Lukas 9:7 - ALA WENE HIVIS DIRUP WATUGWA

^7-8 Ogarit lagwi ako it avakwa en inigu lagagwarik, Yesus andi sa yiluk, it ninen “At andi, at Yohanes Herodes en mondok watigirikmu hambuluk bisa lendagwima en iluk akluk, mendek yagas ai,” yugwi, eke, it ninen, “Dek. Ap navi endak welagagi Elia ako sigam aga ai,” yugwi, eke, it ninen, “Dek. Ap muk Ala en yugirigya hegek yugurugu lagagwa navi-navi akoma menda ambi iluk akluk, mendek yagas o,” yugwi, yagan lagwi ako ap inis ombok Herodes ako aruk hunggu lagagirik, endawi obak agagi.

Lukas 9:7 Iomraidhean Croise

Matius 11:2

At Ima Wombabisaliga menda Yohanes ako lembaga akoma dugwit, Keretus ogarit lagya ako aruk hunggu lagagirik, at ane welagwi menda en Yesus hemekhapwak yiluk, adema lakbogogi.

Markus 8:28

irenen yugugu dugwit, “It ninen, ‘Hat Yohanes avakwa ima wombabugu lagagi akoat,’ yugwi, eke it ninen, ‘Hat Elia aro,’ yugwi, eke, it ninen, ‘Ap ambi Ala yugirigya hegek yugurugu lagagwa menda navi-navi ako menda ai,’ yugwi, yagalagwi o,” yugogogwa.

Lukas 13:31

O andi vaga, it ap Varisi menda ninen Yesus adema wagu lagagwarik, At yugugu dugwit, “Ap Herodes harup ombasiga atma, yoma en hodorogo wilin.”

Lukas 21:25

Yugirigya lagagirik, ambi yugirigya dugwit, “Hinilup arovovok yiluk, mo il inim, saut inim, dadiwap inim, andi mondok elokwe adik ogagya hagup. Eke, o wen vaga yoma is laut yanggadek ane ombok iri dugwit, mondok mogoliluk ogagya halok, it avakwa ininis unggul adik-adik ovok erogo, ‘Yi nggarogo ogarit wandiga wi!’ yiluk, enendawi mondok obak arugup.

Lukas 23:7

“Yu,” yugogogwa. Yugugu lagagwama, Pilatus en ap inis ombok Herodes o Galilea vagago agarik yiluk, O Yerusalem sidok wagagirik werekma, aren Yesus owak dilupwak yiluk, adema lakbagagi.

Lukas 3:1

Ap Kaisar Tiberius inis ombok dugwit, yi awi ndi awi Oroma menda ovok erogo at avema vagago welagagi. Vagago werekma, tahun 15 andi vaga at avema welagagwa menda ako, ap ambi Pondius Pilatus o Yudea Gubernur vagago welagagi. Eke, ambi, ap Herodes o Galilea vagago welagagi. At aot Pilipus o Itureya Serakonitis vagago welagagi. Eke, ambi, ap Lisanias o Abilene vagago welagagi.

Lukas 9:19

Yugirigya lagagimu, iren yugugu dugwit, “Avakwa ninen, ‘At Yohanes Ima Wombabugu lagagi menda ako aro,’ yugwi, eke ninen, ‘Elia-at,’ yugwi, eke, ninen, ‘Ap muk Ala en yugirigya hegek yugurugu lagagwa navi-navi ako menda ambi iluk akluk, mendek yagas,’ yugwi, yagalagwi o.”