Pilipi 1:6 - ALA WENE HIVIS DIRUP WATUGWA

⁶ At Ala en sek okhinivigiluk, endak ogagagi ako hudien, o hivis At Keretus Yesus warisogon andi vaga, yavup henendawima ogasiga ako atok weralogo avyarat ogarisogon imbita dugwit, yukheraliga.

Pilipi 1:6 Iomraidhean Croise

Yohanes 6:29

Yugugu lagagwama, At Yesus en, “Ala en hit ogarup ombasiga ako andi, eyave yi: Ala en An lakbani wagagi henendawi novaga vanggabaluk, avyarat nombarup ako aro.”

Lakbogogi Wene 11:18

Yugirigya ako enaruk hobaluk, it ogo enanedek mbup yagagwa. Mbup yugu lagagwarik, “Andi halok, Ala en it weram Yakuri dek menda ako ogo, it weyak ogasagwi menda enasam helok mbobaluk Yesus ambetaga laguselok, mondok iniluk dogop hologo bogogi higyo,” yiluk, Ala siyabagagwa.

Lakbogogi Wene 16:14

It wene yugeragagup hunggugwa ako, hwa o kota Siyatira menda ambi yum mudu heda ndimbup-ndimbup enggen ovagak sek adigat onggo hundutu lagagi menda inis Lidia akoen Ala inis siyabaliga atma, at Paulus yugeragagi wene ako wapwak yiluk Nenasin Ala en endawi sup hurogo bagagi. Endawi sup hurogo bagagi vaga wene hidigya lagagimu,

1 Korindus 1:8

At Nenowa Yesus Keretus warup hudi vaga hit weyak ogagetek sek werekma hinisa warupwak yiluk, yogak en mbikit, hivis At warup hudi vaga henendawi mondok wadokdek dogovovok yiluk, okbugugu dogosogon.

2 Korindus 1:15

“Iren, ‘Paulus adem yi yiluk, dirup warogo woknirigya higyo,’ yiluk, dibaluk, woknavusogom,” imbitigis. Imbita dugwit, endak henadema wagya lagagimu, henendawi adenggen umbutugup ako wane-wane, ndugwis ambi inim henendawi adenggen ombarovovok yiluk, bikhinisa warup andi avyarat nendawi wenggenggigis.

2 Korindus 2:3

Dirup endak watigis ako andi, an nendawi adenggen neyalok, hit ogo henendawi adenggen dogop andi an avyarat nilup. Nilup atma, henadema wagya dogomindik, hit sek ogasagwi vaga nendawi adenggen henombarup ovara, weyak ogasagwi vaga nendawi wakhedaup atma yiluk, mbup iri dugwit, dirup adigat endak warogo lakba wagagis ako aro.

2 Korindus 7:16

Hit ogarit lendagwi ako ovok erogo sek adigat ogarit nagu dogogup avyarat hinimbita dugwit, an nendawi sek adigat henombasiga.

2 Korindus 9:4

“Hit avyarat wonggalugup,” hinimbita dugwit, yugeragagis ako, an it Makedonia menda ninim bikhinisa wagu dogomindik, “Yi wonggalek dek hegek yukneraga higyo,” umbutuselok, hit hinim nenanggadi arugwi en, hodorogo wongganggu dogones.

Nggalatia 5:10

Nit Nenowa Yesus ninim ambiat hunik atma, an ombasiga ako, hit wane-wane ombarusogom avyarat hinimbita dugwit yukheraliga, naswei. Eke, at saen hit weyak ogarupwak yiluk nomalhinivit landiga andi, Ala en anggin ombok erogo ovaga bayogon.

Evesus 4:12

Andi ogagagi ako, nit Ala eyavup des erogo ogarit lagu dugwit, nit neneyave vaga Keretus eyave mondok wigalarupwak yiluk, nit Ala aburi ovok erogo mondok dikduk okbininggigi.

Pilipi 1:10

Hit anderogo ogagu dogovovok yiluk, henake samban ogasiga ako wane-wane ogagu hiniselok, yi menda ndi menda yenaga wokbaluk, eyave sek halok adigat okhedelagwi atma, Keretus warup amor ari wagya andi vaga At il hinugu dogomindik, “Hit weyak ogagetek sek adigat ogagu lagep o,” yiluk, ane anggin erogo ambi henovaga bigigayogonbuk.

Pilipi 1:29

At Ala en henabwa imbita dugwit, ogarup imbitigi ako andi, hit henendawi Keretus ovaga vanggabaluk avyarat ombarovovok yiluk adigat imbitigibuk. Ata, At Keretus inis wogogup vaga anggin-mbanggin inim havovok yiluk imbitigi.

Pilipi 2:12

Anderogo atma, naswemuni nendawi hunik. Endak hit ninim andoma dugwit, an nane iri lagagis wane-wane ogagu lagagup ako hak, yogak neyave yoma neyagek, “Ala en nenagap wendarisogon o,” yiluk, henalon en henowak dede yugu dugwit, ovok atok weralogo ogagu dogones.

Pilipi 2:13

At Ala en sek ogarup endawi ombasiga ako, hirenen, “Ogarup,” ombasagwi inim, eke, eyave ogasagwi inim, At Ala adigenat okbigigaliga.

Pilipi 2:16

At Keretus warup amor ari wagya andi vaga, “An vupuk lagya, an nova dambi-dambe oknitya hegek ogarit lagya, ogagya lagagis ako andi, enam warogo ogagya lagagibuk, segat ogagagis ai,” imbita dugwit, nadenggen hagiluk, wene niniluk okninivisiga wene ako, hit des erogo vagago dogones.

Kolose 2:12

At Keretus hambigya lagagimu, wimu mabagagwa hak, hit ima wombabigigu dugwit, hinim hunigat wimu mabigigugwa. Eke, At hinim hunik warek werekma, “Ala anye vaga hambuluk lendagwima en iluk erogo mendok okbagagi,” yiluk, henendawi At anye vaga vanggabagagup andien, ima en yegedogo mendok okbigigusim, At hinim hunigat hiniluk erogo mendok okbogogogi.

1 Tesalonika 1:3

Hit Yesus ovaga vanggabaluk avyarat umbutu dugwit ogarit lagwi, avakwa henendawi hunik en sek okbigik lagwi, eke, Nenowa Inis Ombok Yesus Keretus Ala en denogo lakba wagagi ako vaga vonggabaluk wenggelek werekma, anggin henovaga agya hegek henendawi wadokdek dugwit wugwi, ogasagwi ako andi, o ndugurek-ndagarek nenape wenggelek dugwit, Nenasin Ala yugisagwi.

2 Tesalonika 1:11

Andi atma, At Nenasin Ala en hit sek ogarit lagu dogovovok yiluk, heneyanggup yukheragagi ako, hit ndatak ogarit lagu hiniselok, “Sek ogagep o,” yukhirigya dogopwak yiluk, henake samban adigat ogasagwi. Eke, Yesus avyarat umbutu dugwit sek ogarup ombasagwi ako, ndatak ogarovovok yiluk, henanye okbugugu dogopwak en, henake samban adigat ogasagwi.

2 Tesalonika 3:4

Hit ogagu dogop wene yukherelagwi ako andi, vage ogasagwi ninilup. Eke, hit ambi inim ogagu dogovovok yiluk, Nenowa Inis Ombok en okbigigayogon.

Vilemon 1:21

An dirup wasiga yi ako adigat hat ogagya dogonyok yiluk, yukhisigadek. Ata, nin hat hendawi en hobaluk ambi inim ombok erogo ogagya dogosogon avyarat himbita dugwit dirup wasiga.

Iberani 10:35

Anderogo atma, yogak hit henatusigik, wene avyarat umbutu dugwit wogogup ako, wadokdek dugwit vagago hiniselok, onggo ombok wokherayogon atma, hekbaup moga.

Iberani 12:2

Eke, endak nit avyarat umbutu dugwit Ala wene waguluk nenendawi vipuk erogo bininggu, eke, avyarat umbutu niniselok, nenendawi mondok hoda erogo bininggu, ogasiga andi, Yesus atma, At adigat ninil vurek dugwit amusek nagu dogosogom. Avakwa enanggadi erogo yo winik vaga inirisagwi ako, At Yesus en, “An anderogo nanggadi erogo narup nanggon,” imbitigibuk. Ata, “Hivis nadenggen ombok hayogon atma, yogak un sidok anderogo okbanup sek aro,” yiluk, endawi wadokdek dugwit, yo winik vaga hambigya lagagirik, iluk akluk, Ala wene yugeraligama akoma Ala inggis amotkan hora yi inggya lagagirik, agarik.

1 Peterus 5:10

At endawi hunik en okbininaliga adem andok Nenasin Ala akoen, Keretus ninim hunik agurik vaga, At winimen siyalek agarik ako ninim wane-wane mondok-mondok winimen siyalek-at dogoguluk, nenayonggo bagagi. Eke, hit sidogat yagan watu hiniselok, Nenasin Ala en henovavut ap-at okbigigu, henendawi modo okhinipu, henanye erogo bigigu, henendawi wadokdek dogovovok yiluk okbigigu, ogagya dogosogon.

2 Peterus 3:10

At Nenowa warup ako andi, “Ndugwis andi vaga warisogon,” embetetek inigik, ap onggop waliga ako hak enape wenggelekdekma warisogon. Eke, wagya halok, mbogot ane sukup iri dugwit dek agya, saut-dadiwap mbogot vaga agarik menda ovok hali ninggya, wen yi inim, wen vaga agarwik inim, ovok erogo dek agya, ogagya hagup.