Pilipi 2:8 - ALA WENE HIVIS DIRUP WATUGWA

⁸ Endaklagya lagagirik, nit avakwa ovagak nagu dugwit, yo winik vaga andi, hambup dek hegek ovara, endawi sovabetaluk, “Hambup sek aro,” yiluk, Asin endawi imbitigi wane-wane, hombagagi.

Pilipi 2:8 Iomraidhean Croise

Matius 17:2

inivaga At eyave adik hunogo agya dugwit, elese amumulip mo abya ovagak ogagya, asum o awiya ovagak mudu-mudu adigat agya, ogagya hegek,

Matius 26:39

Yugirigya lagagirik, lirup erogo lagya lagagirik, elese samup erogo wen vaga nggik yiluk, Ala yugugu dugwit, “Ai, Nasin. An idup-mbidup okneraup yi, dek okbaup sek imbita heyalok, dek okbain. Eke, dek halok, An ogarup ombasiga andi asugen. Hat ogarup embeten akoat ogarisogon o,” yiluk, samban ogagagi.

Matius 26:42

Yugugu lagagirik, hekbisiluk elap ambi inim lagya lagagirik, Ala yugugu dugwit, “Ai, Nasin. An idup-mbidup okneraup yi, dek okbaup meyan halok, hat henendawi ombasiga ndatak-at ogarisogon o,” yiluk, samban ogagagi.

Lukas 9:29

Unggu lagagwarik, Yesus samban ogagyama, At elese adik agya lagagirik, asum mudu amumulip digavok ovagak ogagya hegek,

Yohanes 10:18

An narup andi, it avakwa en umbutu dugwit narup meyan. An nendawi ombakluk enat hambisogon. An hambisogon imbita neyalok andi, hambigya, eke, niluk arisogon imbita neyalok andi, niluk agya, ogagya dogogiluk, Nasin en andok okbaninggigi, yiluk, mondok avyarat yukheraliga o,” yugeragagi.

Yohanes 14:31

It o wen vaga yoma agarwik akoen An Nasin nendawi hunik agirik inilup arupwak yiluk, An Nasin en, ‘Yerogo ogarup, nderogo ogarup,’ yuknisiga ako wane-wane-at ogasiga.” Yugirigya lagagirik, “O yoma hekbaluk, lasogom o,” yiluk, yugeragagi.

Yohanes 15:10

Nasin en, ‘Yerogo ogarup, nderogo ogarup,’ yuknogogi ako An ogagya lagagis vaga endawi hunik okneraliga ako hak, Anen, ‘Yerogo ogarup, nderogo ogarup,’ yukheraliga ako ogagu hiniselok, nendawi hunik okhinivisogon atma, ninim hunigat dogosogom.”

Yohanes 4:34

Yugu lagagwama, At Yesus en, “At lakbani wagagi en, An ogarup ombasiga ako, An ogagya dugwit, atok weralogo ogarup ako andi, An nagarom aro.

Oroma 5:19

Ap ambien Ala yugogogi wane-wane ogagetek weyak ogagagi vaga nit avakwa ovok weyak ogagu lagagup ako hak, yogak ogo, anderogoat ap adik ambien Ala ane des erogo ogagagi vaga nit avakwa ovok erogo sek ninimbita dugwit wokninivigiluk ogagya helagwi.

2 Korindus 8:9

Nenowa Inis Ombok Yesus Keretus en henabwa imbita dugwit, okhinipigi ako hinilup aro. At o sekma siyalek welagagi ovara, nit ogo inimat o sekma siyalek-at dogoguluk, At o wen vaga yoma sovabeta wambu wagagi.

Nggalatia 3:13

Eke, Ala wene dirup warek vaga en iri dugwit, “Ap ambi warogo eyave yo vaga sivinogo baguselok andi, Ala en vudilogo baliga o,” yiluk, yagagi dirup warek agarik. Dirup warek andi wane-wane, Musa wene hobalek hegek adik ogagu lagagup andi vaga, nit ogo vudilek nenovaga welagagup ovara, dek arupwak yiluk, Keretus nenavoloma vudilogo bagya lagagimu, yo winik vaga sivinogo bagagwa andi vaga, nenonggo mbabaluk, visilogo bininggigirikmu agurik o.

Titus 2:14

Nit yi weyak ndi weyak ogasagwi ako ogagu dogoguven yiluk, At Yesus ako nit avyarat ombasagwi menda nenonggo mbalogo heda visibininagiluk, At eyave wogeragagi. Eke, “An naburi nake denek dugwit, sek ogarup enendawi sek vaga ogarit lagu dogopwak,” ombakluk, nenomaduk horogo bininigiluk, nit nenake At eyave wogeragagi.

Iberani 12:2

Eke, endak nit avyarat umbutu dugwit Ala wene waguluk nenendawi vipuk erogo bininggu, eke, avyarat umbutu niniselok, nenendawi mondok hoda erogo bininggu, ogasiga andi, Yesus atma, At adigat ninil vurek dugwit amusek nagu dogosogom. Avakwa enanggadi erogo yo winik vaga inirisagwi ako, At Yesus en, “An anderogo nanggadi erogo narup nanggon,” imbitigibuk. Ata, “Hivis nadenggen ombok hayogon atma, yogak un sidok anderogo okbanup sek aro,” yiluk, endawi wadokdek dugwit, yo winik vaga hambigya lagagirik, iluk akluk, Ala wene yugeraligama akoma Ala inggis amotkan hora yi inggya lagagirik, agarik.

Iberani 12:4

Hit andi, weyak ogarup okhinipu hegek, henanggon en ndup henanye erogo ogagu dugwit, hit henamuya ao winggitek-at agipik.

1 Peterus 2:24

Nit endak weyak ogagu lagagup ako, yogak ambi inim ogagetek dugwit, sek adigat ogarit lagu dogoguluk, At eyave yo winik vaga hambigya dugwit, nit weyak ogasagwi menda ako ovok erogo wogogi. Eke, At agamut libik-ndendok erogo watugwa ako vaga nit sek okbininggigi.

1 Peterus 3:18

Nit weyak ogasagwi ako ovok erogo dek okbayogon yiluk, At Keretus ndugwis ambiat hombagagi. At weyak ogasigadek sek adigat ogasiga akoen, nit sek ogasagwidek weyak adigat ogasagwi ako, Ala avema bigigayogon yiluk At eyave ap-at agya lagagirik, warogo bagagwa nit nenake-at hombagagi ovara, Ala Averiniki en iluk erogo mondok okbagagi.