Pilipi 2:7 - ALA WENE HIVIS DIRUP WATUGWA

⁷ Ata, At endawi enat sovabatigya lagagirik, “Avakwa enayeloman ovagak okhedayogon o,” yiluk, nit avakwa ovagak endaklagagi.

Pilipi 2:7 Iomraidhean Croise

Matius 12:18

“Anen enogo betagagis nayeloman nendawi hunik nadenggen okneraliga yi, hinil yokhanes. An Naberiniki At ovaga bagya neyalok, Aren An atma nggedok sek adigat enowak dilisiga ako, yi avakwa ndi avakwa yugeregek lagya dogosogon.

Markus 9:12

Aigwakma wugu lagagwama, Yesus en yugirigya dugwit, “navi Elia endak warisogon yagalagwi andi, yi ogagwi ndi ogagwi nggeraligiluk warisogon ovara, An Ap-At Endaklagagis ako neyave anggin-mbanggin ogarogo banunggwi, wiyiknom-weyaknom erogo banunggwi, okbanup dirup warek ako andi, nggarogo yiluk watugwa embetep?”

Lukas 22:27

Sa andi eve iya erogo agarik ombasagwi? At erom naliga andi, iya a, ata at naliga ako ake yi welagek ndi welagek ogasiga andi iya a? Dek. At naliga menda ako iya agarik. Anderogo ovara, An henanggelekma dugwit, henayeloman ovagak akluk, henake yi welagek ndi welagek ogasiga.”

Yohanes 1:14

At Eve Wene ako, Ap-At agya lagagirik, ninimat welagagi. Ninim dugwit, At mondok siyalek-at hagagup. At Ala Abut adik ambengga atma, Asin en siyabagya hagagup. Eke At ninim dugwit, endawi hunik en okbininggu, wene mondok des erogo yuknirigya, ombok erogoat ogagya hagagup.

Oroma 1:3

Sek Wene andi, Ala Abut Nenowa Inis Ombok Yesus Keretus ogagagi wene akoat. At eyave andi, Daut ombao avakwa-at endaklagagi ovara, At Ala Averiniki anye vaga hambuluk lendagwima en iluk erogo mondok okbagagi andi vaga, At Ala Abut aro, yiluk, sigam agagi.

Oroma 15:8

Wene andi ambi inim yukheraliga. At Keretus wagagi ako, it Yakuri menda At Ala en enombawi avok yugeragagi ako, “Atma-at ogasiga,” ombarupwak yiluk, At Keretus ako, it Yakuri enanggelekma wagya lagagirik, enake ogagya lagagi.

Oroma 8:3

Musa wene ogasagwi vaga nenagap wendakhedaup ako, nenendawi endak menda en, “Ogarubuk,” yukneraliga vaga ogarup meyan halok, nenagap wendakhedaup andi degat helagwi. Anderogo hegek ovara, At Ala en imbitigi ako andi, nit weyak ogasagwi ako degerogo bapwak yiluk, At Abut ako avakwa wane-wane-at lakba wagagi. Lakba wagagirikmu, o yoma nit avakwa wane-wane ninimat dugwit, weyak ogarup hegek ovara, ogagetek welagagi vaga nit weyak ogasagwi ako degerogo bagagi.

2 Korindus 13:4

At ap nit wane-wane eyave anyedek atma yiluk, avyarat yo winik vaga warogo bagagwa ovara, Ala anye vaga mondok okbagya lagagimu, iluk agarik. Anderogo wane-wane, nit ogo At inim hunik dugwit, nenanyedek ovara, Keretus ninim hunik niniluk dugwit, henanggelekma Ala anye vaga ogarit lagu ninisagup.

2 Korindus 8:9

Nenowa Inis Ombok Yesus Keretus en henabwa imbita dugwit, okhinipigi ako hinilup aro. At o sekma siyalek welagagi ovara, nit ogo inimat o sekma siyalek-at dogoguluk, At o wen vaga yoma sovabeta wambu wagagi.

Nggalatia 4:4

Anderogo werekma, At Ala en At Abut o wema yoma lakba warup imbitigi ako ovok vanggo yi wagya lagagimu, hwa ambien eyak At Abut endagagi. Endagya lagagimu, it Yakuri menda en Musa wene ogasagwi ako, At Abut ako ogo ogarit lagya lagagi.

Pilipi 2:6

At Keretus ako andi: Ala endawi agarik ovagak, Keretus endawi ndatak-at welagagi ovara, “An Ala niperen agurik yi, ndatak-at dogosogon o,” yiluk, imbitigibuk.

Iberani 12:2

Eke, endak nit avyarat umbutu dugwit Ala wene waguluk nenendawi vipuk erogo bininggu, eke, avyarat umbutu niniselok, nenendawi mondok hoda erogo bininggu, ogasiga andi, Yesus atma, At adigat ninil vurek dugwit amusek nagu dogosogom. Avakwa enanggadi erogo yo winik vaga inirisagwi ako, At Yesus en, “An anderogo nanggadi erogo narup nanggon,” imbitigibuk. Ata, “Hivis nadenggen ombok hayogon atma, yogak un sidok anderogo okbanup sek aro,” yiluk, endawi wadokdek dugwit, yo winik vaga hambigya lagagirik, iluk akluk, Ala wene yugeraligama akoma Ala inggis amotkan hora yi inggya lagagirik, agarik.

Iberani 13:3

It avakwa lembaga heda mago agarwik ako, “An ninim lembaga heda mago ovagak agurik higi,” yiluk, yonggar-inipu dogones. Eke, avakwa en yo vaga inituselok, idup helagwi ako, “An ogo, anderogoat naklipmu en, idup hela atma,” enendawi aik wakbugu dogones.

Iberani 4:15

At Nenowa ap Imam Inis Ombok akoen, nit ap wen vaga menda atma, nenovavut weyak ogarup okninipu halok, “Nanggon,” ninimbita dugwit nenake ugun-ugun ogasigadek. Ata, “An hagagis akoat oginivisiga o,” yiluk, endawi sagain vaga nenake ogasiga. Nit nenavut mbaligiluk, anggin-mbanggin nenovaga asiga ako, At ogo anderogoat ovaga agya hegek weyak ogagetek endawi wadokdek dugwit, wogogi ilup atma,