Pilipi 2:2 - ALA WENE HIVIS DIRUP WATUGWA

² Andi halok, an nendawi adenggen ambi inim hagiluk, hit anderogoat henendawi ambiat okbaluk dugwit, Keretus endawi hunik okhinivisiga ako hak, henaswemuni hinim nendawi-hendawi hunik ogagwi, henendawi ambiat dambulik dugwit ogarup ambi wenggebaluk ogagwi, ogagu dogones.

Pilipi 2:2 Iomraidhean Croise

Yohanes 3:29

Hwa ambi ap en wigya halok, hwa andi, ap wagagi ako ogwa aro. At hwa hidigya aswe ako andi, un inim dugwit, ap hwa hidigya ako ane hunggu halok, adenggen wisane haliga ako ovagak andi, an aro. Anderogo atma, At ogarit lagya vaga avakwa wisane At adema laguselok, an nendawi adenggen wisane oknetas.

Lakbogogi Wene 1:14

It akwa nin inim, At Yesus isa Maria inim, Yesus aori ambetaga menda inim, andoma inim dambulik dugwit, enendawi ambiat akluk samban adigat ogagu lagagwa.

Lakbogogi Wene 2:1

O Pendakota ogarup ako ari wagya lagagimu, it avyarat umbutugwa menda ako ovok erogo ambekma homakbaluk,

Lakbogogi Wene 2:46

It ako enendawi ambiat akluk, ndugurek-ndagarek Ala awi valekma mbumbumu homari nunggugwi, enendawi sagain vaga adenggen dugwit enamwa adik-adik erom ugurogo baluk nunggwi,

Lakbogogi Wene 5:12

It lakbigik menda akoen avakwa wisane enanggelekma inilup arup enalon werek menda inim, nggarogo ogarubuk menda inim, wisane-at ogagu lagagwa. Eke, it avakwa Yesus avyarat umbutugwa menda ako ovok erogo Ala awi valekma awi ogarek inis Salomo sanggugwarikmu akoma, homari lagek ogagu dugwit, enendawi ambiat welagagwa.

Oroma 12:16

Henaswei hinim henendawi ambiat okbaluk, ogarit lagu dogones. “An ap iya,” yiluk, “It ap sovalek meyan ninim ogarup nenanggon,” yiluk, yup andi moga. Ata, henendawi adenggen vaga hinimat ogarit lagu dogones. “An ap ovok nilup atma, an andi ap mondok iya yiluk,” umbutu dogobuk.

1 Korindus 1:10

Nowa-nasin. Nenowa Inis Ombok Yesus Keretus inis vaga, an wene ambi henaruk warisogon. Hit henendawi mondok dambulik dugwit, ogarit lagu dogovovok yiluk, yukheraliga. Hit naburuk-haburuk yugu dugwit ogot hedelagwi ako mbobaluk, henendawi henane ambiat akluk ogarit lagu dogones.

2 Korindus 13:11

Wa, naswei. Wene andi ovogat. Henendawi weyak ogagetek hoda arovovok yiluk, ogagu dugwit, an wene yukheraliga yi, dibagu dogones. Henendawi ambiat okbaluk ugun adenggen dambulik dogones. At endawi hunik okninipu dugwit, nenendawi ugun seyalek adenggen dogosogom yiluk okbininaliga Ala akoen, hinimat dogosogon.

2 Korindus 2:3

Dirup endak watigis ako andi, an nendawi adenggen neyalok, hit ogo henendawi adenggen dogop andi an avyarat nilup. Nilup atma, henadema wagya dogomindik, hit sek ogasagwi vaga nendawi adenggen henombarup ovara, weyak ogasagwi vaga nendawi wakhedaup atma yiluk, mbup iri dugwit, dirup adigat endak warogo lakba wagagis ako aro.

2 Korindus 7:7

At eyave nadema waga andi vaga adigat dek. Ata, hiren at endawi aik wakbagagup vaga at wagya lagarik, nendawi aik wakbani waga. Eke, hit yokneya warup, “Ai,” ombasagwi ako inim, hit endak ogagagup vaga henendawi wakhedelagwi ako inim, eke, an navok mbangguselok, henane anye vaga an nanggangga welagwi ako inim, ovogat mbilinogo yukneraga andi vaga, nendawi aik wakbenanggarikmu, yogak nendawi adenggen wisane haliga.

Pilipi 1:4

Samban ogagya dugwit, o endak en ogarit adigat wagya neyagek yogak yi hudi, Sek Wene hit ninim wane-wane ogarit nelagwi ako, nape wenggenggu dugwit, nendawi adenggen vaga henake samban ogasiga o.

Pilipi 2:16

At Keretus warup amor ari wagya andi vaga, “An vupuk lagya, an nova dambi-dambe oknitya hegek ogarit lagya, ogagya lagagis ako andi, enam warogo ogagya lagagibuk, segat ogagagis ai,” imbita dugwit, nadenggen hagiluk, wene niniluk okninivisiga wene ako, hit des erogo vagago dogones.

Pilipi 2:20

It avakwa yoma ovok erogo Yesus Keretus adigat ake ogarit laup, ombasagwidek, it enake adigat okhedegek lagusigik ovara, at Timotius adik andi hit nggarogo agipik ako, mondok avyarat heneyave ape wenggelek atma, arat lakba warisogon.

Pilipi 4:2

Hit akwa Eyodia ogo, Sindike ogo, hiperen Nenowa hinim henendawi hunik dugwit, henendawi ambiat dambulik dogovovok yiluk, yukheraliga.

Kolose 2:5

An neyave hinim andoma agurikbuk ovara, nendawi andi, hinimat agirik atma, hit henendawi Keretus ovaga vanggabaluk, avyarat umbutugup ako wadokdek vagago dugwit, mondok ndatak ogarit lendagwi atma, an nendawi mondok adenggen ombasiga.

2 Tesalonika 2:13

Ai nowa-nasin wa. Hit Ala henabwa ombasiga ako vaga Ala wa yugurup adigat okninivisiga. Ala en, henagap wendarigiluk, hit endak erogo mikhinipigi. Mikhinipigirikmu, Averiniki en hit henendawi weyak horogo bigigu, avyarat wene Yesus avok avyarat umbutwi, ogasagwi ako vaga henagap wendarisiga. Anderogo atma, hit vaga “Ala wa,” hunik-hunik yugisagwi.

2 Timotius 1:4

Hat yup yagagin ako nape wenggelagya halok, an nendawi adenggen iya erogo hagiluk, “Bikheya warik ai,” ombasiga.

Vilemon 1:20

Ai, naswe. Yukhigis andi, niperen Ala inim hunik atma, an sek okbaninok yiluk, Onesimus woman. Niperen Keretus aburi atma, nendawi adenggen erogo okbaninok yiluk, yukhisiga o.

2 Yohanes 1:4

At Nenasin Ala en, “Yerogo ogares o,” yiluk, avyarat wene yukneragagi ako hat heyagi nin hinim wane-wane ogarit lendagwi naruk hunggu lagirik, an nendawi mondok adenggen wisane ombasiga.

3 Yohanes 1:4

Yi menda ndi menda ogarit lendagwi ako andi, nadenggen horok madugat ombasiga ovara, an naburi akoen, avyarat wene Yesus avok ako wokbaluk, mondok wane-wane ogarit lendagwi naruk hunggu neyalok andi, nendawi adenggen wisane ombasiga.