Pilipi 2:12 - ALA WENE HIVIS DIRUP WATUGWA

¹² Anderogo atma, naswemuni nendawi hunik. Endak hit ninim andoma dugwit, an nane iri lagagis wane-wane ogagu lagagup ako hak, yogak neyave yoma neyagek, “Ala en nenagap wendarisogon o,” yiluk, henalon en henowak dede yugu dugwit, ovok atok weralogo ogagu dogones.

Pilipi 2:12 Iomraidhean Croise

Matius 11:12

At Ima Wombabisaliga menda Yohanes akoen wene yukhirigya lagagi andi vaga mbikit, yogak yi hudi, At mbogot vaga menda avema bisaligama ako ap inidup enanye werek menda en andok okhedasogom yiluk wal okhugwi, sovalogo bagwi, ogasagwi.

Matius 11:29

An nasum yidik henabla danggubigigya, eke, durik-marek erogo henovaga bugugu, ogasiga andi, anggin dek seyo atma, An nasum yidik henabla hedelok, neyave sagain nendawi sovalek dugwit, ogasiga ako mamulhedomanes. Anggin hegek mamulhidugu hiniselok, ogarit lagu dugwit ‘Nendawi seyo yagas,’ yiluk, yugu dogogup o,” yugeragagi.

Lakbogogi Wene 16:29

Yugugu lagagimu, at heda mago malenombogo welagagi akoen, “Yunda yividiluk wolok omanes,” yugirigya lagagirik, alon en owak dede yagan vupuk Paulus Silas iperen enavema hora yi lagagi.

Lakbogogi Wene 9:6

An atma, hat mondok iri dogomindik o kota ombokma andoma lagya heyalok ogarup wene yukhirisogon atma, andoma elak,” yiluk yugogogi.

Oroma 2:7

It avakwa ninen sek umbutu dugwit, “Ala en At abinak menda woknirigya, nenagayuk wutu, iniluk mondok dogop menda woknirigya, ogarupwak ai,” yiluk, enendawi sagain vaga hora yiluk, mbup yegetek sek adigat ogarit lendagwi. It avakwa anderogo ogasagwi ako, Ala en iniluk mondok dogop menda wogerayogon.

1 Korindus 15:58

Andi halok, naswei o. Hit henendawi mondok horaik wadokdek dugwit, Nenowa Inis Ombok eyavup-at ogasagwi halok andi, un enam warogo ogasagwidek hinilup atma, ndugurek-ndagarek musek-hasek ogagu dogones.

1 Korindus 2:3

An neyave nanyedek atma, nalon en nowak dede iri dugwit hinim welagagis.

1 Korindus 4:14

An wene dirup warogo wokheraliga yi andi, henanggadi wakbigigaigen yiluk, warogo wokheraligadek. Ata, hit an naburi nendawi hunik atma, un henaruk warisiga.

2 Korindus 7:15

At Titus endak henabwa imbita lagagi ako, yogak henabwa iya erogo ombasiga. At henadema lagya lagagimu, henalon en agayuk wutu dugwit eyave wagagup. Eke, amot ogarup yukheragagup ako, “Sek,” yiluk, mbikit amot ogagu henogogi. Ako, ape wenggelek dugwit, at Titus yogak henabwa iya erogo ombasiga.

Evesus 6:5

Hit avakwa enayeloman onggo hunik menda yi wai. Hiren, “Nasin yi, Keretus ovagak atma,” yiluk, henalon vaga enagayuk wutu dugwit, henendawi sek sagain vaga enane hobaluk, eneyavup ogagu dogones.

Pilipi 1:27

Andi halok, Sek Wene Keretus avok ako, wane-wane des erogoat ogarit lagu dogones. Andien, an yoma neyagek hit ogarit nelagwi naruk hulimi a, ata andoma henadoma ari warimindikmu ogagu hinisami a, hit Sek Wene avyarat umbutu lagagupik wogogup ako, hekbagetek henendawi ambiat akluk, wadokdek dugwit, ogarit lendagwi ako nilup arisogon.

Pilipi 1:29

At Ala en henabwa imbita dugwit, ogarup imbitigi ako andi, hit henendawi Keretus ovaga vanggabaluk avyarat ombarovovok yiluk adigat imbitigibuk. Ata, At Keretus inis wogogup vaga anggin-mbanggin inim havovok yiluk imbitigi.

Pilipi 1:6

At Ala en sek okhinivigiluk, endak ogagagi ako hudien, o hivis At Keretus Yesus warisogon andi vaga, yavup henendawima ogasiga ako atok weralogo avyarat ogarisogon imbita dugwit, yukheraliga.

Pilipi 2:19

Hit nggarogo agipik ako dibigiluk yukniri wagya halok nilup agya dogomindik, nendawi ugun seyalek dogogiluk, Nenowa Yesus en sup hutbagya halok, Timotius yiluguluk bikhinisa warupwak yiluk, henadema lakba warup ombasiga.

Pilipi 4:1

Anderogo atma naswei o. Hit an nendawi mondok hunik atma, heneyave mondok nape wenggelek-at agirik. An nanggudit-nggudit mendago inim, nendawi adenggen ombasiga inim, andi, hit heneyave atma, Nenowa Inis Ombok hinim hunik dugwit, wene andi mondok wadokdek vagago dogones. Ai, naswei nendawi hunik wa!

Pilipi 4:15

Hit avakwa Pilipi menda yi wai. An endak Sek Wene yi awi ndi awi yugeregek nagu dogogiluk, o Makedonia hekbaluk o adikmu lagya neyagek, Ala aburi homasagwi ako, yonggat-yonggat ogasagwi ovara, it ovok erogo mbuverek inigik, hit Ala aburi o Pilipi en adigat woknogogup ako hinilup aro.

1 Tesalonika 1:3

Hit Yesus ovaga vanggabaluk avyarat umbutu dugwit ogarit lagwi, avakwa henendawi hunik en sek okbigik lagwi, eke, Nenowa Inis Ombok Yesus Keretus Ala en denogo lakba wagagi ako vaga vonggabaluk wenggelek werekma, anggin henovaga agya hegek henendawi wadokdek dugwit wugwi, ogasagwi ako andi, o ndugurek-ndagarek nenape wenggelek dugwit, Nenasin Ala yugisagwi.

2 Timotius 2:10

Anderogo atma, it avakwa Ala miginipigi enendawi Keretus Yesus ovaga vanggabaluk, avyarat umbutuselok, enagap wendakbaluk abinak mondok-mondok dogopwak yiluk, anggin-mbanggin okbanunggusigik, ovok erogo it enake nendawi wadokdek dugwit waliga.

Iberani 12:1

It avakwa enendawi Ala ovaga vanggabaluk, avyarat umbutu dugwit ogagu lagagwa yigyo akoen, “Nit ogagu lagagup ako wane-wane ogagu sami a, dek a?” yiluk, eneyave apik homago walinek inil vurek agarwik ovagak atma, nit sup hupuk lagu dugwit, nenanyedek agya haoen, yi menda ndi menda nenovaga durik agarik ako inim, weyak ogarup nenendawi hunik umbutu dugwit yidilogo bininaliga ako inim, ovok erogo nggolalogo mbobagu dogosogom. Mbobaluk, “Hupuk andi hudi mendek yilales,” yiluk, yukneragagi ako, nenendawi mondok wadokdek dugwit, hupuk mendek yilagu dogosogom.

Iberani 4:1

Anderogo atma, At ninim sat yanggal hedanungguguluk, “Omanes o,” yiluk, avok yukneragagi ako, dek agetek aoat agarik atma, hit ambi weyak ogarusogom vaga ninim sat yanggal hedanunggup ogo mondok dek agya haoen, hwalogo dogones.

Iberani 4:11

Anderogo atma, it Iserali menda endak Ala wene weyak erogo hekbagu lagagwama, sat yanggal hedelagwima nonggegetek ako hak, nit nin wane-wane nunggup dek agya haoen, nungguguluk, nenanye erogo walokhugu dogosogom.

Iberani 5:9

Asin ane hobaluk ogagya dugwit, nit okninivisiga menda ako At eve mondok dikduk erogo mamulhidigya lagagirik, nit At ane wokbaluk, ogarit lendagwi ako, ovok erogo niniluk mondok-mondok dogoguluk, nenagap wendakninipu dogop adem Arat agagi.

1 Peterus 2:11

Nowa-nasin o. Hit ap huru ovagak ap enanggelekma agipik ako, wene ambi yukherayogon o. Hit henendawi en weyak ogarup henanggon umbutu dugwit ovara, wokhiniviluk landiga ako, mondok amusek laguven yiluk, yukheraliga.

2 Peterus 3:18

Nenasin Ala endawi hunik en okbininaliga ako hit henendawi hoda arovovok yiluk, ambi inim okbigigu, eke, At nenagap wendasiga menda Nenowa Inis Ombok Yesus Keretus eyave hinilup-at ovara, ambi inim hinilup arovovok yiluk, okbigigu, ogagya dogopwak o. Yogak en, mbikit, mondok dogogup hudi At eyave mondok siyalek-at dogopwak yiluk, an Peterus en ovogat yukheraliga o. Wa!