasiga.

Kolose 2:13

Hit henendawi endak menda en weyak ogarup okhinivisiga adem ako, ao anyedek erogo bagetek hegek, yi weyak ndi weyak ogarit lagu lagagup vaga nggorak ovagak welagagup ovara, Ala en hit weyak ogagu lagep menda ovok degerogo bigigu dugwit, Keretus hinim hiniluk erogo mendok okbigigi.

Kolose 3:1

Keretus iluk erogo mendok okbagya dugwit, hit hinimat hiniluk erogo mendok okbogogogi atma, Keretus Ala inggis amotkan horaik agarikmu mbogot vaga andoma, ogasagwi menda wene ako adigat henendawi vanggabaluk, henape wenggenggu dogones.

1 Peterus 1:3

At Nenowa Inis Ombok Yesus Keretus Asin Ala inis siyabagu dogosogom o! At Ala aigwak aberen sek okbininggu dugwit, At Yesus Keretus hambuluk lendagwima en iluk erogo mondok okbagagi ako vaga, nit nenendawi swi endakninipigi. Nenendawi swi endakninipigirikmu, nenape wenggelek dugwit, “Nenake enogo mavorangge ovagak vidis agya, isip bagya, dek agya, ogasigadek mondok mbogot vaga vaknenombogo agarik ako hedalasogom atma,” mondok nenape wenggelek-at agurik.

2 Peterus 1:13

At Nenowa Inis Ombok Yesus Keretus en an nagamut eravo valek ovagak yi, vage nggolalogo baluk, laup sigam yuknigas ako wane-wane, nagamut nggolalogo baup ako vage horok yi nilup atma, an nagamut nggolanggitek ao niluk wedek iri dugwit, yi wene ndi wene yukheraliga ako hit hinilup dogovovok yiluk, an yukhirigya dogop andi, segat ombasiga o.

1 Yohanes 2:3

Ala en, “Yerogo ogarup, nderogo ogarup,” wene yukneragagi ako wane-wane ogasagwi vaga, “It ap yi, avyarat Ala inilup inugup o,” yiluk, yagalagwi.

1 Yohanes 2:5

Eke, ap ambien Ala wene ako wane-wane ogagya halok andi, ap andi mondok avyarat Ala endawi hunik wisane ogasiga. “Nit Ala ninim hunik agurik o,” yugu dugwit, At Yesus Ala wene ako wane-wane ogagagi hak, nit ogo, Ala wene wane-wane ogasagwi andi vaga, Ala ninim avyarat hunik agurik ninilup asiga.

Wahyu 1:18

Niluk Nitok Agirik andi An aro. Yokneyan! An endak hombagagis ovara, yogak andi, niluk mondok-mondok agirik. Hambisagwi inim, Hambuluk Lendagwima inim, adem mberen andi An nadigat vagago dugwit, sup hurisagwi hunsi vagago agirik o.”