Pilipi 1:9 - ALA WENE HIVIS DIRUP WATUGWA

⁹ Hit yi wene ndi wene adem des erogo hinilup agwi, eke, henendawi werek dugwit, yi menda ndi menda elese yedok hugwi, ogagu dugwit, it hinim henendawi hunik oginivisagwi ako, ambi inim ombok erogo oginipu dogovovok yiluk, henake samban ogasiga.

Pilipi 1:9 Iomraidhean Croise

1 Korindus 14:20

Nowa-nasin. Hit henendawi wenggelisagwi ako andi, it avyak maridugi enendawi dek en wenggelisagwi andi hak, henendawi anderogo wenggenggu dogobuk. Ata, it ap enendawi werek wenggelisagwi ako wane-wane wenggenggu dogones. Weyak ogarup okhinipu haoen, avyak ao swi endago weyak ogasagwi inunggut agarwik ako wane-wane, hit anderogoat dogones o.

2 Korindus 8:7

Hit henendawi avyarat umbutwi, yi wene ndi wene mondok sek erogo yugurugwi, avyarat wene mondok sek erogo hinilup agwi, henendawi sek vaga yonggar-inigik nagwis, henendawi hunik okninipwis, andi ogasagwi ako mondok iya-at ogasagwi. Anderogo atma, avakwa enabwa en enake wonggalup yi ako inim wane-wane ombok erogoat ogagu dogovovok yiluk, yukheraliga.

Evesus 5:17

Henendawi apik dugwit ugunat ogarit lagu dogobuk. Ata, Nenowa en ogarup ombasiga ako adigat dibaluk, ogarit lagu dogones.

Kolose 1:9

Hit anderogo ogarit lendagwi nenaruk hunggugup hudien mbup yegetek ndugurek-ndagarek henake samban ogagu dugwit, Ala en ogarup ombasiga ovok erogo Averiniki en hinilup okbugugu dugwit, yi wene ndi wene adem ovok erogo yedok hugwi, eke, henendawi werek okbugugu, ogagya dogopwak yiluk, Ala yugisagwi.

1 Tesalonika 3:12

Niren hit nenendawi mondok hunik okbigigelagwi ako ndatak, hikit inim, avakwa ovok erogo inim, ambi inim nendawi-hendawi hunik oginipu dogop Nenowa Inis Ombok en okbugugu dogopwak o.

1 Tesalonika 4:1

Ai, nowa-nasin. Wene atok vaga ambi yukheraup umbuturikmu yukherasogom. Ala endawi sek henombarupwak yiluk, “Nggarogo ogarit lagu dogop?” mamulheragagup ako, ovok ogarit lendagwi ovara, ambi inim mondok ombok erogo ogarit lagu dogovovok yiluk, Nenowa Inis Ombok Yesus en yuknirigya halok, yukherelagwi.

2 Tesalonika 1:3

Ai, nowa-nasin. Hit ogasagwi vaga Ala “Wa,” yugurup adigat okninivisiga. Hit Yesus ovaga vanggabaluk avyarat ombasagwi ako, henendawi modo arit lagya, eke, nendawi-hendawi hunik ogasagwi andi, wisane arit lagya, ogasagwima, “Ala wa,” yugisagwi ako andi, segat ogasagwi.

Vilemon 1:6

Hit Yesus avyarat umbutu dugwit Ala aburi hinim henendawi ambiat dambubaluk, Keretus ninim hunik dugwit sek menda okbininaup ombasiga ako, ovok erogo hinilup arovovok yiluk, henake samban ogasiga.

Iberani 5:14

modo menda nungguselok andi, ap enanggok enendawi werek dugwit, yi ogagek ndi ogagek enendawi mondok dibaluk ogasagwi vaga weyak ogarup sek ogarup elose yedok-at helagwi.

1 Peterus 1:22

Hit eve Sek Wene wokbaluk, ogarit lagu dugwit, weyak henendawima agarik ako hokhedagagup atma, yogak henaswei Ala aburi menda henendawi hunik oginivisagwi andi, ambi inim ombok erogo henendawi eyave vaga nendawi-hendawi hunik oginipu dogones.

2 Peterus 3:18

Nenasin Ala endawi hunik en okbininaliga ako hit henendawi hoda arovovok yiluk, ambi inim okbigigu, eke, At nenagap wendasiga menda Nenowa Inis Ombok Yesus Keretus eyave hinilup-at ovara, ambi inim hinilup arovovok yiluk, okbigigu, ogagya dogopwak o. Yogak en, mbikit, mondok dogogup hudi At eyave mondok siyalek-at dogopwak yiluk, an Peterus en ovogat yukheraliga o. Wa!