Pilipi 2:1 - ALA WENE HIVIS DIRUP WATUGWA

¹ Nit Keretus ninim hunik atma, Aren nenendawi aik wakbininggu, At nenabwa imbita dugwit, nenendawi yonggon-ninipu, ogagya hegek, Averiniki ninim hunik dugwit, nitnirat nenendawi enggen vaga nendawi-hendawi hunik ogasagwi.

Pilipi 2:1 Iomraidhean Croise

Lukas 2:25

O Yerusalem andoma ap ambi inis Simeon welagagi. At ap andi, endawi mondok sek Ala wene dibaluk ogagya lagagi. Ogagya dugwit, it avakwa Iserali menda enagap wendari warup ako at sok higya dugwit, Averiniki at ovaga welagagi.

Yohanes 14:18

“Naburi o! An avyak wenavorangge ovagak hekbigiluk layogonbuk. Ata, hivis neyami vaga henadoma wasogon.

Yohanes 14:27

Henendawi anggin dugwit, henalon habuk. Henendawi ugun seyalek wadokdek adenggen dogovovok yiluk, okbigiluk layogon. It avakwa o wen vaga yoma agarwik en okbiselagwi hak, An anderogo okbigigaligadek. Ata, An nendawi ugun seyalek wadokdek adenggen agirik akoat okbigigaliga.”

Yohanes 17:13

“Yogak andi, An hadema wandiga. It ap hat woknigigin yi, An nendawi adenggen ombasiga ako ndatak, it enendawi adenggen ombok erogo hapwak yiluk, An o wen vaga yoma ao dugwit, wene yi yukhisiga.

Lakbogogi Wene 2:46

It ako enendawi ambiat akluk, ndugurek-ndagarek Ala awi valekma mbumbumu homari nunggugwi, enendawi sagain vaga adenggen dugwit enamwa adik-adik erom ugurogo baluk nunggwi,

Lakbogogi Wene 4:32

It avakwa Yesus avyarat umbutugwa menda ako ovok erogo enendawi ambiat dambulik dugwit, enangge-enangge ako, “Yi hat menda o. Yi an menda o,” yegetek ovara, un, “Nit ovok nenangge o,” yugu lagagwa.

Oroma 5:5

Eke, nenape wenggelek anderogoat agurik atma, At Ala en Averiniki wokneragagi andi vaga Ala endawi hunik en mondok iya erogo nenabwa ombasiga ninilup dugwit, nenape wenggelek agurik ako hedasogom-at ombasagwi atma, nenendawi anggin agurikbuk.

Oroma 8:26

Anderogo atma, nit nenanyedek niniselok, Ala Averiniki wagya lagarik, yonggat-ninivisiga. “Nit nggarogonggan samban ogaruk?” umbutu ninigik ovara, nit nenendawi ane yagalagwi ako avakwa enane yagalagwidek menda vaga Ala Averiniki akoen mbikit Nenasin Ala yugisiga.

1 Korindus 12:13

Anderogo atma, nit Yakuri menda inim, hit weram Yakuri dek menda inim, hit avakwa enayeloman onggo hunik menda inim, enayeloman dek ugun agarwik menda inim, Ala Averiniki ako vaga en nit ovogat ima wombabinunggusim neneyave ambiat dambubininggigi. Eke, is liris ambiat nelagwi ako hak, At Ala Averiniki eyave ambiat nit ovok nenendawima mabininggigi.

1 Korindus 15:31

“At hambupwak o,” yiluk, ndugurek-ndagarek naruguluk ogagusigik, nalon dek dugwit, waliga hit huluk nombarubuk. Eke, Nenowa Inis Ombok Keretus Yesus hinim hunik dugwit, hit ogasagwi vaga an nadenggen imbita dugwit, Ala inis siyabaliga andi, avyarat numbutu dogovovok yiluk, yukheraliga, naswei.

1 Korindus 3:16

Hit Ala aburi andi, Ala awi valek atma, Ala Averiniki henanggelekma hinim agarik ako hinunggut a?

2 Korindus 2:14

Yoma wagya lagagirik, werekma, Ala en hekbanenggetek. At Keretus ayegen inis ombok siyalagya lagarik lagyaim, nit At ninim hunik menda Ala en Keretus ambetaga wokniniviluk landiga, yiluk, “Nenasin Ala wa,” yiluk, mondok inis siyabagu dogosogom. Amben sek menda wigaliluk landiga ako hak, Sek Wene Keretus avok ako nit vaga en wigaliluk lagya dogopwak yiluk, Ala en okbininaliga.

Nggalatia 4:6

Anderogo heda visilogo bininggigirikmu, neneyave Ala aburi agurik andien, At Abut Averiniki nenendawima mabininggigirikmu dugwit, At Ala andi niren, “Ai, Nasin, ai Nasin o,” yugu dogopwak yiluk, Averiniki en yukneraliga.

Nggalatia 5:22

Anderogo ovara, yo enggen sek yiliga hak, Ala Averiniki nenendawima dugwit, ogarit lendagwi ako eyave yi: Avakwa enendawi hunik ogonupwis, enendawi adenggen adigat umbutwi, enendawi ugun seyalek adigat welagwi, enendawi horaik welagwi, avakwa sek okbigik nagwis, sek adigat ogagwi, des erogo ogarit lagwi,

Evesus 4:4

Henape wenggelek agipik ambiat hedavovok yiluk, heneyanggup yukheragagi ako wane-wane, hit heneyave ogo ambiat. Eke Ala Averiniki eyave ogo ambiat wogogup.

Pilipi 1:8

At Keretus Yesus en henabwa imbita dugwit, endawi hunik okhinivisiga ako hak, an ogo hit ninim mondok nendawi hunik atma, “Ai, ninim avuk aklu ale,” henombasiga ako andi, Ala ilup aro.

Pilipi 3:3

“Nit neneyave anderogo okbinunggugwa,” yiluk, nenendawi andi vaga vanggabaluk, agurikbuk. Ata, Ala Averiniki en nenendawima dugwit, Ala inis siyabagwi, Keretus Yesus ninim hunik dugwit wa yugugwis, ogasagwi ako andi, Ala aburi nenagamut mbalek ovagak nit aro.

Kolose 2:2

Hit henendawi aik warek dugwit, henendawi ambiat akluk, nendawi-hendawi hunik okhidugu dogovovok yiluk, an henake ogasiga. Hit anderogo dugwit, “Wene andi avyarat,” yiluk, dibaluk, henendawi yunggup yegetek ambiat dugwit, Ala wene mbauk hwilago welagagi ako des erogo hinilup arusogom. Eke wene andi, Keretus aro.

Kolose 3:12

Anderogo atma, At Ala en henabwa imbita dugwit, At aburi sek adik enek dogovovok yiluk, mikhinipigi atma, yum yikhedelagwi hak, henandogon swi menda okhidugu dugwit, avakwa enabwa umbutwi, henendawi sek vaga okbugwis, henendawi sovalek dugwit nagwis, henane sagain vaga yugurugwi, henovavut luvugerek welagwi, ogagu dogones.

Iberani 6:18

At Ala en wene adem mberen Averakam yugugu dugwit, ambi andi, At avok yugogogi, eke, andien wene ambi, huluk ombaruguven yiluk At inis inim hanum mbalogo yugogogi. At huluk yup meyan atma, wene adem mberen andi degerogo babuk menda-at yugogogi. Anderogo yugogogi vaga, nit Ala avema nunggu wagu lagurik agurik menda nenendawi en “Okbigigayogon,” yagagi nenape wenggelek dugwit, nenendawi wadokdek vagago dogoguluk, nirat yukneragagi.

1 Peterus 1:2

At Nenasin Ala en hivis ogagu dogop ovok amor erogo baliga atma, o muk imbitigi ako wane-wane, Ala Averiniki en okbigigu hegek hit At aburi sek adigat ake enek dogovovok yiluk, mikhinipigi. Andi halok, hiren At Yesus Keretus yagagi wene ako wokbaluk wane-wane ogasagwi, eke At amuya vaga hokhinivisiga. At Ala henabwa en okhinipu, henendawi ugun seyalek adenggen dogovovok yiluk okbigigu, ogasiga ako, ambi inim eve iya erogo okbigigu dogopwak o.

1 Yohanes 3:24

Wene, “Yerogo ogarup, nderogo ogarup,” yukneraliga menda wene ako, hit ambien wane-wane ogagu hiniselok, At hit hinim hunik agarik, eke, hit At inim hunik agipik. Eke, Ala Averiniki wokneragagi nenendawima yukneraliga andi vaga At Ala avyarat nit ninim hunik agarik ako ninilup agurik.

1 Yohanes 4:12

Nit ovok erogo Ala eyave ninil hegetek-at agurik ovara, nit nendawi-hendawi hunik ogagu niniselok andi, Ala ninim mondok hunik dogosogon. Anderogo werekma, nit nenendawi Ala inim hunik arup Ala imbitigi ako andi, mondok avyarat ogagu dogosogom.

1 Yohanes 4:16

At Ala nenabwa imbita dugwit, endawi hunik okninipigi ako, nit avyarat ombasagwi. Eke, nit nenabwa imbitigi andi vaga nit nenendawi At ovaga vanggabaluk, agurik. At Ala en yi ap ndi ap ovok erogo nenabwa imbita dugwit, endawi hunik ombok erogo okninivisiga atma, hit nendawi-hendawi hunik oginipu hiniselok, Ala hit hinim hunik agarik, eke, hit Ala hinim hunik agipik.