Pilipi 1:7 - ALA WENE HIVIS DIRUP WATUGWA

⁷ An heda mago dugwit inim, eke heda maknetetek dugwit inim, avakwa en Sek Wene ako avyarat vagago dogopwak yiluk yugirigya dogogiluk Ala endawi hunik en andok okbaninggigi ako, ogagya neyagek hit an ninim ndatak ogasagwi. Halok, an nendawi mondok hit hinim hunik agirik atma, hit heneyave nape wengge iri halok nendawi sek dugwit, hit henake Ala, “Wa!” yugurup andi, segat ombasiga o.

Pilipi 1:7 Iomraidhean Croise

Lakbogogi Wene 20:23

Ndugwis ambi vaga o ambima yugirigya, ndugwis ambi vaga o ambima yugirigya, ogarit lagyama, ‘Heda makhitwis, anggin-mbanggin hovaga bagagwi, ogarusogom,’ yiluk, Averiniki en hurimbis yuknisiga nilup aro.

Lakbogogi Wene 21:33

Hekbagu lagagwama, it enayegen werek enasin ako wagya lagagirik, Paulus inggis vakbaluk, “Mbusi heda mberen vaga mares,” yiluk, yugirigya lagagirik, “Ap yi sa? Eke, at nano ogagya halok yagalagwi? Eres,” yiluk, hemerinipigi.

1 Korindus 13:7

It avakwa enendawi hunik okbiselagwi ako andi, weyak okbugusigik ovara, enendawi wadokdek dugwit wugwi, enendawi Ala ovaga vanggabaluk, avyarat umbutwi, yi menda ndi menda Ala yagagi ako vaga enendawi vanggabaluk wenggenggwis, yi menda ndi menda okligya halok, enendawi wadokdek dugwit wugwi, ogasagwi ako andi, dek agetek mondok hunik adigat ogasagwi.

1 Korindus 9:23

An ogarit landiga andi, ovok erogo it avakwa Sek Wene hobaluk, wugu dugwit, enendawi adenggen ombasagwi hak, an ogo nadenggen hayogon yiluk, yugeregek landiga.

2 Korindus 3:2

Nit yukhirugu ninigik, Ala en okbigigi andi vaga nenendawi mondok wenggelek agurik atma, avakwa ovok erogo en hit dibigigiluk, nit ogasagwi inilup arup dirup warek hak andi, hit heneyave aro.

2 Korindus 7:3

“Hit hinim nenendawi mondok hunik atma, ninim hambugwi, ninim niniluk dugwit ogarit nagwis, ogagu dogop andi sek aro,” yiluk, endak yukheragagup atma, wene yukherelagwi andi, hit weyak okbininggu hiniselok, yukherelagwidek. Ata, unat yukherelagwi.

Nggalatia 5:6

Nit Keretus Yesus ninim hunik dugwit, nenagamut mbalek halok, mbalekdek halok, andi eyave dek atma. Ata, nenendawi avyarat umbutu dugwit avakwa enabwa en sek okbisilin nagu dogop ako andi iya aro.

Evesus 3:1

Anderogo atma, an Paulus en, hit avakwa weram Yakuri dek menda Keretus Yesus wene yukhirigya lagagis ako vaga, heda magago mabiselagwima mabanunggugwarikmu yoma agirik.

Evesus 4:1

Andi halok, naswei o. An Nenowa ane wolok yugeregek naliga vaga heda maknitugwa akoen, wene yi hit ogagu dogovovok yiluk, henaruk wasiga. Ala en hit ogagu dogop heneyanggup yukheragagi ako, ndatak-at ogagu dogones.

Pilipi 1:12

Ai naswei-narupwi o. An anggin-mbanggin okbanunggugwa ako vaga Sek Wene mondok ombok wigalarit lagagi atma, hinilup arovovok yiluk, yukheraliga.

Pilipi 1:13

An heda mago agirik yi vaga, it ap inis ombok Kaisar amwa malogo agarwik menda inim, it avakwa ugun agarwik menda inim, ovok erogo, “Paulus en Keretus wene yugeregek nagu lagagi ako vaga, heda magago mabiselagwima andoma agarik,” yiluk, inilup agagwa.

Pilipi 1:14

Eke, nenaswei Nenowa inim hunik agarwik nin wisane higirek ako andi, an heda maknitugwa ako vaga enendawi Nenowa ovaga vanggabaluk, yogak Ala wene yugeraup enalon dek mondok wadokdek dugwit, yugeregek nelagwi.

Pilipi 2:22

Ap ambi abut en asin yonggat-haliga hak, an Sek Wene yugeregek lagya neyagek, at hutun-howam yonggat-nitya lagagi andi vaga, at andogon hinilup atma,

Pilipi 4:14

Ogarup segat haliga ovara, an anggin novaga werekma, hiren yonggat-neyagagup atma, “Wa,” yukheraliga o.

Pilipi 4:15

Hit avakwa Pilipi menda yi wai. An endak Sek Wene yi awi ndi awi yugeregek nagu dogogiluk, o Makedonia hekbaluk o adikmu lagya neyagek, Ala aburi homasagwi ako, yonggat-yonggat ogasagwi ovara, it ovok erogo mbuverek inigik, hit Ala aburi o Pilipi en adigat woknogogup ako hinilup aro.

Pilipi 4:3

Eke, hat naswe Sundugos ogo, niperen Ala eyavup ndatak ogasagwi menda atma, it akwa mberen andi, yonggar-inipu dogwen. It akwa andi, ap Kelemen ogo, it an naswei nin Ala eyavup ninim ogasagwi ako ogo, Sek Wene wigalarupwak yiluk, ninim musek-hasek ogarit nagu lagagwa atma, Ala ambuku it avakwa mondok-mondok iniluk okbisaup ininis dirup warek agarik ako, it ogo ininis ovok dirup warek agarik.

Kolose 4:18

Naswei. An heda marek yoma agirik ako, henendawi wenggelnitu dugwit, nake samban ogagu dogones. Eke, Nenasin Ala henabwa en okbugugu dugwit, hinimat dogosogon o. An henasin Paulus en, “Hit naburi ovok erogo wa yukheraliga o,” yiluk, atok vaga andiat an ninggis vaga dirup yi warogo wokheraliga o. Naburi wa.

Kolose 4:3

Samban ogagu dugwit, an Keretus awene mbauk hwilago welagagi ako yugirigya lagagis vaga heda marogo mabanunggugwa yoma dugwit, niren wene andi yugeregek nagu dogoguluk, Ala en sup hutbininggya dogopwak yiluk, Timotius niperen nenake samban ogagu dogones.

1 Tesalonika 5:5

Hit ovok erogo avakwa o hup vaga dugwit ogasagwi ako hak dek. Ata, hit andi dingga vaga dugwit ogasagwi menda ako hit aro. Eke, it avakwa o hwiserekma vaga dugwit ogasagwi hak hit dek. Ata, it o awiya vaga dugwit, ogasagwi ako hak hiratma,

2 Timotius 1:8

Anderogo atma, Nenasin Inis Ombok ninim hunik dugwit, niniluk mondok dogop wene yugirigya dogop ako hanggadi habuk. Eke, an wene andi yugirigya lagagis vaga heda maknitugwa ako ogo, hanggadi habuk. Ata Sek Wene ako yugurugwi vaga anggin-mbanggin nenovaga bininelagwi ako, an nadik dek. Ala anye woknirigya hegek, niperen ndatak anggin hugu dogosogom.

2 Timotius 2:9

An wene andi yugirigya neyalok, anggin-mbanggin okbanenggek adigat ogarit wagagwa, wagagwa, atok vaga, “Ap mondok weyak ogasiga o,” yiluk, heda marogo mabanunggugwa yoma agirik ovara, Ala wene andi, heda marup meyan.

Vilemon 1:13

Sek wene yugeregek lagya lagagis ako vaga an heda marogo banunggugwa yoma werekma, at hat havoloma an yonggat-nitya dogop mbup okbaup sek imbiti ovara,

Iberani 3:1

Anderogo atma naswei o. At mbogot vaga menda akoen ninimat nenayonggo bininggu lagagirik, At aburi enogo bininggigi atma, ap imam inis ombok winimen agarik nenake ogagya dogopwak yiluk, lakba wagagi Yesus ako, sek erogo dibagu dogones.

1 Peterus 4:13

Ata, hit idup-mbidup okbigigelagwi ako andi, hivis, At Keretus mondok siyalek wagya ako hinil hugu dogomundik, henendawi adenggen mondok iya erogo okhinivupwak yiluk, “Yogak At Keretus okbagu lagagwa akoat okbininelagwi atma, sek aro,” yiluk, henendawi adenggen umbutu dogones.

1 Peterus 5:1

Nowa-nasin o. Hit Ala aburi enanggelekma dugwit vagenombogo agipik hak, an ogo Ala aburi vagenombogo agirik en wene ambi yukherayogon. At Keretus anggin-mbanggin ovaga bagu lagagwa ako, an nil hagagis atma, hivis At eyave siyalek dugwit sigam ari warup amor agyaim, “An ogo siyabanisogon,” imbita dugwit, “Wene eyave yukheraup,” ombasiga ambi des erogo hunggu dogovovok yiluk, yukherayogon o.

2 Peterus 1:13

At Nenowa Inis Ombok Yesus Keretus en an nagamut eravo valek ovagak yi, vage nggolalogo baluk, laup sigam yuknigas ako wane-wane, nagamut nggolalogo baup ako vage horok yi nilup atma, an nagamut nggolanggitek ao niluk wedek iri dugwit, yi wene ndi wene yukheraliga ako hit hinilup dogovovok yiluk, an yukhirigya dogop andi, segat ombasiga o.

1 Yohanes 3:14

Nit nenendawi nggorak ndatak welagagup ovara, Ala en nenendawi iluk okbininggigi ako, avyarat mondok niniluk agurik halok, nit nenaswei nenarupwi Ala wene welagwi menda ninim nenendawi hunik oginivisagwi ako vaga yedok helagwi. Ap ambi saen avakwa endawi hunik oginivisigadek halok andi, at endawi nggorak ovagak ao agarik.