Pilipi 1:12 - ALA WENE HIVIS DIRUP WATUGWA

¹² Ai naswei-narupwi o. An anggin-mbanggin okbanunggugwa ako vaga Sek Wene mondok ombok wigalarit lagagi atma, hinilup arovovok yiluk, yukheraliga.

Pilipi 1:12 Iomraidhean Croise

Lukas 21:13

“Anderogo okbuguguselok, ‘Yugeraup nanonggal aga o,’ yiluk, ogagya neyagu lagagup ako, yugurugu dogogup.

Lakbogogi Wene 8:4

It Ala aburi hoda sak yagan lagagwa akoen, yi awi ndi awi andoma Sek Wene yugeregek nagu lagagwa.

Oroma 8:28

Nit Ala endawi ombasiga wane-wane ogagu dogoguluk, neneyanggup yukneragagi ako, At ninim nenendawi hunik niniselok, yi menda ndi menda ogasagwi inim, okbininelagwi inim, andi ovok erogo Ala en nit sek ogarup ambi haguluk, okbininggya helagwi.

Oroma 8:37

Andi ovok erogo okninivit wagusigik, Keretus ninim mondok hunik agarik andi vaga, enandup-enameda sovalogo bisiluk, enayegen inis ombok asiga andi, mondok iya-at ovara, nit ako andi, ap ninil werek mondok siyalek-at agurik.

Pilipi 1:7

An heda mago dugwit inim, eke heda maknetetek dugwit inim, avakwa en Sek Wene ako avyarat vagago dogopwak yiluk yugirigya dogogiluk Ala endawi hunik en andok okbaninggigi ako, ogagya neyagek hit an ninim ndatak ogasagwi. Halok, an nendawi mondok hit hinim hunik agirik atma, hit heneyave nape wengge iri halok nendawi sek dugwit, hit henake Ala, “Wa!” yugurup andi, segat ombasiga o.

Pilipi 2:22

Ap ambi abut en asin yonggat-haliga hak, an Sek Wene yugeregek lagya neyagek, at hutun-howam yonggat-nitya lagagi andi vaga, at andogon hinilup atma,

Pilipi 4:15

Hit avakwa Pilipi menda yi wai. An endak Sek Wene yi awi ndi awi yugeregek nagu dogogiluk, o Makedonia hekbaluk o adikmu lagya neyagek, Ala aburi homasagwi ako, yonggat-yonggat ogasagwi ovara, it ovok erogo mbuverek inigik, hit Ala aburi o Pilipi en adigat woknogogup ako hinilup aro.

Pilipi 4:3

Eke, hat naswe Sundugos ogo, niperen Ala eyavup ndatak ogasagwi menda atma, it akwa mberen andi, yonggar-inipu dogwen. It akwa andi, ap Kelemen ogo, it an naswei nin Ala eyavup ninim ogasagwi ako ogo, Sek Wene wigalarupwak yiluk, ninim musek-hasek ogarit nagu lagagwa atma, Ala ambuku it avakwa mondok-mondok iniluk okbisaup ininis dirup warek agarik ako, it ogo ininis ovok dirup warek agarik.

1 Timotius 2:8

Anderogo atma, it ap yi awi ndi awi ovok erogo enaninis umbutwi, winimuk yugwi, yegetek sek adigat dugwit, ininggis ilikbaluk, samban ogagu dogopwak yiluk, “Ai!” adigat ombasiga.

2 Timotius 2:9

An wene andi yugirigya neyalok, anggin-mbanggin okbanenggek adigat ogarit wagagwa, wagagwa, atok vaga, “Ap mondok weyak ogasiga o,” yiluk, heda marogo mabanunggugwa yoma agirik ovara, Ala wene andi, heda marup meyan.