Pilipi 1:10 - ALA WENE HIVIS DIRUP WATUGWA

¹⁰ Hit anderogo ogagu dogovovok yiluk, henake samban ogasiga ako wane-wane ogagu hiniselok, yi menda ndi menda yenaga wokbaluk, eyave sek halok adigat okhedelagwi atma, Keretus warup amor ari wagya andi vaga At il hinugu dogomindik, “Hit weyak ogagetek sek adigat ogagu lagep o,” yiluk, ane anggin erogo ambi henovaga bigigayogonbuk.

Pilipi 1:10 Iomraidhean Croise

Matius 16:23

Yugugu lagagimu, At Yesus il ambukmu endenogo Peterus yugugu dugwit, “Hat Sile-at heyagi! Ala endawi ombasiga ako ndatak ombasigadek, ovara, avakwa enendawi ombasagwi ndatak imbita dugwit yuknisiga atma, harenen An sup monggalogo baniliga atma, hat yenam en wilitak!” yugogogi.

Matius 26:33

Yugirigya lagagimu, at Peterus akoen, “Dek o. It ovok erogo, ‘Yesus ninunggut o,’ yiluk, hekbagaluk wunggusigik ovara, an andi, hekbagaluk mondok wilisogonbuk.”

Yohanes 1:47

Yugugu lagagimu, Yesus en ap Nataniel At adema wagya il higya lagagirik, at avok iri dugwit, “Ap yi avyarat Iserali menda, at ane mberen mondok yagaligadek yi hanes o.”

Yohanes 3:20

Yi ap ndi ap weyak ogasagwi akoen it weyak ogasagwi sigam agya haoen, At awiya ako andi, ‘Nenanggon o,’ yiluk, avema wendagudek.

Lakbogogi Wene 24:16

Anderogo atma, Ala inim, avakwa inim, inivaga an okbisayogon vaga nendawi ugun seyalek ogagya dogogiluk dibaluk ogasiga.”

Oroma 12:2

It avakwa wen vaga menda en enendawi ombakluk ogarit lendagwi ndatak, hit anderogo ogarit lagu dogobuk. Ata, hit adik swi menda ogarit lagu dogovovok yiluk, “An nendawi swi adik menda okbaninggya dogwen o,” yiluk, Ala yugugu dogones. Anderogo yugurup okhinipu halok, At Ala ogarup ombasiga ako andi, segat hugwi, ogarit lagu hiniselok, Ala endawi adenggen nenombasiga hugwi, eke, “Mondok sek adigat ombasiga atma, adik ambi ogarup dek,” umbutwi, ogagu dogop hinilup arugup.

Oroma 12:9

Henanggon umbutu dugwit, henendawi hunik oginipu dogobuk. Ata, enabwa umbutu dugwit, henendawi hunik oginipu dogones. Yi weyak ndi weyak ogasagwi andi, henanggon umbutu dugwit, sek ogarup halok adigat henendawi hunik umbutu dogones.

Oroma 16:17

Naswei-narupwi wa. Hit wene mamulhiruguselok wagagup ako it nin waup enanggon en hekbaluk, avakwa enendawi ogorogo bilin nagwis, it avakwa avyarat umbutugwa ako enendawi avut endenogo bigik nagwis, anderogo okhinivit wagu saoen, henova hwalogo dogovovok yiluk, yukheraliga. It ap andi, hinim dambunggitek henadigat dogones.

Oroma 2:18

Hiren, “Ala endawi ombasiga ako ninilup aro,” yiluk, yugwi, eke, Musa wene mamulik ako vaga, “Yi sek. Yi weyak, nit yedok helagwi o,” yiluk, yugwi, ogasagwi.

Oroma 7:16

An ogasiga andi, nanggon imbita dugwit ovara, ogasiga halok, ogasiga andi vaga, Musa wene ako andi, “Segat higi,” imbita dugwit, wene andiat anye erogo baliga.

Oroma 7:22

Ala en, “Yerogo ogarup, nderogo ogarup,” yagagi wene andi, an nendawima en ogarup andi nendawi sek ovara,

1 Korindus 1:8

At Nenowa Yesus Keretus warup hudi vaga hit weyak ogagetek sek werekma hinisa warupwak yiluk, yogak en mbikit, hivis At warup hudi vaga henendawi mondok wadokdek dogovovok yiluk, okbugugu dogosogon.

1 Korindus 10:32

An avakwa ovok erogo enadenggen ombarupwak yiluk, enake yi ogagek ndi ogagek ogagya dugwit, an sek dogwegen yiluk, okhedaligadek o. Ata, Ala en it wisane erogo enagap wendarupwak yiluk, an sek okbigik landiga. Anderogo wane-wane, hit ogo, it Yakuri menda inim, Yunani menda inim, Ala aburi yi awi ndi awi homasagwi ako ovogat sek okbigik lagu dugwit, weyak erogo bisaguven yiluk, dibaluk, okbigik lagu dogones.

1 Korindus 8:13

Anderogo atma, an naliga vaga naswei nggedek wambisagwi halok, anenenat weyak erogo bugu neyaoen, an wam madis anggom mondok nenggetek-at dogosogon.

2 Korindus 1:12

Nit avakwa wema menda enanggelekma ogarit lagu dugwit, dibaluk ogarit lendagwi, ovara, hit Korindus menda henanggelekma dugwit andi, mondok iya erogo dibaluk ogarit lagu lagagup. Andi, it avakwa wen vaga menda nenendawi werek ombakluk yagan nelagwi hak nit yagan lagatek, eke, sek adigat ogagu dugwit, wene atok hwilagago yukheregetek. Ata, Ala endawi hunik en anye okbininggu hegek, mondok avyarat halok adigat sigam vagalogo yukhirugu lagagup ako adigat wenggelagya halok, “Sek ogagyo atma, wi!” yiluk, nenendawi adenggen wisane agurik.

2 Korindus 2:17

It ninen Ala wene yugurugwi vaga, yoparip ambi hedaugen yiluk, yukherelagwi ovara, nit andi, anderogo dek o. Yukheraguluk, Ala en lakbinini wagagi atma, At il hegek Keretus ayeloman dugwit, nenendawi sek vaga-at yukherelagwi.

2 Korindus 6:3

Nit ambi ogarusogom vaga yidup iri halok, wene yukhirugu dogop andok okbininggigi ako, weyak erogo bagu saoen yiluk, nit mondok dibaluk ogasagwi.

2 Korindus 8:8

An wene yukheraliga yi ako andi, nane anye vaga yukheraligadek. Ata, it nin an nane hobaluk, enendawi sek vaga ogasagwi ako ndatak, hit an nane hobaluk, “Wane-wane ogarusogom vaga henendawi hunik oginupu hinisami a?” yiluk, yukheraliga.

Nggalatia 5:11

Eke, naswei. An andi, adem ngga vaga anggin-mbanggin okbanilagwi ombasagwi? An, “Henagamut mbalup o,” yiluk, yukhirigya duklimu en, anggin-mbanggin erogo okbanilipuk. Ovara, Yesus yo winik vaga hombagagi wene ako yugeregek lagya dugwit, “Henagamut mbalup andi iya dek o,” yiluk, yugeregek landiga vaga, enaninis numbutu dugwit, anggin-mbanggin okbanilagwi yi aro.

Evesus 4:15

Eke, nit avakwa nenendawi hunik en avyarat wene Ala avok ako adigat yugurugu dugwit, ninunggul hak Keretus endawi mondok eve hoda agarik ako hak, nit anderogoat nenendawi hoda okbininapwak yiluk, ogarit lagu dogosogom.

Evesus 5:10

Anderogo ogasagwi atma, hiren, “An ogasiga yi, Ala endawi ombasiga wane-wane-at ogasiga a?” yiluk, yenaga wokhidugu dugwit, anderogoat ogarit nagu dogones.

Evesus 6:24

Nenowa Inis Ombok Yesus Keretus hit henendawi hunik ogasagwi ako, dek agetek mondok hunik hiniselok, henabwa imbita dugwit, hinimat dogosogon o. An Paulus en wene andiat yukhirigi o. Naswei wa!

Pilipi 1:16

An Sek Wene avakwa avyarat ombarupwak yiluk, mbilinogo yugirigya dogogiluk, Ala enat mondok okbaninggigi yoma agirik ako, it nin enendawi sek vaga yugerelagwi akoen inilup atma, ninim nenendawi hunik dugwit yugerelagwi.

Pilipi 1:6

At Ala en sek okhinivigiluk, endak ogagagi ako hudien, o hivis At Keretus Yesus warisogon andi vaga, yavup henendawima ogasiga ako atok weralogo avyarat ogarisogon imbita dugwit, yukheraliga.

Pilipi 2:16

At Keretus warup amor ari wagya andi vaga, “An vupuk lagya, an nova dambi-dambe oknitya hegek ogarit lagya, ogagya lagagis ako andi, enam warogo ogagya lagagibuk, segat ogagagis ai,” imbita dugwit, nadenggen hagiluk, wene niniluk okninivisiga wene ako, hit des erogo vagago dogones.

1 Tesalonika 3:13

Eke, Nenowa Yesus At aburi ake denek menda inim wagu dogomundik, hit weyak ogagetek mondok sek adigat ogagu hiniselok, Nenasin Ala ane anggin ambi henovaga bigigayogonbuk yiluk, henendawi wadokdek okbugugu dogopwak o.

1 Tesalonika 5:21

Yi wene ndi wene yagalagwi ako avut mbabaluk, eyave sek halok adigat nggitik-nggetok erogo vagago dogones.

1 Tesalonika 5:23

Nenendawi ugun seyalek adenggen okbininaliga Ala ako, hit heneyave At ake denogo bugugu dugwit, henendawi weyak menda mondok horogo bigigapwak. Eke, Nenowa Yesus Keretus wagya dugwit, hit heneyave-henendawi ovok erogo weyak ogagetek dogosogom vaga, ane ambi henovaga bigigagwi en yiluk, okbugugu dogopwak.

1 Yohanes 4:1

Naswei nendawi hunik yi wai. Avakwa huluk wene yugerelagwi menda eneyave wisane en yi awi ndi awi ovok erogo yugeregek lendagwi atma, ap ambi henadema wagya dugwit, “Ala Averiniki en yuknirigya halok, yukhera wagyo,” yiluk, yukhera waguselok, enane avyarat umbutu dugwit ugun waup moga. Ata, “At Ala Averiniki en avyarat lakbisa wagao atma yagan wendagwi a, ata it enendawi en wenggebaluk yagan wendagwi a?” yiluk, enavut dombabaluk enane hunggu dogop segat.

Wahyu 2:2

Hit An naburi o Evesus ogarit lendagwi ako An nilup. Hit An namusek wagu dugwit, henanyedek okhinipu hegek hekbagetek mondok hunik adigat ogarit lagwi, it ap weyak menda nit nenanggelekma yoma dogop mondok dek o, yiluk, henanggon umbutwi, ogarit lendagwi ako andi, An nilup aro. Eke, it ap nin lakbigik menda dek ovara, wagu lagarwik, ‘Ala en lakbinini waga o,’ yiluk, yukhiruguselok, hiren enavut mbabisiluk, ‘Yi enane huluk yagan wagao,’ yiluk, mbobiselagwi ako andi, An nilup.