Pilipi 2:9 - ALA WENE HIVIS DIRUP WATUGWA

⁹ Anderogoat ogagya lagagimu, At Ala en mondok winimen-at ilik bagagi. Yi avakwa ndi avakwa ovok erogo ininis sovalek inigik, At adigat inis werek dogopwak yiluk, mondok siyalek agarik atma,

Pilipi 2:9 Iomraidhean Croise

Matius 11:27

Yugugu lagagirik, ambi inim avakwa yugirigya dugwit, “An Nasin en yi menda ndi menda ovok erogo An nandok dogopwak yiluk, woknogogi. At Ala Abut andi, it avakwa inunggut Nasin adigat ilup agarik. Eke, An Nasin andi, At Abut An nadigat nilup agirik. Eke, Abut Anen it avakwa Nasin inilup arupwak yiluk, sigam vagalogo yugeraup imbita neyalok, it ogo, inilup asagwi.”

Matius 28:18

Enendawi anderogo umbutusim, Yesus ako enadema ari wagya lagagirik, yugirigya dugwit, “Ala en mbogot vaga inim, wen vaga inim, An nandok dogogiluk, awene ovogat yuknogogi atma,

Lukas 10:22

Yugugu lagagirik, “An Nasin en yi menda ndi menda ovok erogo An nandok dogopwak yiluk, woknogogi. Ala Abut andi sa? It avakwa inunggut Nasin adigat ilup agarik. Eke, Nasin andi sa? Andi, At Abut An nadigat nilup agirik. Eke, Abut Anen it avakwa Nasin inilup arupwak yiluk, vagalogo yugeraup imbita neyalok, it ogo, inilup asagwi,” yiluk, yugeragagi.

Yohanes 13:3

At Yesus ako Asin en yi menda ndi menda ovok erogo vagago dogopwak yiluk, wogogogi ako ilup welagagi. Eke, Ala werekma en wagagi eyami vaga Ala adema laup ako inim, ilup welagagi.

Yohanes 17:11

An o wen vaga yoma ambi inim dogosogonbuk. Yogak An hadema wandiga ovara, it haburi yi andi, o yoma-at dogosogom. Ai, Nasin! Hat mondok sek adik denek agindik. Hat ninim nenendawi ambiat agurik. Anderogo wane-wane, it Haren woknigigin ako enendawi ambiat dogopwak yiluk, Hat malenombogo dogwen. Hat hinis ombok dugwit, hanye vaga okbaninggigin ako vaga haburi yi, malenombogo dogwen.

Yohanes 17:12

It woknigigin ako An ninim dugwit, Hat hanye okbaninggigin ako vaga malenombogo lagi. Malenombogo neyagek, ambi yelemele yegetek ovara, at ambi yelemele yup yiluk endaklagagi ako andi, Ala wene dirup warek ako atma des yupwak yiluk, yelemele yagas.”

Yohanes 17:5

Anderogo atma, Nasin! O wen ao ogagetek heyagek, Hat niperen dugwit, siyalek welagagis ako wane-wane yogak Hat agindikmu andoma siyabanin.”

Lakbogogi Wene 5:31

Mondok okbagya lagagirik, nit Nenowa Inis Ombok, nit nenagap wendarisiga menda ako, At Ala inggis amotkan dogopwak yiluk siyabagagi. Nit avakwa Iserali menda weyak ogasagwi ako, nenasam helok weyak ako mbobagu dogomundik, Yesus ambetaga lagu niniselok, nenomaduk degerogo bininapwak yiluk siyabagagi o.

Evesus 1:10

At Ala en, “An ogarup imbitigis ako, andi vaga atma des yisogon o,” yiluk, imbitigi ako andi, mbogot vaga menda inim, wen vaga menda inim, yi menda ndi menda ovok erogo Keretus avema bugu dogomindik, At eyave mondok winimen siyalek dogop imbitigi ako, andi aro.

Kolose 1:18

Ala aburi yi awi ndi awi homarisagwi ako, dambup erogo Keretus eyave ovagak niratma, ninunggul hak andi, Arat. Eke, yi ogasagwi ndi ogasagwi adem andok ako andi, At Adigatma, yi menda ndi menda ovok erogo wenamen sovalek hegek, At adigat winimen siyalek dogopwak yiluk, hambuluk lendagwima en endak Arat iluk erogo mendok okbagagi.

2 Tesalonika 1:12

Nenasin Ala At Nenowa Yesus Keretus iperen henabwa en okbigigusigik, hit anderogoat ogarit lagu dugwit, At inis siyabagwi, Aren hit ogo wogobigigu, ogagu dogosogom o.

Iberani 1:4

Anderogo atma, At Ala en, “Nabut o,” inis yugugu lagagi ako andi, malaikat ambi yugeregetekma, it malaikat menda sovalek ovagak inigik, At Abut mondok winimen siyalek aro.

Iberani 1:9

It sek ogaguselok andi, hendawi hunik oginipu, eke, weyak ogaguselok andi, hanggon adigat inimbita, ogasiga menda atma, At Ala andi, Hat Hasin Ala atma, endawi adenggen himbita dugwit, amburup hovaga ndilogo bagagagi vaga haswei wenamen sovalek inigik, enandugunmu winimen siyabagagagi o,” yiluk, yugogogi.

Iberani 12:2

Eke, endak nit avyarat umbutu dugwit Ala wene waguluk nenendawi vipuk erogo bininggu, eke, avyarat umbutu niniselok, nenendawi mondok hoda erogo bininggu, ogasiga andi, Yesus atma, At adigat ninil vurek dugwit amusek nagu dogosogom. Avakwa enanggadi erogo yo winik vaga inirisagwi ako, At Yesus en, “An anderogo nanggadi erogo narup nanggon,” imbitigibuk. Ata, “Hivis nadenggen ombok hayogon atma, yogak un sidok anderogo okbanup sek aro,” yiluk, endawi wadokdek dugwit, yo winik vaga hambigya lagagirik, iluk akluk, Ala wene yugeraligama akoma Ala inggis amotkan hora yi inggya lagagirik, agarik.

Iberani 2:9

At Yesus andi, winimen siyalek mondok agayuk werek agarik helagwi. At Ala nenabwa en okbininaliga atma, malaikat siyalek inigik, Abut en nenadigetap nenavoloma hambupwak yiluk, sidok ndugwis ambiat sovabagya lagagimu, wen vaga wambu wagya lagagirik, nenavoloma hambigya dugwit, idup-mbidup hegek wogogi andi vaga, Ala en At Abut anderogoat agayuk wurogo siyabagagirikmu agarik.

1 Peterus 3:22

At eyave iluk akluk, mbogot vaga inggya lagagirik, Ala inggis amotkan horaik dugwit, it malaikat inim, it enanye werek o ilim yenam agarwik inim, yi madis ndi madis inim, At avema sovabigigirikmu agarwik.

2 Peterus 1:17

Nit Keretus ninim ndom alonedok erek akovaga unggu lagagurik, werekma, At mondok siyalek abinak werek Nenasin Ala akoen Nenowa Yesus Keretus agayuk wurogo siyabagagi. Siyabagya dugwit, “An Nabut nendawi hunik nadenggen okbaniliga ako yi aro,” yiluk, mbogot vaga en ane iris ako nirat nenaruk hunggu lagagurik, yukheragagup.

3 Yohanes 1:7

It ap andi, Keretus wene yugeregek laguluk, nagu dugwit, “It ap avyarat ombasagwidek menda enangge waup nenanggon o,” yiluk, yagarwikmu, hat yonggar-inipu dogop andi, segat yiluk, yukhisiga, naswe.

Wahyu 11:15

Yuknugu halok, nil werekma, malaikat 6 akoen ane ombok ogasiga trompet ako ane ogagu lagaoma, ambi akoen trompet ako ane ogaga. Ogagya lagama, it mbogot vaga andoma en enane ombok yugu dugwit, “O wema andoma avakwa ovok erogo pemerintah enavema agarwik ako, At Nenasin Inis Ombok Ala inim, Arenen denogo mondok okbagagi Keretus inim, iperen enane hunggu dogoguluk, enavema ari wagao. Ari waguselok, Keretus akoen Enowa Inis Ombok dugwit, mondok-mondok wene yugirigya dogosogon o,” yiluk, yugu sigis.

Wahyu 19:16

Eke, At inis salek ambi yerogo: Avakwa enasini ininis ombok inim, ininis werek inim, Ovok Erogo Enasin Inis Ombok Aratma, yiluk, At inis andi, arogwesum vaga inim, aganyenggen vaga inim, dirup warek higi.

Wahyu 3:21

Eke, An Nasin yuknogogi ako hekbagetek atok weralogo baluk, At wene yugeraligama niperen horaik agurik. Anderogo wane-wane, it sanien An nane mbobagetek mondok enendawi wadokdek vagago dugwit, des erogo musek laguselok, it ogo An nane yugeraligama ninim horaik dogoguluk, ‘Nadema omanes,’ yiluk, yugerayogon.

Wahyu 5:12

“Ndomba Eyak watugwa ako, yi avakwa ndi avakwa avema seve yi nunggugwi, ‘At inggis mondok werek, yi wene ndi wene ovok ilup, At adik mondok anye aro,’ yiluk, agayuk wutwis, inis siyabagwi, hai watwis, ogagu dogop sek aro,” yiluk, ndawi watao.