Pilipi 1:1 - ALA WENE HIVIS DIRUP WATUGWA

¹ Hit Keretus Yesus hinim hunik Ala aburi ake denek o Pilipi agipik ako ovok erogo inim, Ala aburi vagenombogo agipik inim, ap yonggaragak inim, naburi wa. An Paulus Timotius niperenen Keretus Yesus ayeloman dugwit wene ambi yukherasogom.

Pilipi 1:1 Iomraidhean Croise

Markus 13:34

Ap ambi o adumu lagiluk, ogagya dugwit, at ayeloman o malogo dogopwak yiluk, yavup adik-adik ogagu dogopwak yiluk enogo bugu, at sup mbanggutmu dogopwak yiluk, yugugu, ogarogo bisiluk wilisiga ako hak,

Yohanes 12:26

Ap ambi saen An nake ogarup imbita halok, mondok namusek-at wagya dogopwak. An hivis dogopim akoma nayeloman ogo niperen andoma-at dogosogom. Eke, An nake ogagya halok, Nasin en at siyabayogon, yiluk, mondok avyarat yukheraliga o,” yugeragagi.

Lakbogogi Wene 1:20

At Peterus akoen wene andi yugirigya lagagirik, Ndawi Wene vaga Ala wene ambi yugirigya dugwit, “At welagagirikmu avakwa winggik-nonggegek yegetek werekma, o andi um dogopwak,” yiluk, yagagi. Eke, ambi iri dugwit: “At avoloma ogagya dogopwak yiluk, ap adik ambi mondok okbapwak o,” yiluk, mbuku Ndawi Wene ako vaga dirup warek agarik.

Lakbogogi Wene 20:28

“At Nenowa Yesus amuya vaga Ala aburi homago enonggo bagagi ako andi, At andomba ovagak atma, malenombogo dogovovok yiluk, Averiniki en mikhinipigirikmu, hit henendawi suam wakhidugu dugwit, it inim des erogo yugurugu dogones.

Lakbogogi Wene 9:13

Yugugu lagagimu, at Ananias akoen, “Nasin. At ap ako andi Hat haburi adik denek menda o Yerusalem weyak oginivit landiga yagalagwi ako an naruk hunggwis.

Oroma 1:1

At Ala en an Paulus Keretus Yesus ayeloman ako, lakbigik menda dogogiluk, yanggup yuknugu, At ane Sek Wene yugeregek lagya dogogiluk, denogo baninggya, ogagagi atma, an wene ambi yukherayogon.

Oroma 1:7

Hit Oroma menda At Ala en endawi hunik okhinipu, At aburi adik denek dogovovok yiluk, heneyanggup yukhirigya, ogagagi ako, hit ovok erogo, Nenasin Ala Nenowa Inis Ombok Yesus Keretus iperen henabwa en okbugugwis, henendawi ugun seyalek sek dogovovok yiluk, okbugugwis, ogagu dogosogom.

1 Korindus 16:10

Anen Nenasin eyavup ogasiga wane-wane, at Timotius ogo, anderogoat ogasiga. Anderogo atma, at henadoma wagya halok, henanggelekma dugwit, alon imbita dogogwi en, at eyave des erogoat womano.

2 Korindus 1:1

Ala endawi imbitigi vaga an Paulus Keretus Yesus en lakbigik menda okbaninggigi nenaot Timotius niperen en, hit Ala aburi o Korindus homasagwi menda inim, hit Ala aburi adik denek o Akaya agipik inim, hinim ovok erogo wene ambi yukherasogom.

Nggalatia 1:10

An yukheraliga andi, avakwa en “Hat sek yegen,” yiluk, yuknirupwak yiluk yagaliga a? Ata, Ala en, “Hat sek yegen,” yuknirupwak yiluk yagaliga a? Eke, an avakwa en sek nombarupwak yiluk yagaliga ombasagwi? Dek o. An endak avakwa enendawi sek nombarupwak yiluk iri lagagis ako wane-wane iri duklimu en, yogak an Keretus ayeloman aklibuk.

Nggalatia 3:26

Hit ovok Keretus Yesus avyarat ombakluk, henendawi At ovaga vanggabagagupikmu, hit Ala aburi-at agipik.

Nggalatia 3:28

Henandogon ambiat Keretus menda yikhedagagup atma, yi Yakuri menda yi Yunani menda, yi ap enayeloman agarwik menda, yi ap enayeloman agarwikbuk menda, yi ap yi hwa, anderogo yup mondok dek aro. Nit ovok Keretus Yesus ninim hunik atma, neneyave ambiat agurik.

Evesus 1:1

An Paulus, Ala imbitigi vaga Keretus Yesus en ayonggo lakbigik menda okbaninggigi akoen, hit Ala aburi At ake denek Keretus Yesus hinim hunik dugwit, Sek Wene des erogo musek lendagwi menda o Evesus agipik ako, wene ambi yukherayogon o.

Evesus 1:15

Anderogo atma, hiren Nenowa Inis Ombok Yesus avyarat umbutu dugwit, henendawi At ovaga vanggabagwi, eke, At Ala aburi ake denek ovok erogo hinim henendawi hunik oginipwis, ogarit lendagwi ako, an naruk hunggu lagirik henake samban ogasiga.

Evesus 6:24

Nenowa Inis Ombok Yesus Keretus hit henendawi hunik ogasagwi ako, dek agetek mondok hunik hiniselok, henabwa imbita dugwit, hinimat dogosogon o. An Paulus en wene andiat yukhirigi o. Naswei wa!

Pilipi 2:19

Hit nggarogo agipik ako dibigiluk yukniri wagya halok nilup agya dogomindik, nendawi ugun seyalek dogogiluk, Nenowa Yesus en sup hutbagya halok, Timotius yiluguluk bikhinisa warupwak yiluk, henadema lakba warup ombasiga.

Pilipi 2:5

At Keretus Yesus ovavut welagagi ako hak, hit ogo henovavut anderogoat dogones.

Pilipi 3:12

An vage nendawi anderogo modo okbaninggya, eke, wene yagan wagi ako ovogat okbaninggya, ogagya higirikmu yiluk yukheraligadek. Ata, Keretus Yesus en okbanigiluk vaknitigi ako, “At andiat hedayogon o,” yiluk, an nelokwe amor-amor-at musek landiga.

Pilipi 3:3

“Nit neneyave anderogo okbinunggugwa,” yiluk, nenendawi andi vaga vanggabaluk, agurikbuk. Ata, Ala Averiniki en nenendawima dugwit, Ala inis siyabagwi, Keretus Yesus ninim hunik dugwit wa yugugwis, ogasagwi ako andi, Ala aburi nenagamut mbalek ovagak nit aro.

Pilipi 3:8

Eke, ambi inim, an Nowa Inis Ombok Keretus Yesus nilup arup andi mondok iya atma, “Yi menda ndi menda ogagya lagagis ako ovok erogo enam warogo ogagya lagagis higi,” imbita lagagirik, Musa wene wane-wane ogagya lagagis ako vaga Ala en an woknavup andi degat haliga. Ata, Keretus avyarat ombasagwi vaga Ala en nit sek erogo wokninivisiga ako menda, “Vage wokhitirikmu, Keretus hendawi hunik heyaliga o,” yuknirupwak yiluk, Keretus hidigya lagagirik, an yi ogagek ndi ogagek ogagya lagagis ako ovok erogo, “Yi nombabuk-at higi,” yiluk, mbo hagagis.

1 Tesalonika 1:1

Ai nowa-nasin wa. Hit Ala aburi, Nenasin Ala Nenowa Inis Ombok Yesus Keretus Ala en denogo lakba wagagi ako, hinim hunik dugwit o Tesalonika homarisagwi ako, an Paulus inim, Silas inim, Timotius inim, nit henggam en wene ambi yukherasogom o. Ala henabwa en okbugugu, henendawi ugun seyalek adenggen dogovovok yiluk, okhinipu, ogagya dogopwak o.

1 Tesalonika 2:2

Nit o Pilipi werekma, anggin-mbanggin nenovaga bininggwis, wiyiknom-weyaknom erogo okninipwis, ogagagwa hinilup ako ovara, hivis, o Tesalonika dugwit, Ala wene sek menda ako it wisane en, “Nenanggon,” yiluk, ninim ogorek inigik, Ala yonggat-ninivisiga atma, nenalon embetetek yukhirugu lagagup.

2 Tesalonika 1:1

Ai nowa-nasin. Hit Ala aburi Nenasin Ala Nenowa Inis Ombok Yesus Keretus ako hinim hunik dugwit o Tesalonika homarisagwi ako, an Paulus inim, Silas inim, Timotius inim, nit henggam en wene ambi yukherasogom o.

1 Timotius 3:8

Eke, it ap yonggaragak ako, anderogo it enovavut sek halok, enane mberen dek ambiat adigat yagalagwi halok, anggur agas nenek oginivisiga menda enagaum erogo nelagwidek halok, yoparip hogop umbutu dugwit avakwa yewes oginivisagudek halok,

Titus 1:1

Nabut Titus wai. An Paulus Ala ayeloman Yesus Keretus en lakbigik menda baninggigi akoen wene ambi yukhisogon o. It avakwa Ala en miginipigi ako enendawi Yesus avyarat ombakluk des erogo wugwi, eke, avyarat wene ako wokbaluk, enendawi eve vaga ogarit lagwi, ogagu dogopwak yiluk, lakbigik menda baninggigi.

Titus 1:7

It ap Ala aburi vagenombogo dogop ako andi, Ala eyavup ogasagwi atma, weyak ogaguselok avakwa enane enovaga bisaguven, sek adigat ogarit lagu dogopwak o. It ombasagwi adigat ogarup umbutwi, enaninis mbikit agwi, amburup nenek oginivisiga menda enagaum erogo nunggwi, war-wat yugwi, avakwa enayoparip hedaguluk, yewes okbugwis, ogasagwi halok, ap andi menda mondok okbisabuk.

Vilemon 1:1

An Paulus Yesus Keretus wene yugeregek landiga vaga heda maknitugwa ako, nenaot Timotius niperen en, hat nenaswe Vilemon ninim nenendawi hunik dugwit, ninim Ala eyavup ogasagwi ako,

Iberani 13:23

Nenaswe Timotius heda mago welagagi ako, vage visilogo bagagwa hinilup arovovok yiluk, yukheraliga. At yiluguluk an nadema wagya halok, niperen henadema warusogom.

Yakobus 1:1

Hit Yakup aburi enombawi wigalek hininis unggul 12 menda, yi awi ndi awi sak yagan lagagup ako, an Yakobus en Nenasin Ala inim, Nenowa Yesus Keretus Inis Ombok inim, iperen enayeloman dugwit, “Wa,” yukheraliga o.

1 Peterus 2:25

Hit endak ndomba yelemele erek hak ugun ogarit nagu lagagup ovara, yogak andi At vakhenombogo dugwit, malhenombogo agarik ako avema dogoguluk, adema wagagup.

2 Peterus 1:1

Nowa-nasin wa. An Simon Peterus Yesus Keretus ayeloman ayonggo lakbigik menda mondok okbaninggigi akoen, wene ambi yukherayogon. At nenagap wendasiga Yesus Keretus Ala akoen, At ovavut sek adigat ogagagi ako vaga wene avyarat umbutu lagagurik, wagagup nenendawima vakhedogo agurik ako, hit ninim ndatak wagagup atma, an wene yi dirup warogo wokheraliga.

Yudas 1:1

An Yudas, Yakobus aot, Yesus Keretus ayeloman dugwit hai wakhinivisiga o. At Ala heneyanggup yukhirigya lagagirik, endawi hunik dugwit, hit Yesus Keretus ake malhenombogo agarik ako, wene yi dirup warogo henadema lakba wandiga.

Wahyu 1:1

At Ala en yi ogarup ndi ogarup vage ogarup wene ako, yi aro. Wene yi nit At ayelomani ninilup arupwak yiluk, Ala en Nenowa Inis Ombok denogo mendok okbagagi Yesus Keretus ako yugugu lagagimu, Aren vagalogo yukneraliga yi aro. Ala en Yesus Keretus yugugu lagagimu, Ala ayeloman an Yohanes ako nilup okbanupwak yiluk, Yesus Keretus en At ayonggo malaikat ambi wombaba wagagi.

Wahyu 1:20

Dadiwap 7 ninggis amotkan vagago neyagen ako inim, eke, hali yevedogo bagek 7 mbusi emas vaga ogarek hegen ako inim, andi wene eve hwilago agarik atma, adem des erogo yukhisogon: Dadiwap 7 ako andi, it malaikat 7 An naburi 7 gereja vaga homasagwi malenombogo agarwik akoat inigin. Eke, hali yevedogo bagek 7 ako andi, An naburi 7 gereja vaga homasagwi akoat inigin o,” yiluk, yuknugu higi.

Wahyu 19:10

Yuknugu lagama, an Yohanes en malaikat ako avema seve yiluk, inis siyabagiluk ogagyaim, aren yuknugu dugwit, “Moga! An siyabanubuk! An inim, hat inim, hat haswei wene Yesus en yugirigya lagagi ako vagago agarwik inim, nit ovok ndatak Ala ayelomani agurik. Ala Averiniki en nenendawima yuknirigya hegek yugurugu dugwit, wene Yesus en yagagi ako yugeralagwi. Anderogo atma, Ala avema seve yiluk, At adigat inis siyabagya dogwen,” yiluk, yuknugu higi.

Wahyu 2:12

Yuknugu lagarik, ambi yuknugu dugwit, “At malaikat An naburi o Veragamus homarisagwi malenombogo agarik akoen aburi yugerapwak yiluk, dirup warogo lakbanogen, yukhisogon.” “An nambusinggarep erasul ovagak venak-venak ovat marek vagago agirik akoen, it An naburi o Veragamus menda wene yi yugeraliga:

Wahyu 2:8

Anderogo yuknugu lagarik, ambi yuknugu dugwit, “At malaikat An naburi o Simirana homarisagwi malenombogo agarik akoen aburi yugerapwak yiluk, dirup warogo lakbanogen, yukhisogon.” “An endak erogo welagagis, hivis atok vaga mondok dogosogon, eke, hombagagis ovara, niluk agya lagagirik agirik akoen, wene yi it An naburi o Simirana menda yugeraliga:

Wahyu 22:9

aren an yuknugu dugwit, “Anderogo ogarubuk. It haswei navi-navi inim, it wene dirup watin yi dibaluk musek lendagwi ako inim, hat inim, an hit ndatak Ala ayeloman atma, Ala adigat inis siyabagya dogwen,” yiluk, yuknigas.