Pilipi 2:6 - ALA WENE HIVIS DIRUP WATUGWA

⁶ At Keretus ako andi: Ala endawi agarik ovagak, Keretus endawi ndatak-at welagagi ovara, “An Ala niperen agurik yi, ndatak-at dogosogon o,” yiluk, imbitigibuk.

Pilipi 2:6 Iomraidhean Croise

Yohanes 1:18

Avakwa en andi, Ala mondok inil helagudek ovara, Ala Abut adik ambengga ako, At eve Ala-at, Asin inim mondok hunik dugwit, Ala avok vagalogo yukneragagi.

Yohanes 10:30

An inim, Nasin inim andi, nit ambiat agurik o,” yiluk, yugeragagi.

Yohanes 10:33

Yugirigya lagagimu, it Yakuri menda en, “Hat sek ogagen vaga harusogombuk. Ata, Ala wiyiknom-weyaknom erogo bagya, eke, hat un eve ap-at ovara, Ala ovagak okhedegek lagya, ogasiga andi vaga-at harusogom.”

Yohanes 10:38

Segat ovara, An Nasin ogasiga menda ogagya neyagek, hit ao henendawi An novaga vanggabaluk avyarat nombarusogombuk halok, An nggarogo ogarubuk menda ogasiga ako andi adigat avyarat umbutu dogones. An Nasin ninim hunik, eke, An At inim hunik, anderogo agurik hinilup arovovok yiluk, nggarogo ogarubuk menda ogasiga ako andi adigat avyarat umbutu dogones,” yiluk, yugeragagi.

Yohanes 14:28

“An layogon ovara, hivis henadema warisogon, yukhirigi ako vage henaruk hunggip. An andi, maduk. Eke, An Nasin andi, ombok atma, hit henendawi hunik okbanilipmu en, ‘At Asin adema layogon atma,’ yiluk, henendawi adenggen ombok umbutu duklip.

Yohanes 14:9

Yugugu lagagimu, At Yesus en, “Pilipus wai! An o muk erogo hinimat welagyo ovara, hat ao dibanenggetek dugwit, yagaliga? Ap ambi saen An neyaliga halok, An Nasin-at il haliga atma, harenen, ‘Hasin inuk neran,’ yegen andi, nggarogo yiluk yegen?

Yohanes 17:5

Anderogo atma, Nasin! O wen ao ogagetek heyagek, Hat niperen dugwit, siyalek welagagis ako wane-wane yogak Hat agindikmu andoma siyabanin.”

Yohanes 20:28

Yugugu lagagimu, Tomas en At yugugu dugwit, “Ai! An Nasin Inis Ombok Ala Harat heyagi o.”

Yohanes 5:18

At Yesus en it Yakuri samban ogasagwi vaga ogarup moga wene hobalek hegek, ogagagi vaga adigat dek. Ata, “An Nasin eyave andi Ala aro,” iri dugwit, Ala iperen wane-wane okhedagagi vaga it ap ombok Yakuri menda akoen hivis At warup yiluk, ogagu lagagwa.

Yohanes 5:23

Nasin en An avakwa enowak dilogo onggo okbisaup andok mondok okbaninggigi ako andi, avakwa en Ala agayuk wisagwi hak, Abut An ogo wane-wane nagayuk wutu dogopwak yiluk, mondok okbaninggigi. It ap en Ala Abut An nagayuk wutitek halok andi, At lakbani wagagi An Nasin ako agayuk wisagwidek o, yiluk, mondok avyarat yukheraliga.”

Oroma 9:5

It enombawi andi, Averakam inim, Isak inim, Yakup inim, atma, it vaga enombao Keretus ako avakwa wane-wane-at endaklagagi. Yi menda ndi menda ovok erogo sovalek hegek At mondok siyalek agarik At eyave Ala atma, “Wa,” yiluk, mondok-mondok At inis siyabagek adigat ogagu dogosogom o. Amin!

2 Korindus 4:4

It avakwa wema menda enasin Sile akoen, it Ala avyarat embetetek menda andi, enendawima o hup ovagak okbogogi. It enendawima o hup ovagak okbogogirikmu, irenen Sek Wene awiya okninivisiga ako yedok hegetek agarwik. At Ala elose wane-wane mondok siyalek Keretus wene ako, mondok dibagetek-at agarwik.

2 Korindus 8:9

Nenowa Inis Ombok Yesus Keretus en henabwa imbita dugwit, okhinipigi ako hinilup aro. At o sekma siyalek welagagi ovara, nit ogo inimat o sekma siyalek-at dogoguluk, At o wen vaga yoma sovabeta wambu wagagi.

1 Timotius 1:17

Eke, avakwa endak welagagwa inim, yogak agarwik inim, o hivis dogogup inim, Nenasin Inis Ombok hambisigadek iluk mondok itok menda ninil helagudek Ala adigat agarik ako inis mondok-mondok abinak agayuk werek dogopwak o. Amin!

1 Timotius 3:16

Ala wene wokbaluk nenendawi eve vaga ogarit lagu dogop wene mbauk hwilago welagagi ako mondok iya aro. Andi, “At ap-at ari wagya lagagimu, ‘Yi Ala abut,’ ombarupwak yiluk, Averiniki en sigam okbagagi. Sigam okbagya lagagimu, it malaikat en At eyave inil hugwi, At awene it weram Yakuri dek menda werekma yugeregek lagwi, It ap yi awi ndi awi ‘Yesus Ala abut avyarat ai,’ umbutwi, ogagu lagagwama, o segedokma abinak adigat agarikmu wolok inggigi o,” yiluk, yagalagwi menda ako mondok avyarat higyo.

Titus 2:13

Yukneraligama, yogak ogagu dugwit, Nenasin Ala Inis Ombok nenagap wendarisiga menda Yesus Keretus, mondok abinak werek dugwit sigam ari warup ako vaga nenendawi vonggabaluk wenggelek werekma, nenadenggen vaga abyam agurik.

Iberani 1:3

Asin mondok winimen siyalek eyave abinak amumulip wisane ako hak, Abut wane-wane-at agarik. Abut ako andi, Asin ovavut wane-wane-at agarik. Yi menda ndi menda ogagagi ako ovok erogo, At ane anye vaga vagago agarik. Nit weyak ogagu lagagup ako menda horogo dek okbagya lagagirik, At winimen mbogot vaga mondok siyalek agarik ako, inggis amotkan hora yi inggya lagagirik, agarik.

Iberani 1:6

Ata, Ala en At Abut adik ambingga ako, o wen vaga yoma wombaba warigiluk, ogagya dugwit, “Hit An nayonggo nelagwi menda malaikat ovok erogo At adigat inis adup ogagu dogones o,” yiluk yugeragagi.

Iberani 1:8

At Ala en At Abut ogagya dogop awene ambi iri dugwit: “Ai, Ala wa. Hat hane yugeraligama andi, mondok-mondok itok-at dogosogon o. It havema agarwik ako enawene amburup mbalogo mondok sek adigat yugirigya dogosogon o.

Iberani 13:8

At Yesus Keretus andi, o endak inim, yogak inim, hivis inim, adik ambi asigadek mondok itok-at agarik.

Wahyu 21:6

Yuknugu lagarik, ambi inim yuknugu dugwit, “O endak erogo welagagis adem Alpa inim, eke, hivis atok vaga mondok dogop Omega inim, andi An nadik atma, yukhigis ako andi, vage ogagyama yiluk yukhisiga. “It avakwa is uvup oginipu halok, Anen is iniluk ogonivisiga menda liris wulu wandigama en onggodek unat nodogo wogirigya dogosogon.