Pilipi 2:3 - ALA WENE HIVIS DIRUP WATUGWA

³ Hit yi menda ndi menda ogagu dugwit, ambi hedaguluk okbugwis, eke, “Siyabanupwak,” umbutu dugwit ogagwi, anderogo ogagu dogobuk. Ata, henendawi sovalek dugwit, “An andi, meyan, eke, naswe andi, iya,” umbutu dugwit, anderogoat oginipu dogones.

Pilipi 2:3 Iomraidhean Croise

Lukas 18:14

“Iperen samban anderogo ogagagwa ovara, at samban endak ogagagi ako dek. Ata, hivis ogagagi ako adigat Ala en, ‘Ap andi, endawi sek higi o,’ imbita hegek, amwa lagagi. Andi, ap ambi endawi siyabatigya halok, sovabagya, eke, endawi sovabatigya halok andi, siyabagya, ogagya hagup o, yiluk, yukheraliga,” yugeragagi.

Oroma 12:10

Henowa-henasin henendawi hunik oginivisagwi hak, henaswei Yesus inim hunik agarwik menda hinim nendawi-hendawi hunik oginupu dogones. Navema-havema dugwit, at ambi inis siyabagek ogagu dogones.

Oroma 13:13

Amburup nunggu lagarwik, nenek-at yagan nagwis, ndawi weyaravok watu dugwit, akwa ugun ogunupwis, enendawi en ninggya halok ugun ogarit nagwis, war-wat yugwi, haterek-anderek yagan nagwis, ogarit nagu dogop moga. Ata, o dingga vaga dugwit, des erogo ogasagwi hak, nit anderogoat des erogo ogagu dogosogom.

Oroma 2:8

Anderogo ovara, it ninen it okhedaup adigat enendawi wenggebaluk ogarit lagu dugwit, avyarat wene ako andi hekbaluk, weyak adigat ogaguselok andi, Ala en, “Ap yi, mondok weyak aro,” yiluk, aninis en anggin enovaga bisagwi.

1 Korindus 15:9

An o endak en Ala aburi homarit lagu lagagwa ako anggin-mbanggin oginivit lagya lagagis atma, “Lakbigik menda,” yuknugu duklipuk ovara, an ako, ap lakbigik menda denogo baninggigi o, avyak. An Ala aburi anggin-mbanggin oginivit lagya lagagirik, it lakbigik menda nin ako winimen inigik, an andi, iya erogo dekma, enavema agirik.

2 Korindus 12:20

Anen, “Hit ogagu dogop,” ombasiga ako hegek adik ogasagwi atma henadema wagya neyaoen, an nendawi anggin haliga. Eke, hiren, “At anderogo ogari warupwak,” numbutu hinigik, anen adik ogari wagya neyaoen, andi ogo an nendawi anggin-at haliga, naswemuni. An henadema wagya dogomindik, nane-hane yagan nagwis, haterek-anderek yugwi, naninis-haninis yugwi, an iya hat iya yugwi, navok-havok yugwi, wene henelagap atok vaga wolok-wolok ane wolok nagwis, wogobetegek nagwis, nadok-hadok ogarit nagwis, ogasagwi atma henadema wagya neyaoen, nalon okneraliga.

Nggalatia 5:15

Hit yaun hivit-hivit yugu dugwit henagamut mbalogombo nelagwi vaga heneyave degerogo betugu hinisaoen, dibagu dogones.

Nggalatia 5:26

Hit wogobatugu dugwit, an iya hat iya yugwi, at ambi ogagya vaga at ambi endawi warogo bagek ogagwi, naburuk-haburuk yugwi, ogagu dogobuk.

Evesus 4:2

Ogarit lagu dugwit, henendawi seve yiluk sagain vaga okbugwis, henovavut luvugerek dugwit nabwa-habwa vaga nengge-hengge ogagwi, ogagu dogones.

Evesus 5:21

Nenowa Keretus agayuk wutu dugwit, henendawi seve yiluk navema-havema dogones.

Pilipi 2:14

It avakwa o yogak endago agarwik yi enovavut amor erogo dek enendawi weyak adigat wenggelisagwi atma, hit it enanggelekma dadiwap herek-damok yagaliga hak dugwit, Ala aburi weyak dek sek adigat hinigik, enane hit henovaga agetek ogarit nagu hinisapwak yiluk, hit yi menda ndi menda ogagu dugwit, uwa mba-mbal yugwi, wunumuk yugwi, ogarubuk.

Kolose 3:12

Anderogo atma, At Ala en henabwa imbita dugwit, At aburi sek adik enek dogovovok yiluk, mikhinipigi atma, yum yikhedelagwi hak, henandogon swi menda okhidugu dugwit, avakwa enabwa umbutwi, henendawi sek vaga okbugwis, henendawi sovalek dugwit nagwis, henane sagain vaga yugurugwi, henovavut luvugerek welagwi, ogagu dogones.

Kolose 3:8

yogak, mbet yugwi, naninis-haninis yugwi, weyak okbisaup henape wenggenggwis, wiyiknom-weyaknom erogo bugwis, wene yubuk menda hegek yugurugwi, ogasagwi andi menda ovok erogo hekbagu dogones.

1 Timotius 6:4

aren, “An nilup o,” yiluk, siyabategek landiga ovara, inggut hegek ugun yagan landiga. At ap andien wene, “Yi yerogoma ndi anderogoma,” iri dugwit, wene watya, eke wene maduk yup hegek wenemuk iris, ogarit lagya dogop andi mondok endawi hunik adigat ombasiga. At anderogo ogarit lagya halok, it ap ninen avyarat wene Yesus avok ako mondok inunggut dugwit, weyak adigat ombasagwi akoen “An iya, hat iya,” yugu dugwit, ogot lagwi, meyan umbutu dugwit avok mbalit lagwi, eke, huluk enova yugwi, inim mondok war-wat yugwi, ogasagwi. It ap wene adik huluk yagalagwi menda ako, “Nit Ala wene ogarit lagu dugwit, nininggis mondok werek okhedasogom,” ombasagwi ovara,

1 Peterus 3:8

Andi halok, an wene ambi atok vaga yukherayogon. Hit hinim henendawi ambiat akluk wene yugwi, henendawi aik war-wat yugwi, naswe-haswe yugwi, nabwa-habwa umbutwi, henendawi sovalek dugwit nagwis, ogagu dogones.

1 Peterus 5:5

Anderogo wane-wane, hit apsawe en ogagu dogop wene ambi yukherayogon. Henasini en enane yukhiruguselok, henaruk des erogo hobaluk ogagu dogones. Andi, Ala wene dirup warek ambi iri dugwit: “It avakwa enendawi wogobetelagwi halok andi, Ala en it inim ogorek agarik ovara, enendawi sovalek agarwik halok andi, enabwa en sek okbisaliga o,” yiluk, yagagi Ala wene dirup warek agarik atma, hit ovok erogo henendawi sovalek dugwit, yonggat-yonggat ogagu dogones.